Synopsis: It's belt-tightening time! Let's be frugal and guard against our own greed lest we be counted among the friends of Bernard Madoff.

  Aloha mai nö käkou e nä hoa o Kauakükalahale, kahi e häpai 'ia ai ko käkou mau mana'o no nä nïnau ko'iko'i o këia au e ne'e nei a i pa'a ai ho'i ua mau mana'o nei ma ka 'ölelo kanaka no nä kau a kau. 'O kä käkou waiwai nö ia e ho'oili aku ai ma luna o nä mamo a käkou. A no laila, eia hou au ke häpai nei i ko'u mana'o koikoi iä 'oukou, e o'u po'e hoa 'ölelo Hawai'i, e ho'ouna mai i ko 'oukou mau mana'o like 'ole, pehea lä ke 'ano, a na ka ua kaulana nö o Honolulu nei ia e kükala aku i mua o ke äkea a laha aku ho'i ma këlä me këia pe'a o ka 'äina. Ua 'ikea këia wahi mana'o o'u. Na 'oukou nö 'oukou e maliu mai.

He mana'o 'oko'a ka'u e häpai ai i mua o 'oukou 'oiai ka panina o ka makahiki 'alemanaka haole e ho'okokoke mai nei. He wä wï këia i hiki mai nei i o käkou nei a he ho'omanawanui ka hana i ka 'ai 'uku a me ka liha. A no laila, 'o ka ho'omakauli'i ka hana e 'olu'olu ai ka nohona. 'A'oe nö e hiki iä käkou ke pono ho'olilo wale aku i kä kakou wahi kenieni, e like me ma mua, ma ke kü'ai 'ana i nä mea a pau a ka maka e make'e ai. A he mea minamina ho'i ko käkou ho'omaukauli'i 'ole 'ana i ia mau lä kü'ono'ono o ka noho 'ana. Aloha nö ia mau lä ua hala.

Alia na'e e hü mai ke aloha i ia mau lä. 'A'ole nö ia he mau lä kü'ono'ono maoli. 'O ka po'e 'änunu a ake kälä ho'i, 'o läkou nö ke uë nei me ka 'uï o ka niho. 'O läkou kai puni wale i ka mana ho'owalewale a ke kälä. He po'e hilina'i nö ho'i ia i ka mana'o ë na ke kälä nö e ho'oulu i ke kälä. 'O ka po'e i huli ka lima i lalo a kanu i ka huli, he kalo kai ulu mai. Pëia ho'i me ka po'e i kanu i ka 'ano'ano. 'O ka ulu maila nö ia o kä läkou meakanu. 'O ka po'e na'e i kanu i ke kälä, he kälä popopo wale nö ka loa'a.

'A'ole nö këia he mea e hü ai ke aloha no läkou, a no ka mea, 'o ka 'änunu ka mea i pilikia ai. He nui a lehulehu ka po'e i puni i ke a'oa'o a kahi loea hana kälä, 'o Bernard Madoff, a he hoaaloha 'o ia no ka nui o läkou. No ka hilina'i o ia po'e i ke akamai o ua hoa lä i ka hana kälä, 'o ka hä'awi nui akula nö ia i kä läkou kälä iä ia e kanu ai (no ka ho'opukapuka). Kainö e ulu ana ia kälä, eia kä, he ho'opukapuka hewa ka hana a ua nalo loa ko läkou waiwai i ka 'äpuka 'ia e ke hoa. He kolohe 'i'o nö ia hana “;akamai”; a kahi Madoff. 'O ke kälä a kekahi hoa e hä'awi mai ai, 'o ia kälä ho'okahi nö käna e uku ai i kekahi hoa. Kohu mea lä, ua ulu ia kälä. No kekahi mau hoa na'e, he 'ala'ala wale nö ka loa'a. Nani ho'i ka ma'alea! 'O Charles Ponzi ka hoa like.

I hewa na'e iä wai? Aia ka pülapu 'ia a komo ka 'änunu. 'O ka minamina, he hoa ka mea pülapu i ka nui o ka manawa. E ao ho'i käkou i këia makahiki a'e o lilo auane'i i ka ho'owalewale 'ia mai a lilo ho'i ko käkou waiwai i ka 'iole.

  E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

  >> .(JavaScript must be enabled to view this email address)
>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)
>> 956-2624 (Kekeha)

  This column is coordinated by Kawaihuelani at the University of Hawai'i at Mänoa, supported by the Initiative for Achieving Native Hawaiian Academic Excellence.

He hoa 'oe no Madoff?

