---

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here. Reference: Ulukau.org Hawaiian-English Dictionary

He Kaao

---

Synopsis: A story about Kinilohe during the reign of Kamehameha I.

---

E hai aku au ia oe i kekahi wahi kanaka ano hepa, a pololei no hoi. I ka wa o Kamehameha I., a mamua iho paha, e noho ana kekahi kanaka ma Kalaupapa i Molokai, o Kinilohe kona inoa.

Eia kana hana mua, i kona wa e hele ai i ka mahiai, a kahi kupono no hoi i ka mahiai ia e ka poe kahiko, a malaila ia e waele pulu ai, a nui no hoi ka mala, hele aku hoi kekahi kanaka e, a olelo aku ia Kinilohe. "He wahi uala keia, i ka mea kanu ana no hoi, uala, a pela aku no hoi ia mea, uala no, pololei no kau hana ana iho nei a kahi o ka uala, e paa hoi ka uala, he wahi maikai." Alaila, olelo iho la o Kinilohe pe keia, "mai ku," o ke ano o keia huaolelo a Kinilohe, mai ku ka uala olalo o ka lepo i ka oo a Kinilohe, a haalele oia ia wahi, no ka lohe ana he uala olalo o ia wahi. A hele hou no ma kekahi wahi mahakea e ae, a waele hou no, a hiki no hoi kekahi kanaka e ae, a kamailio no hoi e like me ke kanaka mua, a haalele hou no. Aole nae i manao keia mau kanaka, a poe kanaka paha, he kumu ia nona e haalele ai i ka mala uala ana, a hele ma kahi e, no ka mahaloia'ku. Eia ka lakou mea ike, o ka hana mau o Kinilohe i ka huaolelo, "mai ku."

A no ka pau loa ana o kahi kupono ona i ka mahi ia e ia, hele oia a luna o ka hapapa aa, ahua pohaku wahi kupono ole i ka mahi ia. Hele mai kekahi kanaka a olelo ia Kinilohe, "Heaha kau hana maanei."

"E hana ana au i mala ai na'u," olelo kekahi, "aole keia he wahi kupono i ka mahiai, he wahi aa, aohe ai o keia wahi, ia oe ae nei paha mahi ia keia wahi." Alaila, olelo o Kinilohe "eia ka! ka'u mala ai," a kii oia i ka lepo o kahi e, a hoohikihiki mai no ka mala ana, a hoopuupuu ia ma kahi kupono i ka pue uala e kanu ai, a loaa io ia ia ka uala.

Eia kana hana alua. I ka wa poeleele, hele mai kona hoa lawaia, a olelo ia Kinilohe, "e haele paha kaua i ka lawaia e Kinilohe," ae aku la o Kinilohe. Ua ike nae o Kinilohe he mea hele wale ke kino o ka poe lawaia, a wehe oia i kona kapa a waiho. A olelo aku ka wahine, me ke kapa no e hele ai i mahana, he anuanu," a hele pu no o Kinilohe me ke kuina kapa e kupuni ai, ke kumu o ka olelo ana'ku o ka wahine me ke kapa e hele pu ai, no ka loihi o kahi e hele ai, kokoke elua mile paha. A i ka hele ana a Kinilohe ma, a kahi kupono i ka lawaia, wehe kona kokoolua i kona kapa a waiho, a olelo aku ia Kinilohe, e waiho i kona kapa. A olelo mai kela, "ua olelo mai ka'u wahine, me ke kapa no au e hele ai i ka lawaia, o anuanu anei au," a no ka paakiki loa o Kinilohe, hele laua i ka lawaia hoauau o ka po.

A i ka lele ana o Kinilohe iloko o ke kai me kona kuina kapa, ua pulu loa, ua nahaehae, ua anuanu. A olelo o Kinilohe, "olelo ia mai nei hoi me ke kapa no e hele ai i ka lawaia i mahana, eia ka hoi he anuanu loa."

Eia kana hana akolu. I ka wa ona i kukulu ai i ka hale a paa, hele mai la kekahi a olelo mai la ia Kinilohe, "ola oe i kou hale nui, hiki mai ka wa o ka hooilo, aohe pilikia ana" manao ua kanaka hepa nei, "He mea ola ka paha ka hale," moe keia iloko o ka hale a anahulu (10) la a pilikia loa i ka pololi, olelo hou o Kinilohe, "olelo ia mai nei hoi he mea ola ka hale, aole ka hoi, eia no ka ka mea ola he mahiai." He nui no ka hana kupanaha a ua kanaka la. Aka, ke hooki koke ia mai nei. Pipi holo kao. -- J. H. Kanepuu.

