Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.

Reference:
Ulukau.org
Hawaiian-English Dictionary

'O Ka Poi Ke Ko'oko'o

Synopsis: Reminisces about the difficulty of obtaining poi from childhood until now. Poi should again become the staff of life of Kanaka Maoli.

"O ka Poi ke kookoo o ke ola o ke kanaka Hawaii," he 'ölelo ia no loko mai o kekahi mo'olelo o ka nüpepa "Ke Au Okoa" i ka makahiki 1870, i kapa 'ia 'o "Ka Kakou Ai Hawaii." A he pololei nö, a ua pa'a nö ma ka mo'olelo o Papa me Wäkea, 'o Häloanakalaukapalili, 'o ia ke kaikua'ana o ke kanaka.

A pehea, he 'oia'i'o nö ia 'ölelo i këia mau lä 'o ia ho'i, 'o ka Poi ke ko'oko'o o ke ola o ke kanaka Hawai'i?

Ho'omana'o a'ela au i ko'u wä e kamali'i ana, piha hau'oli mäua me ko'u kaikuahine ke kü'ai mai ko'u makuahine i 'eke poi na ka 'ohana e 'ai ai. 'O ka mea minamina i ia mau lä, he ho'okahi wale nö paona poi o ke 'eke. 'A'ole au i 'ike iki i ke 'eke 'ekolu paona i ia manawa. A no laila ke pau ka poi i ka ho'owali 'ia e Mämä, pau koke nö i ka 'ai 'ia e mäkou. Ua käka'ikahi ka loa'a 'ana mai o ka poi iä mäkou i ia mau lä, ma muli paha o ka pipi'i o ke kumu kü'ai a me ka lawa 'ole paha o ka poi. I loko nö o ka 'ono loa o mäkou i ka poi, 'a'ole ia 'o ke ko'oko'o o ko mäkou ola i ia wä, 'o ka laiki nö, 'oiai, he emi loa ke kumu kü'ai.

A kanaka makua a'ela au, komo akula au i ka pü'alikoa me ko'u hoa aloha. A iä mäua e noho ana ma Kaleponi, hele akula mäua i kekahi hale kü'ai, a pü'iwa ihola ko mäua na'au, he poi no ko ia hale kü'ai, ua pa'a na'e i ka hau. Kü'ai mäua i ka poi, a na kekahi hoa i kökua ma ka ho'omäkaukau 'ana ma kona hale, a 'o ka haupa akula nö ia o mäkou i ka poi me kahi i'a malo'o a ko'u makuahine i ho'ouna mai ai, he keu a ka 'ono, a 'ai ihola mäkou a pu'u ka nuku, ua mä'ona ho'i ka 'öpü.

I ka wä i pau ai ka'u hana pü'alikoa, ho'i maila au i ke one hänau a me ka 'ohana. I ia manawa, 'ike akula au i ke 'eke poi, he 3 paona, hau'oli ka na'au. A ma hope mai, he nui nä mea kalo a'u i 'ike ai, nä kipi, ka mea 'ono, a i këia manawa, he pai kalo ke kü'ai 'ia nei a puni 'o Hawai'i nei. He 'ono nö paha ia, eia na'e ua palai 'ia ma ka 'aila, a no laila, 'a'ole paha ia e lilo 'o ia ke ko'oko'o o ke ola o ke kanaka Hawai'i. A 'o ia mau pa'akikï nö ka loa'a o ka poi ma nä hale kü'ai o O'ahu nei.

'O ka'u mea e nünë iho nei, he wä wï nö këia ('a'ole lawa ka poi e pono ai käkou), a eia ke hana 'ia nei ke kalo i mau 'ano mea 'ai like 'ole, a 'o ka nui paha, ua piha i ka 'aila a me nä mea 'ë a'e paha e pilikia ai ke kino ke 'ai 'ia. Aia paha a piha nä hakakau o nä hale kü'ai i ka poi, a laila, e hana i nä 'ano mea 'ai like 'ole me ke kalo.

He ko'oko'o nö paha ka poi no kekahi mau 'ohana, akä, e aho paha ka lilo hou 'ana o ka poi, 'o ia "ke kookoo o ke ola o ke kanaka Hawaii."

