UNICODE VERSION

Synopsis: Three new deacons are installed at historic Kawaiaha'o Church.

  Ua ho'ola'a 'ia 'ekolu kiakona hou ma ka hale pule 'o Kawaiaha'o ma ka lā 14 o Kēkēmapa. 'O ia 'o Kaipo Kanahele, Ipo Kanahele Wong, a me kāna kāne 'o Keola Wong. Na Kahu Curt Pa'alua Kekuna o ia hale pule nō i ho'olauna kēia mau hoahānau i ka 'ekalesia. Na ka 'ekalesia i 'ae e kāko'o iā lākou ma ka hana 'euanelio. Ua ho'opuni 'ia lākou e nā kahu waiwai a me nā luna 'euanelio o ka 'ekalesia e ho'ola'a 'ia ai no ke Akua me ka ho'opōmaika'i 'ia nō ho'i ma ka pule 'ana.

'O ka nani o ia ho'ola'a, i ke kū 'ana o lākou i mua o ka lehulehu, 'ike koke 'ia ko lākou 'ano he 'ohana. He kāne 'o Keola na Ipo a he kaikuahine 'o Ipo no Kaipo. Nani ho'i ko lākou hō'a'ahu 'ia e ka 'ohana. Na nā keiki māhoe Wong i hō'a'ahu i nā mākua me ka lole lu'elu'e ke'oke'o. Na ke keikikāne koa a Kaipo i hō'a'ahu iā ia. Ua lei 'ia lākou me ka hō'ailona o ke kiakona, 'o ia ka lei kā'ei 'ele'ele me ke ke'a o Iesū a me ka huinakolu o ke Kahikolu. Ua hā'awi 'ia kahi pū'olo me nā lako o ka 'āina a na ke kiakona makua Kau'i Ramos i hā'awi aku i kekahi 'ūmeke na lākou pākahi.

'O kekahi nani 'ē a'e, he po'e 'ōlelo Hawai’i lākou a 'ekolu. He mānaleo 'o Kaipo no Ni'ihau mai a ua hana no ka pū'ali kaua moana no iwakālua makahiki. I ka makahiki 1998, puka 'o ia mai ka pū'ali kaua moana ma hope o 16 makahiki, a laila, komo hou akula no 4 makahiki o ka hana 'ana ma kona kulāiwi i Pu'uwai, Ni'ihau. A ma ia hope mai, noho 'o ia i pelekikena no ka Hui Sivila Hawai'i o Pearl Harbor a i kahu ho'i no ia hui i ia wā.

No Ni'ihau nō ho'i kona kaikuahine, 'o Ipo, he mānaleo ma ke Kulanui o Hawai'i ma Mānoa, a aia 'o ia ke pa'u nei ma ka 'imi palapala lae'ula! Eia hou, he mau makahiki kona noho 'ana ma ka noho ho'okipa o ka polokalamu Mānaleo.

'O Keola Wong ke kāne a Ipo a ke kaiko'eke ho'i o Kaipo. He kumu 'ōlelo Hawai'i 'o ia ma ke Kula 'o Kamehameha. Ua unuhi 'o Keola me Ipo i kekahi mau ha'awina mai ka 'ōlelo pelekania a i ka Hawai'i e like me ka Pāhana 'Ōhi'a o ka Moanalua Foundation a i kēia manawa, aia lāua ke 'oki leo nei i ka Baibala Hemolele i lohe nā kānaka i ka leo māoli ma ka heluhelu 'ana i ka 'ōlelo Hawai'i. Ua hiki ke lohe 'ia ma ka helu pūnaewele www.baibala.org a he pāhana no Partners in Development (P.I.D).

Ma ka 'ōlelo Helene, 'o ke kiakona kekahi kanaka lawelawe, he kuene ho'i. Ma ka 'ekalesia, lilo lākou 'ekolu i mau kuene na ke Akua. E like me ka 'ōlelo a Paulo, he kanaka 'ike pono ia, a piha ho'i i ka 'Uhane Hemolele a me ke akamai ('Oihana 6:3). Eia hou, he mea ho'okipa 'o ia nona ke ake i ka pono, ke kūo'o, ka ho'opono, ka hemolele, a me ka ho'omanawanui (Tito 1:8). No laila, na ka 'Uhane Hemolele e alaka'i iā Keola lāua 'o Ipo Wong, a me Kaipo Kanahele, nā kiakona hou o ka hale pule 'o Kawaiaha'o.

  E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

» .(JavaScript must be enabled to view this email address)
» .(JavaScript must be enabled to view this email address)
a i ‘ole ia, ma ke kelepona:

» 956-2627 (Laiana)
» 956-2624 (Kekeha)
This column is coordinated by Kawaihuelani at the University of Hawai'i at Mānoa, supported by the Initiative for Achieving Native Hawaiian Academic Excellence.

