Synopsis: Tragic as the events at Mumbai have been, there is no reason to overreact again. Not everyone is a terrorist.

  Aloha mai nö käkou e nä hoa heluhelu. Ke hä'awi aku nei au i ko'u aloha Lä Kü'oko'a iä 'oukou me ka ho'omaopopo pü aku i ke ko'iko'i o këia Lä i ka mana'o o ka po'e aloha 'äina. A 'oiai ho'i he Lä nui këia no käkou e ho'omana'o ai i nä pömaika'i a pau i pähola 'ia mai ma luna o käkou, ke piha nei ko'u na'au i ka mahalo i nä mea i loa'a ma o ka lokomaika'i o ke Akua a me nä 'Aumäkua aloha o käkou. A 'o ka maluhia ho'i kekahi mea e mahalo nui 'ia.

'A'ole 'ike 'ia këia ha'awina e nä känaka a pau o ka honua nei. Aia i ka Pö'akolu nei ma 'Ïnia ua kupu mai kekahi hana ho'ohaeweli. Ma kahi o ka 150 po'e i luku 'ia a he 300 hou aku i pö'ino ma ke külanakauhale 'o Mumbai. Ia'u e käkau nei i këia wahi kolamu, 'a'ole i maopopo ke kumu i hana 'ia ai a me ka po'e näna i hana. Ke 'ölelo nei kahi po'e kükala nühou ë he mau lälä ia no ka hui 'o Al Qaeda a 'o ka ho'oweliweli ka pahu hope nui e like ho'i me këlä hana ho'omäna'ona'o i lawelawe 'ia ma Nü Ioka i ka makahiki 2001! Aloha ë!

Wahi a kekahi po'e i 'ike maka i këia hana weliweli ma Mumbai, 'o kekahi pahu hope a ua po'e ho'ohaeweli lä, 'o ia ka pepehi 'ana i ka po'e 'Amelika a me ka po'e Beretania. He keu ka nui o ka huhü o kekahi po'e i nä känaka o ua mau 'äina lä a 'elua! He aha lä ke kumu i huhü ai? He pi'i 'oko'a wale mai ka inaina o ia mau lälä o Al Qaeda? 'A'ole paha. 'A'ole paha këia he huhü e huhü wale ai nö. He uku päna'i nö paha këia e kü ai ka mäkaia o kahi po'e i 'imihana 'ia. Mai nö a mana'o ë 'a'ole hana wale 'ia aku këlä po'e a he lele kämoko wale mai nö ka hana.

'A'ohe wahi 'ano o ka pono e loa'a mai ma ka pepehi kanaka 'ana. He 'oia'i'o, ua hewa ka hana a këlä po'e Al Qaeda i lawelawe ai ma Mumbai. Eia na'e, 'a'ohe leo namunamu e pau ai ka hana 'ino a 'a'ohe lima ikaika näna ia hana e ho'opau. Aia ka pono 'o ka maka'ala a me ka pale aku i ka 'ino a ka po'e huhü. Eia na'e, he pono nö ho'i ka no'ono'o i ka hana i pi'i ai këlä huhü. A 'ike 'ia, e ho'öki 'ia. Pëlä paha e hö'alo ai a pakele ai paha i ka uku päna'i. Inä 'a'ohe o'u hana wale aku iä ha'i, 'a'ohe o'u mea e maka'u ai. Inä na'e e maha'oi aku au i ko ha'i ko'a, 'a'ole nö paha e nele ko'u päna'i 'ia mai. A i hewa ho'i iä wai?

Ma hope o ka wäwahi 'ia o nä ki'enao'a 'elua ma Nü Ioka, ua kau ka weli o ka po'e 'Amelika. He püpuahulu wale nö ho'i ka hana küpale a ua lilo këlä me këia kanaka he mea e ho'ohüoi 'ia i ka hana ho'ohaeweli. He nui hewahewa nö paha ka po'e i hana 'ino 'ia e ke aupuni 'Amelika inä pëlä ka nui o ka po'e äna e ho'ohüoi ai. Aloha nö ka po'e o Mumbai. He weliweli ho'i kau! Aloha nö ho'i käkou, ka lehulehu. 'A'ole na käkou ia hana. Eia na'e, e 'imihana wale 'ia käkou e ka po'e ho'ohüoi wale o 'Amelika!

  E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

  >> .(JavaScript must be enabled to view this email address)

>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)

>> 956-2624 (Kekeha)

  This column is coordinated by Kawaihuelani at the University of Hawai'i at Mänoa, supported by the Initiative for Achieving Native Hawaiian Academic Excellence.