Synopsis: It's belt-tightening time! Let's be frugal and guard against our own greed lest we be counted among the friends of Bernard Madoff.

  Aloha mai nō kākou e nā hoa o Kauakūkalahale, kahi e hāpai 'ia ai ko kākou mau mana'o no nā nīnau ko'iko'i o kēia au e ne'e nei a i pa'a ai ho'i ua mau mana'o nei ma ka 'ōlelo kanaka no nā kau a kau. 'O kā kākou waiwai nō ia e ho'oili aku ai ma luna o nā mamo a kākou. A no laila, eia hou au ke hāpai nei i ko'u mana'o koikoi iā 'oukou, e o'u po'e hoa 'ōlelo Hawai'i, e ho'ouna mai i ko 'oukou mau mana'o like 'ole, pehea lā ke 'ano, a na ka ua kaulana nō o Honolulu nei ia e kūkala aku i mua o ke ākea a laha aku ho'i ma kēlā me kēia pe'a o ka 'āina. Ua 'ikea kēia wahi mana'o o'u. Na 'oukou nō 'oukou e maliu mai.

He mana'o 'oko'a ka'u e hāpai ai i mua o 'oukou 'oiai ka panina o ka makahiki 'alemanaka haole e ho'okokoke mai nei. He wā wī kēia i hiki mai nei i o kākou nei a he ho'omanawanui ka hana i ka 'ai 'uku a me ka liha. A no laila, 'o ka ho'omakauli'i ka hana e 'olu'olu ai ka nohona. 'A'oe nō e hiki iā kākou ke pono ho'olilo wale aku i kā kakou wahi kenieni, e like me ma mua, ma ke kū'ai 'ana i nā mea a pau a ka maka e make'e ai. A he mea minamina ho'i ko kākou ho'omaukauli'i 'ole 'ana i ia mau lā kū'ono'ono o ka noho 'ana. Aloha nō ia mau lā ua hala.

Alia na'e e hū mai ke aloha i ia mau lā. 'A'ole nō ia he mau lā kū'ono'ono maoli. 'O ka po'e 'ānunu a ake kālā ho'i, 'o lākou nō ke uē nei me ka 'uī o ka niho. 'O lākou kai puni wale i ka mana ho'owalewale a ke kālā. He po'e hilina'i nō ho'i ia i ka mana'o ē na ke kālā nō e ho'oulu i ke kālā. 'O ka po'e i huli ka lima i lalo a kanu i ka huli, he kalo kai ulu mai. Pēia ho'i me ka po'e i kanu i ka 'ano'ano. 'O ka ulu maila nō ia o kā lākou meakanu. 'O ka po'e na'e i kanu i ke kālā, he kālā popopo wale nō ka loa'a.

'A'ole nō kēia he mea e hū ai ke aloha no lākou, a no ka mea, 'o ka 'ānunu ka mea i pilikia ai. He nui a lehulehu ka po'e i puni i ke a'oa'o a kahi loea hana kālā, 'o Bernard Madoff, a he hoaaloha 'o ia no ka nui o lākou. No ka hilina'i o ia po'e i ke akamai o ua hoa lā i ka hana kālā, 'o ka hā'awi nui akula nō ia i kā lākou kālā iā ia e kanu ai (no ka ho'opukapuka). Kainō e ulu ana ia kālā, eia kā, he ho'opukapuka hewa ka hana a ua nalo loa ko lākou waiwai i ka 'āpuka 'ia e ke hoa. He kolohe 'i'o nō ia hana “;akamai”; a kahi Madoff. 'O ke kālā a kekahi hoa e hā'awi mai ai, 'o ia kālā ho'okahi nō kāna e uku ai i kekahi hoa. Kohu mea lā, ua ulu ia kālā. No kekahi mau hoa na'e, he 'ala'ala wale nō ka loa'a. Nani ho'i ka ma'alea! 'O Charles Ponzi ka hoa like.

I hewa na'e iā wai? Aia ka pūlapu 'ia a komo ka 'ānunu. 'O ka minamina, he hoa ka mea pūlapu i ka nui o ka manawa. E ao ho'i kākou i kēia makahiki a'e o lilo auane'i i ka ho'owalewale 'ia mai a lilo ho'i ko kākou waiwai i ka 'iole.

  E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

  >> .(JavaScript must be enabled to view this email address)
>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)
>> 956-2624 (Kekeha)

  This column is coordinated by Kawaihuelani at the University of Hawai'i at Mānoa, supported by the Initiative for Achieving Native Hawaiian Academic Excellence.