Ulukau.org
Hawaiian-English Dictionary

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

'O Ka Poi Ke Ko'oko'o

Synopsis: Reminisces about the difficulty of obtaining poi from childhood until now. Poi should again become the staff of life of Kanaka Maoli.

"O ka Poi ke kookoo o ke ola o ke kanaka Hawaii," he 'ōlelo ia no loko mai o kekahi mo'olelo o ka nūpepa "Ke Au Okoa" i ka makahiki 1870, i kapa 'ia 'o "Ka Kakou Ai Hawaii." A he pololei nō, a ua pa'a nō ma ka mo'olelo o Papa me Wākea, 'o Hāloanakalaukapalili, 'o ia ke kaikua'ana o ke kanaka.

A pehea, he 'oia'i'o nō ia 'ōlelo i kēia mau lā 'o ia ho'i, 'o ka Poi ke ko'oko'o o ke ola o ke kanaka Hawai'i?

Ho'omana'o a'ela au i ko'u wā e kamali'i ana, piha hau'oli māua me ko'u kaikuahine ke kū'ai mai ko'u makuahine i 'eke poi na ka 'ohana e 'ai ai. 'O ka mea minamina i ia mau lā, he ho'okahi wale nō paona poi o ke 'eke. 'A'ole au i 'ike iki i ke 'eke 'ekolu paona i ia manawa. A no laila ke pau ka poi i ka ho'owali 'ia e Māmā, pau koke nō i ka 'ai 'ia e mākou. Ua kāka'ikahi ka loa'a 'ana mai o ka poi iā mākou i ia mau lā, ma muli paha o ka pipi'i o ke kumu kū'ai a me ka lawa 'ole paha o ka poi. I loko nō o ka 'ono loa o mākou i ka poi, 'a'ole ia 'o ke ko'oko'o o ko mākou ola i ia wā, 'o ka laiki nō, 'oiai, he emi loa ke kumu kū'ai.

A kanaka makua a'ela au, komo akula au i ka pū'alikoa me ko'u hoa aloha. A iā māua e noho ana ma Kaleponi, hele akula māua i kekahi hale kū'ai, a pū'iwa ihola ko māua na'au, he poi no ko ia hale kū'ai, ua pa'a na'e i ka hau. Kū'ai māua i ka poi, a na kekahi hoa i kōkua ma ka ho'omākaukau 'ana ma kona hale, a 'o ka haupa akula nō ia o mākou i ka poi me kahi i'a malo'o a ko'u makuahine i ho'ouna mai ai, he keu a ka 'ono, a 'ai ihola mākou a pu'u ka nuku, ua mā'ona ho'i ka 'ōpū.

I ka wā i pau ai ka'u hana pū'alikoa, ho'i maila au i ke one hānau a me ka 'ohana. I ia manawa, 'ike akula au i ke 'eke poi, he 3 paona, hau'oli ka na'au. A ma hope mai, he nui nā mea kalo a'u i 'ike ai, nā kipi, ka mea 'ono, a i kēia manawa, he pai kalo ke kū'ai 'ia nei a puni 'o Hawai'i nei. He 'ono nō paha ia, eia na'e ua palai 'ia ma ka 'aila, a no laila, 'a'ole paha ia e lilo 'o ia ke ko'oko'o o ke ola o ke kanaka Hawai'i. A 'o ia mau pa'akikī nō ka loa'a o ka poi ma nā hale kū'ai o O'ahu nei.

'O ka'u mea e nūnē iho nei, he wā wī nō kēia ('a'ole lawa ka poi e pono ai kākou), a eia ke hana 'ia nei ke kalo i mau 'ano mea 'ai like 'ole, a 'o ka nui paha, ua piha i ka 'aila a me nā mea 'ē a'e paha e pilikia ai ke kino ke 'ai 'ia. Aia paha a piha nā hakakau o nā hale kū'ai i ka poi, a laila, e hana i nā 'ano mea 'ai like 'ole me ke kalo.

He ko'oko'o nō paha ka poi no kekahi mau 'ohana, akā, e aho paha ka lilo hou 'ana o ka poi, 'o ia "ke kookoo o ke ola o ke kanaka Hawaii."

Ulukau.org
Hawaiian-English Dictionary

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.