Synopsis: During the election, America took a step forward while also taking a step backward. The celebration of enlightenment must be tempered with a dose of reality.

  Aloha mai nö käkou e nä hoa heluhelu. Eia hou mai 'o Kauakükalahale ke kükala nei i nä hunahuna mea hou o ka 'äina. 'O ke koho 'ia a'e nei o ka Pä'ele mua loa näna e lawelawe i ka 'oihana helu 'ekahi o 'Amelika Hui Pü 'Ia, he mea ia e lana ai ka mana'o o käkou a pau, a no ka mea, he huliau maoli nö këia. 'Akahi a 'ike 'ia ka lanakila 'ana o ka 'öpü ali'i ma luna o ka ho'okae 'ili a lei a'e ho'i ua moho pä'ele nei i ka lei o ka lanakila. Ua hele a he 'oia'i'o ka 'ölelo kaulana “;Na ka 'eleu ka lawe lilo”;. 'A'ohe ona nu'u hiki 'ole aku ke pi'i, pau pü me ke külana pelekikena!

'A'ole nö na'e i li'uli'u ka lana mälie 'ana o ko'u mana'o a ho'omaopopo a'ela au i ka noho hewa mai o ua aupuni ho'opunipuni nei 'o 'Amelika ma këia 'äina nei o ku'u mau ëwe, kahi i kükulu 'ia ai he aupuni i helu 'ia ma waena o nä aupuni 'oia'i'o o ka honua nei. Ke hana nei ho'i 'o 'Amelika mä me he mea lä no läkou ko käkou 'äina aloha. He aha lä ho'i këlä 'ano? He 'öpü ali'i paha, 'a'ole paha? 'A'ole paha e küpono ke kaena 'ana a ka mea noho hewa i ka 'öpü ali'i. He ho'okamani wale nö ia hana.

A 'a'ohe o'u kumu e pü'iwa ai i këia hana ho'okamani. He mea ma'a mau ia i ka po'e 'Amelika. I mea e mälama ai i ka maluhia o ka honua, he ho'ouka kaua ka hana ma ko ha'i 'äina. I mea e mälama ai i ke olakino o ka po'e puni i ka puhi pakalölö, he hopu 'ia läkou a ho'opa'a 'ia ma loko o nä hale pa'ahao. I mea e mälama ai i ka pono o ka lehulehu, e kükulu 'ia he alahao kau i ka lewa a e kïpaku 'ia ho'i kekahi mau känaka helu wale mai loko aku o ko läkou mau hale. Akä, i mea e mälama 'ia ai ka pono sivila o kekahi mau känaka helu wale, e 'ae 'ia läkou e koho päloka no nä külana kahu waiwai o OHA a e komo paha ma loko o ke kula i ho'okumu 'ia no ka pono o ka lähui Hawai'i. 'A'ohe wahi nänä i ka pono sivila o ka lähui! A i mea nö ho'i e ho'oikaika ai i ka ho'ona'auao 'ia 'ana o nä keiki, e kau 'ia kekahi känäwai ('o ka NCLB) näna e hulikua i ke mele, nä hä'uki (nä hana 'älapa), ka paheona (nä hana no'eau), nä hana keaka, a me nä mea like he nui aku nö. 'Ehia mea aloha o kä käkou mau keiki? Pehea läkou e na'auao ai?

Eia ihola ka ho'okamani o nä ho'okamani. I ia lä nö i koho 'ia ai he kanaka pä'ele i pelekikena no 'Amelika, ua koho pü aku ka po'e o Kaleponi e käpae i ka pono sivila o nä känaka e mana'o ana e male ma ke 'ano he käne a he käne, he wahine a he wahine. 'Oiai ko 'Amelika e kaena ana i ka 'öpü ali'i no ka mälama i ka pono o kekahi po'e, e kä'ili 'ia ana ka pono o kekahi po'e ma Kaleponi (a me kekahi mau Moku'äina). He aha ka mea e kaena ai? Aia ke kaena i ka 'öpü ali'i a he 'öpü ali'i 'i'o nö.

E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

  >> .(JavaScript must be enabled to view this email address)

>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)

>> 956-2624 (Kekeha)

  This column is coordinated by Kawaihuelani at the University of Hawai'i at Mänoa, supported by the Initiative for Achieving Native Hawaiian Academic Excellence.

