He hoeha'a ko ka 'ölelo

  Synopsis: Unsubstantiated claims abound during this presidential election. Who can we really trust?

  Aloha mai nö käkou e nä hoa heluhelu o Kauakükalahale. Eia a'e ka lä koho päloka ke hiki koke maila, a i këia makahiki, e koho 'ia ana kahi Pelekikena hou no 'Amelika. Ke lana nei ka mana'o o ka po'e maka'äinana e koho 'ia he Pelekikena näna läkou e ka'i aku i ke ala küpono. Aloha nö kahi George W. 'Ehia mea aloha i ka nui pümai'a pa'a 'ole i ke ko'o!

Pehea lä e koho ai i ke kanaka maika'i a akamai i ke alaka'i 'ana? He waha wale nö ke lohe 'ia nei. He 'ölelo kaena ho'i e 'ï mai ana, “;'O au wale nö kai 'ike i nä latitü a'o ia aupuni. A he pömaika'i ko laila.”;  Kä! 'A'ohe o'u puni! He hoeha'a ko ka 'ölelo a ke kaena.  He pömaika'i nö käna - aia ma ka lehelehe!

'O këia mau moho e holo nei no ke külana Pelekikena a Hope Pelekikena paha, he kohu puhi 'ölalilali ke 'ano i ka hö'alo a'e i ke 'ö a ka lawai'a. I ka wä i ho'opuka ai 'o Joe Biden i käna 'ölelo hüpö e kuhi ana no ka hopena o ke koho 'ia o Barack Obama, 'a'ole nö e nele kona hö'a'ano 'ia mai e nä 'enemi o 'Amelika e like me ka mea i hana 'ia iä JFK, 'o ia ka wä i pane koke aku ai 'o John McCain ë he hö'ailona maika'i ia no ke 'ano 'akahiakahi a mäkaukau 'ole o ua 'o Barack no ka lilo 'ana i Pelekikena. A 'ölelo pü maila ho'i 'o McCain i mua o ke äkea ë 'o ia ala wale nö o läua ka mea mäkaukau, a no ka mea, ua “;test”; 'ia 'o ia ma mua. 'Oia 'eä!

Wahi a McClain, ua 'ikea kona mäkaukau i këlä wä i hö'a'ano 'ia ai 'o JFK, no ka mea, aia 'o ia ma kona mokulele kaua, kahi e kali ana 'o ka loa'a mai o kona kauoha e lele aku i Cuba no ka päkaha 'ana i nä mea kï a ka po'e Lukia e ho'okolohe ai iä 'Amelika. Pehea lä e like ai ka mäkaukau i ka ho'okö kauoha me ka mäkaukau i ka ho'opuka kauoha? 'A'ole paha 'o ka mäkaukau ho'okö kauaha he kumu e kaena ai. 'A'ole nö ia he koina no ka lilo 'ana i Pelekikena.

'A'ole paha 'o McClain wale nö ke ho'ohalahala 'ia no ka wahahe'e. I loko o këia wä wï a käkou e noho ho'omanawanui nei i ka 'ïnea, eia lä këia mau moho ke kaena nei i ko läua 'ike i ka ha'ina e ho'i mai ai ke kü'ono'ono ma luna o ka 'äina a pakele ai ho'i käkou i ke külana küpiliki'i. 'Oia 'eä!

Ke wähi 'ia nei nä püniu o nä loea o ka honua nei a puni i 'ike i ke au nui a me ke au iki o ka pö'aiawaiwai. 'A'ole wahi ha'ina i loa'a iä läkou. A pehea lä ho'i i loa'a ai kahi ha'ina i këia mau ka'aka 'elua? He 'ike anei ko läua i ia mea? Aloha nö käkou! 'O wai lä ka mea o läua e küpono i pouhana no këia pupupu hale a käkou e noho nei? He mana koho ko käkou. Mai nö a ho'omäunauna 'ia. E nünë pono na'e i käu moho e koho ai a e hele aku nö i ke koho ma ka lä 4 o Nowemapa.

  E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

  >> .(JavaScript must be enabled to view this email address)
>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)
>> 956-2624 (Kekeha)

  This column is coordinated by Kawaihuelani at the University of Hawai'i at Mänoa, supported by the Initiative for Achieving Native Hawaiian Academic Excellence.