Kau ka weli ma Mumnai

Synopsis: Tragic as the events at Mumbai have been, there is no reason to overreact again. Not everyone is a terrorist.

  Aloha mai nō kākou e nā hoa heluhelu. Ke hā'awi aku nei au i ko'u aloha Lā Kū'oko'a iā 'oukou me ka ho'omaopopo pū aku i ke ko'iko'i o kēia Lā i ka mana'o o ka po'e aloha 'āina. A 'oiai ho'i he Lā nui kēia no kākou e ho'omana'o ai i nā pōmaika'i a pau i pāhola 'ia mai ma luna o kākou, ke piha nei ko'u na'au i ka mahalo i nā mea i loa'a ma o ka lokomaika'i o ke Akua a me nā 'Aumākua aloha o kākou. A 'o ka maluhia ho'i kekahi mea e mahalo nui 'ia.

'A'ole 'ike 'ia kēia ha'awina e nā kānaka a pau o ka honua nei. Aia i ka Pō'akolu nei ma 'nia ua kupu mai kekahi hana ho'ohaeweli. Ma kahi o ka 150 po'e i luku 'ia a he 300 hou aku i pō'ino ma ke kūlanakauhale 'o Mumbai. Ia'u e kākau nei i kēia wahi kolamu, 'a'ole i maopopo ke kumu i hana 'ia ai a me ka po'e nāna i hana. Ke 'ōlelo nei kahi po'e kūkala nūhou ē he mau lālā ia no ka hui 'o Al Qaeda a 'o ka ho'oweliweli ka pahu hope nui e like ho'i me kēlā hana ho'omāna'ona'o i lawelawe 'ia ma Nū Ioka i ka makahiki 2001! Aloha ē!

Wahi a kekahi po'e i 'ike maka i kēia hana weliweli ma Mumbai, 'o kekahi pahu hope a ua po'e ho'ohaeweli lā, 'o ia ka pepehi 'ana i ka po'e 'Amelika a me ka po'e Beretania. He keu ka nui o ka huhū o kekahi po'e i nā kānaka o ua mau 'āina lā a 'elua! He aha lā ke kumu i huhū ai? He pi'i 'oko'a wale mai ka inaina o ia mau lālā o Al Qaeda? 'A'ole paha. 'A'ole paha kēia he huhū e huhū wale ai nō. He uku pāna'i nō paha kēia e kū ai ka mākaia o kahi po'e i 'imihana 'ia. Mai nō a mana'o ē 'a'ole hana wale 'ia aku kēlā po'e a he lele kāmoko wale mai nō ka hana.

'A'ohe wahi 'ano o ka pono e loa'a mai ma ka pepehi kanaka 'ana. He 'oia'i'o, ua hewa ka hana a kēlā po'e Al Qaeda i lawelawe ai ma Mumbai. Eia na'e, 'a'ohe leo namunamu e pau ai ka hana 'ino a 'a'ohe lima ikaika nāna ia hana e ho'opau. Aia ka pono 'o ka maka'ala a me ka pale aku i ka 'ino a ka po'e huhū. Eia na'e, he pono nō ho'i ka no'ono'o i ka hana i pi'i ai kēlā huhū. A 'ike 'ia, e ho'ōki 'ia. Pēlā paha e hō'alo ai a pakele ai paha i ka uku pāna'i. Inā 'a'ohe o'u hana wale aku iā ha'i, 'a'ohe o'u mea e maka'u ai. Inā na'e e maha'oi aku au i ko ha'i ko'a, 'a'ole nō paha e nele ko'u pāna'i 'ia mai. A i hewa ho'i iā wai?

Ma hope o ka wāwahi 'ia o nā ki'enao'a 'elua ma Nū Ioka, ua kau ka weli o ka po'e 'Amelika. He pūpuahulu wale nō ho'i ka hana kūpale a ua lilo kēlā me kēia kanaka he mea e ho'ohūoi 'ia i ka hana ho'ohaeweli. He nui hewahewa nō paha ka po'e i hana 'ino 'ia e ke aupuni 'Amelika inā pēlā ka nui o ka po'e āna e ho'ohūoi ai. Aloha nō ka po'e o Mumbai. He weliweli ho'i kau! Aloha nō ho'i kākou, ka lehulehu. 'A'ole na kākou ia hana. Eia na'e, e 'imihana wale 'ia kākou e ka po'e ho'ohūoi wale o 'Amelika!

  E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

  >> .(JavaScript must be enabled to view this email address)

>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)

>> 956-2624 (Kekeha)

  This column is coordinated by Kawaihuelani at the University of Hawai'i at Mānoa, supported by the Initiative for Achieving Native Hawaiian Academic Excellence.