UMLAUT VERSION (FOR CLASSIC BROWSERS)

Synopsis: Three new deacons are installed at historic Kawaiaha'o Church.

  Ua ho'ola'a 'ia 'ekolu kiakona hou ma ka hale pule 'o Kawaiaha'o ma ka lä 14 o Këkëmapa. 'O ia 'o Kaipo Kanahele, Ipo Kanahele Wong, a me käna käne 'o Keola Wong. Na Kahu Curt Pa'alua Kekuna o ia hale pule nö i ho'olauna këia mau hoahänau i ka 'ekalesia. Na ka 'ekalesia i 'ae e käko'o iä läkou ma ka hana 'euanelio. Ua ho'opuni 'ia läkou e nä kahu waiwai a me nä luna 'euanelio o ka 'ekalesia e ho'ola'a 'ia ai no ke Akua me ka ho'opömaika'i 'ia nö ho'i ma ka pule 'ana.

'O ka nani o ia ho'ola'a, i ke kü 'ana o läkou i mua o ka lehulehu, 'ike koke 'ia ko läkou 'ano he 'ohana. He käne 'o Keola na Ipo a he kaikuahine 'o Ipo no Kaipo. Nani ho'i ko läkou hö'a'ahu 'ia e ka 'ohana. Na nä keiki mähoe Wong i hö'a'ahu i nä mäkua me ka lole lu'elu'e ke'oke'o. Na ke keikikäne koa a Kaipo i hö'a'ahu iä ia. Ua lei 'ia läkou me ka hö'ailona o ke kiakona, 'o ia ka lei kä'ei 'ele'ele me ke ke'a o Iesü a me ka huinakolu o ke Kahikolu. Ua hä'awi 'ia kahi pü'olo me nä lako o ka 'äina a na ke kiakona makua Kau'i Ramos i hä'awi aku i kekahi 'ümeke na läkou päkahi.

'O kekahi nani 'ë a'e, he po'e 'ölelo Hawai’i läkou a 'ekolu. He mänaleo 'o Kaipo no Ni'ihau mai a ua hana no ka pü'ali kaua moana no iwakälua makahiki. I ka makahiki 1998, puka 'o ia mai ka pü'ali kaua moana ma hope o 16 makahiki, a laila, komo hou akula no 4 makahiki o ka hana 'ana ma kona kuläiwi i Pu'uwai, Ni'ihau. A ma ia hope mai, noho 'o ia i pelekikena no ka Hui Sivila Hawai'i o Pearl Harbor a i kahu ho'i no ia hui i ia wä.

No Ni'ihau nö ho'i kona kaikuahine, 'o Ipo, he mänaleo ma ke Kulanui o Hawai'i ma Mänoa, a aia 'o ia ke pa'u nei ma ka 'imi palapala lae'ula! Eia hou, he mau makahiki kona noho 'ana ma ka noho ho'okipa o ka polokalamu Mänaleo.

'O Keola Wong ke käne a Ipo a ke kaiko'eke ho'i o Kaipo. He kumu 'ölelo Hawai'i 'o ia ma ke Kula 'o Kamehameha. Ua unuhi 'o Keola me Ipo i kekahi mau ha'awina mai ka 'ölelo pelekania a i ka Hawai'i e like me ka Pähana 'Öhi'a o ka Moanalua Foundation a i këia manawa, aia läua ke 'oki leo nei i ka Baibala Hemolele i lohe nä känaka i ka leo mäoli ma ka heluhelu 'ana i ka 'ölelo Hawai'i. Ua hiki ke lohe 'ia ma ka helu pünaewele www.baibala.org a he pähana no Partners in Development (P.I.D).

Ma ka 'ölelo Helene, 'o ke kiakona kekahi kanaka lawelawe, he kuene ho'i. Ma ka 'ekalesia, lilo läkou 'ekolu i mau kuene na ke Akua. E like me ka 'ölelo a Paulo, he kanaka 'ike pono ia, a piha ho'i i ka 'Uhane Hemolele a me ke akamai ('Oihana 6:3). Eia hou, he mea ho'okipa 'o ia nona ke ake i ka pono, ke küo'o, ka ho'opono, ka hemolele, a me ka ho'omanawanui (Tito 1:8). No laila, na ka 'Uhane Hemolele e alaka'i iä Keola läua 'o Ipo Wong, a me Kaipo Kanahele, nä kiakona hou o ka hale pule 'o Kawaiaha'o.

  E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

» .(JavaScript must be enabled to view this email address)
» .(JavaScript must be enabled to view this email address)
a i ‘ole ia, ma ke kelepona:

» 956-2627 (Laiana)
» 956-2624 (Kekeha)
This column is coordinated by Kawaihuelani at the University of Hawai'i at Mänoa, supported by the Initiative for Achieving Native Hawaiian Academic Excellence.