He hoeha'a ko ka 'ōlelo

  Synopsis: Unsubstantiated claims abound during this presidential election. Who can we really trust?

  Aloha mai nō kākou e nā hoa heluhelu o Kauakūkalahale. Eia a'e ka lā koho pāloka ke hiki koke maila, a i kēia makahiki, e koho 'ia ana kahi Pelekikena hou no 'Amelika. Ke lana nei ka mana'o o ka po'e maka'āinana e koho 'ia he Pelekikena nāna lākou e ka'i aku i ke ala kūpono. Aloha nō kahi George W. 'Ehia mea aloha i ka nui pūmai'a pa'a 'ole i ke ko'o!

Pehea lā e koho ai i ke kanaka maika'i a akamai i ke alaka'i 'ana? He waha wale nō ke lohe 'ia nei. He 'ōlelo kaena ho'i e 'ī mai ana, “;'O au wale nō kai 'ike i nā latitū a'o ia aupuni. A he pōmaika'i ko laila.”;  Kā! 'A'ohe o'u puni! He hoeha'a ko ka 'ōlelo a ke kaena.  He pōmaika'i nō kāna - aia ma ka lehelehe!

'O kēia mau moho e holo nei no ke kūlana Pelekikena a Hope Pelekikena paha, he kohu puhi 'ōlalilali ke 'ano i ka hō'alo a'e i ke 'ō a ka lawai'a. I ka wā i ho'opuka ai 'o Joe Biden i kāna 'ōlelo hūpō e kuhi ana no ka hopena o ke koho 'ia o Barack Obama, 'a'ole nō e nele kona hō'a'ano 'ia mai e nā 'enemi o 'Amelika e like me ka mea i hana 'ia iā JFK, 'o ia ka wā i pane koke aku ai 'o John McCain ē he hō'ailona maika'i ia no ke 'ano 'akahiakahi a mākaukau 'ole o ua 'o Barack no ka lilo 'ana i Pelekikena. A 'ōlelo pū maila ho'i 'o McCain i mua o ke ākea ē 'o ia ala wale nō o lāua ka mea mākaukau, a no ka mea, ua “;test”; 'ia 'o ia ma mua. 'Oia 'eā!

Wahi a McClain, ua 'ikea kona mākaukau i kēlā wā i hō'a'ano 'ia ai 'o JFK, no ka mea, aia 'o ia ma kona mokulele kaua, kahi e kali ana 'o ka loa'a mai o kona kauoha e lele aku i Cuba no ka pākaha 'ana i nā mea kī a ka po'e Lukia e ho'okolohe ai iā 'Amelika. Pehea lā e like ai ka mākaukau i ka ho'okō kauoha me ka mākaukau i ka ho'opuka kauoha? 'A'ole paha 'o ka mākaukau ho'okō kauaha he kumu e kaena ai. 'A'ole nō ia he koina no ka lilo 'ana i Pelekikena.

'A'ole paha 'o McClain wale nō ke ho'ohalahala 'ia no ka wahahe'e. I loko o kēia wā wī a kākou e noho ho'omanawanui nei i ka 'īnea, eia lā kēia mau moho ke kaena nei i ko lāua 'ike i ka ha'ina e ho'i mai ai ke kū'ono'ono ma luna o ka 'āina a pakele ai ho'i kākou i ke kūlana kūpiliki'i. 'Oia 'eā!

Ke wāhi 'ia nei nā pūniu o nā loea o ka honua nei a puni i 'ike i ke au nui a me ke au iki o ka pō'aiawaiwai. 'A'ole wahi ha'ina i loa'a iā lākou. A pehea lā ho'i i loa'a ai kahi ha'ina i kēia mau ka'aka 'elua? He 'ike anei ko lāua i ia mea? Aloha nō kākou! 'O wai lā ka mea o lāua e kūpono i pouhana no kēia pupupu hale a kākou e noho nei? He mana koho ko kākou. Mai nō a ho'omāunauna 'ia. E nūnē pono na'e i kāu moho e koho ai a e hele aku nō i ke koho ma ka lā 4 o Nowemapa.

  E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

  >> .(JavaScript must be enabled to view this email address)
>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)
>> 956-2624 (Kekeha)

  This column is coordinated by Kawaihuelani at the University of Hawai'i at Mānoa, supported by the Initiative for Achieving Native Hawaiian Academic Excellence.