Ka 'ōpū ali'i

Synopsis: During the election, America took a step forward while also taking a step backward. The celebration of enlightenment must be tempered with a dose of reality.

  Aloha mai nō kākou e nā hoa heluhelu. Eia hou mai 'o Kauakūkalahale ke kūkala nei i nā hunahuna mea hou o ka 'āina. 'O ke koho 'ia a'e nei o ka Pā'ele mua loa nāna e lawelawe i ka 'oihana helu 'ekahi o 'Amelika Hui Pū 'Ia, he mea ia e lana ai ka mana'o o kākou a pau, a no ka mea, he huliau maoli nō kēia. 'Akahi a 'ike 'ia ka lanakila 'ana o ka 'ōpū ali'i ma luna o ka ho'okae 'ili a lei a'e ho'i ua moho pā'ele nei i ka lei o ka lanakila. Ua hele a he 'oia'i'o ka 'ōlelo kaulana “;Na ka 'eleu ka lawe lilo”;. 'A'ohe ona nu'u hiki 'ole aku ke pi'i, pau pū me ke kūlana pelekikena!

'A'ole nō na'e i li'uli'u ka lana mālie 'ana o ko'u mana'o a ho'omaopopo a'ela au i ka noho hewa mai o ua aupuni ho'opunipuni nei 'o 'Amelika ma kēia 'āina nei o ku'u mau ēwe, kahi i kūkulu 'ia ai he aupuni i helu 'ia ma waena o nā aupuni 'oia'i'o o ka honua nei. Ke hana nei ho'i 'o 'Amelika mā me he mea lā no lākou ko kākou 'āina aloha. He aha lā ho'i kēlā 'ano? He 'ōpū ali'i paha, 'a'ole paha? 'A'ole paha e kūpono ke kaena 'ana a ka mea noho hewa i ka 'ōpū ali'i. He ho'okamani wale nō ia hana.

A 'a'ohe o'u kumu e pū'iwa ai i kēia hana ho'okamani. He mea ma'a mau ia i ka po'e 'Amelika. I mea e mālama ai i ka maluhia o ka honua, he ho'ouka kaua ka hana ma ko ha'i 'āina. I mea e mālama ai i ke olakino o ka po'e puni i ka puhi pakalōlō, he hopu 'ia lākou a ho'opa'a 'ia ma loko o nā hale pa'ahao. I mea e mālama ai i ka pono o ka lehulehu, e kūkulu 'ia he alahao kau i ka lewa a e kīpaku 'ia ho'i kekahi mau kānaka helu wale mai loko aku o ko lākou mau hale. Akā, i mea e mālama 'ia ai ka pono sivila o kekahi mau kānaka helu wale, e 'ae 'ia lākou e koho pāloka no nā kūlana kahu waiwai o OHA a e komo paha ma loko o ke kula i ho'okumu 'ia no ka pono o ka lāhui Hawai'i. 'A'ohe wahi nānā i ka pono sivila o ka lāhui! A i mea nō ho'i e ho'oikaika ai i ka ho'ona'auao 'ia 'ana o nā keiki, e kau 'ia kekahi kānāwai ('o ka NCLB) nāna e hulikua i ke mele, nā hā'uki (nā hana 'ālapa), ka paheona (nā hana no'eau), nā hana keaka, a me nā mea like he nui aku nō. 'Ehia mea aloha o kā kākou mau keiki? Pehea lākou e na'auao ai?

Eia ihola ka ho'okamani o nā ho'okamani. I ia lā nō i koho 'ia ai he kanaka pā'ele i pelekikena no 'Amelika, ua koho pū aku ka po'e o Kaleponi e kāpae i ka pono sivila o nā kānaka e mana'o ana e male ma ke 'ano he kāne a he kāne, he wahine a he wahine. 'Oiai ko 'Amelika e kaena ana i ka 'ōpū ali'i no ka mālama i ka pono o kekahi po'e, e kā'ili 'ia ana ka pono o kekahi po'e ma Kaleponi (a me kekahi mau Moku'āina). He aha ka mea e kaena ai? Aia ke kaena i ka 'ōpū ali'i a he 'ōpū ali'i 'i'o nō.

E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

  >> .(JavaScript must be enabled to view this email address)

>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)

>> 956-2624 (Kekeha)

  This column is coordinated by Kawaihuelani at the University of Hawai'i at Mānoa, supported by the Initiative for Achieving Native Hawaiian Academic Excellence.