---

Ulukau.org
Hawaiian-English Dictionary

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

He Kaao

---

---

E hai aku au ia oe i kekahi wahi kanaka ano hepa, a pololei no hoi. I ka wa o Kamehameha I., a mamua iho paha, e noho ana kekahi kanaka ma Kalaupapa i Molokai, o Kinilohe kona inoa.

Eia kana hana mua, i kona wa e hele ai i ka mahiai, a kahi kupono no hoi i ka mahiai ia e ka poe kahiko, a malaila ia e waele pulu ai, a nui no hoi ka mala, hele aku hoi kekahi kanaka e, a olelo aku ia Kinilohe. "He wahi uala keia, i ka mea kanu ana no hoi, uala, a pela aku no hoi ia mea, uala no, pololei no kau hana ana iho nei a kahi o ka uala, e paa hoi ka uala, he wahi maikai." Alaila, olelo iho la o Kinilohe pe keia, "mai ku," o ke ano o keia huaolelo a Kinilohe, mai ku ka uala olalo o ka lepo i ka oo a Kinilohe, a haalele oia ia wahi, no ka lohe ana he uala olalo o ia wahi. A hele hou no ma kekahi wahi mahakea e ae, a waele hou no, a hiki no hoi kekahi kanaka e ae, a kamailio no hoi e like me ke kanaka mua, a haalele hou no. Aole nae i manao keia mau kanaka, a poe kanaka paha, he kumu ia nona e haalele ai i ka mala uala ana, a hele ma kahi e, no ka mahaloia'ku. Eia ka lakou mea ike, o ka hana mau o Kinilohe i ka huaolelo, "mai ku."

A no ka pau loa ana o kahi kupono ona i ka mahi ia e ia, hele oia a luna o ka hapapa aa, ahua pohaku wahi kupono ole i ka mahi ia. Hele mai kekahi kanaka a olelo ia Kinilohe, "Heaha kau hana maanei."

"E hana ana au i mala ai na'u," olelo kekahi, "aole keia he wahi kupono i ka mahiai, he wahi aa, aohe ai o keia wahi, ia oe ae nei paha mahi ia keia wahi." Alaila, olelo o Kinilohe "eia ka! ka'u mala ai," a kii oia i ka lepo o kahi e, a hoohikihiki mai no ka mala ana, a hoopuupuu ia ma kahi kupono i ka pue uala e kanu ai, a loaa io ia ia ka uala.

Eia kana hana alua. I ka wa poeleele, hele mai kona hoa lawaia, a olelo ia Kinilohe, "e haele paha kaua i ka lawaia e Kinilohe," ae aku la o Kinilohe. Ua ike nae o Kinilohe he mea hele wale ke kino o ka poe lawaia, a wehe oia i kona kapa a waiho. A olelo aku ka wahine, me ke kapa no e hele ai i mahana, he anuanu," a hele pu no o Kinilohe me ke kuina kapa e kupuni ai, ke kumu o ka olelo ana'ku o ka wahine me ke kapa e hele pu ai, no ka loihi o kahi e hele ai, kokoke elua mile paha. A i ka hele ana a Kinilohe ma, a kahi kupono i ka lawaia, wehe kona kokoolua i kona kapa a waiho, a olelo aku ia Kinilohe, e waiho i kona kapa. A olelo mai kela, "ua olelo mai ka'u wahine, me ke kapa no au e hele ai i ka lawaia, o anuanu anei au," a no ka paakiki loa o Kinilohe, hele laua i ka lawaia hoauau o ka po.

A i ka lele ana o Kinilohe iloko o ke kai me kona kuina kapa, ua pulu loa, ua nahaehae, ua anuanu. A olelo o Kinilohe, "olelo ia mai nei hoi me ke kapa no e hele ai i ka lawaia i mahana, eia ka hoi he anuanu loa."

Eia kana hana akolu. I ka wa ona i kukulu ai i ka hale a paa, hele mai la kekahi a olelo mai la ia Kinilohe, "ola oe i kou hale nui, hiki mai ka wa o ka hooilo, aohe pilikia ana" manao ua kanaka hepa nei, "He mea ola ka paha ka hale," moe keia iloko o ka hale a anahulu (10) la a pilikia loa i ka pololi, olelo hou o Kinilohe, "olelo ia mai nei hoi he mea ola ka hale, aole ka hoi, eia no ka ka mea ola he mahiai." He nui no ka hana kupanaha a ua kanaka la. Aka, ke hooki koke ia mai nei. Pipi holo kao. -- J. H. Kanepuu.

---

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.