Synopsis: The $700 billion should be used to protect the innocent, not the greedy. Speculation is just a fancy word for gambling.

Old Version

  'Auhea 'oukou e nä hoa alo like i ka wï. Eia nö käkou a pau ke noho nei me ka ho'omanawanui pü 'ana i ka ho'ïlewa a ka lä pöloli. He aha lä auane'i ka mea e ola hou ai? 'A'ohe wahi maopopo iki i nä luna o nä aupuni mana nui o ka honua nei.

I ka Pö'alua nei i hala, nänä akula au i ka paio 'ölelo a nä moho 'elua e holo päloka nei no ke külana Pelekikena o 'Amelika Hui Pü 'Ia. I loko nö o ke kanikani mau 'ana o nä leo kaena o läua a 'elua ë ua 'ike 'ia ka lä'au e lapa'au ai a ola hou ai ho'i ka pö'aiawaiwai puni honua a käkou e 'ike nei i ke külana küpiliki'i, 'a'ohe wahi 'ike o laila.

Ua 'äpono 'ia e ka 'Aha'ölelo he $700 biliona kälä me ka mana'o 'o ia ana ka lä'au e lapa'au ai. 'A'ole na'e i kö këlä mana'o a no laila, ua puka maila ka 'ölelo hö'alo a ua mau moho lä i ka 'ï mai ë he mau hana hou aku e hana ai a 'o ia kälä he $700 biliona, 'o ka hana mua wale nö ia. He aha lä ho'i kekahi hana e hana ai?

No'u iho, ua like ko'u mana'o känalua me ka mana'o o nä känaka he nui a lehulehu. 'O ia ho'i, he makehewa ke käko'o 'ana i ka po'e na läkou ka hana i ku'u mai ai ka wai o ka pö'aiawaiwai. Na ka hüpö ia 'ano hana. Ho'okahi wale nö hopena, 'o ia ho'i ka mau 'ana o ia hana 'änunu a ua po'e lä. 'A'ohe a läkou mea e maka'u ai a no laila, 'a'ohe mea e oki ai këlä 'ano hana a pale ai ho'i i ke ake kälä.

He nui ka po'e i hana küpono ma ka ho'olilo 'ana i kä läkou kälä. Ma ke kü'ai 'ana i ka hale, 'a'ohe o läkou mana'o i ka hana kälä. I wahi këlä hale no ka 'ohana e noho ai. 'A'ohe o läkou kuko i ka noho käkela a haleali'i paha. He mälama kälä na'e ka hana me ka ho'omakauli'i o ka nohona a lawa ke kälä e kü'ai ai i kahi hale küpono i ka nui o ka 'ohana. 'O läkou ke 'ike nei i ka hopena o ka wï, 'o ia ho'i ka 'ai 'ana i ka liha a me ka 'uku. Inä 'o ia po'e ho'omakauli'i nei ke ho'opakele 'ia e këlä mau biliona kälä, he küpono 'i'o nö! Inä na'e 'o ka po'e i kü'ai hale me ka mana'o ho'opukapuka ke ho'opakele 'ia, aia lä i hea ka pono?

'O ke kü'ai hale 'ana me ka mana'o ho'opukapuka, he hä'ule pahü ia mana'o i kekahi manawa. 'O ka piliwaiwai ka hoa like. Inä e ho'olilo 'ia ke kälä me ka mana'o ho'opukapuka a e mähuahua auane'i ka nui o ia kälä, he pömaika'i nö këlä. Inä na'e e lilo ke kälä, ä la'a ho'i! Mai noho a uë me ka huli pü 'ana o ka lima i luna. E ho'okanaka!

I Las Vegas aku nei au he mau pule aku nei a ua lilo he mau haneli kälä i ka piliwaiwai 'ana. Inä paha e ho'i hou aku au i laila me ka hiola o nä waimaka a me ka huli pü 'ana o ka lima i luna, mali'a o hü mai ke aloha ma ko läkou na'au a ho'iho'i mai läkou i ka'u kälä. 'A'ole lä!

E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

»  .(JavaScript must be enabled to view this email address)
»  .(JavaScript must be enabled to view this email address)

  a i 'ole ia, ma ke kelepona:

»  956-2627 (Laiana)
»  956-2624 (Kekeha)

  This column is coordinated by Kawaihuelani at the University of Hawai'i at Mänoa, supported by the Initiative for Achieving Native Hawaiian Academic Excellence.

New Version

Synopsis: The $700 billion should be used to protect the innocent, not the greedy. Speculation is just a fancy word for gambling.-

  'Auhea 'oukou e nā hoa alo like i ka wī. Eia nō kākou a pau ke noho nei me ka ho'omanawanui pū 'ana i ka ho'īlewa a ka lā pōloli. He aha lā auane'i ka mea e ola hou ai? 'A'ohe wahi maopopo iki i nā luna o nā aupuni mana nui o ka honua nei.

I ka Pō'alua nei i hala, nānā akula au i ka paio 'ōlelo a nā moho 'elua e holo pāloka nei no ke kūlana Pelekikena o 'Amelika Hui Pū 'Ia. I loko nō o ke kanikani mau 'ana o nā leo kaena o lāua a 'elua ē ua 'ike 'ia ka lā'au e lapa'au ai a ola hou ai ho'i ka pō'aiawaiwai puni honua a kākou e 'ike nei i ke kūlana kūpiliki'i, 'a'ohe wahi 'ike o laila.

Ua 'āpono 'ia e ka 'Aha'ōlelo he $700 biliona kālā me ka mana'o 'o ia ana ka lā'au e lapa'au ai. 'A'ole na'e i kō kēlā mana'o a no laila, ua puka maila ka 'ōlelo hō'alo a ua mau moho lā i ka 'ī mai ē he mau hana hou aku e hana ai a 'o ia kālā he $700 biliona, 'o ka hana mua wale nō ia. He aha lā ho'i kekahi hana e hana ai?

No'u iho, ua like ko'u mana'o kānalua me ka mana'o o nā kānaka he nui a lehulehu. 'O ia ho'i, he makehewa ke kāko'o 'ana i ka po'e na lākou ka hana i ku'u mai ai ka wai o ka pō'aiawaiwai. Na ka hūpō ia 'ano hana. Ho'okahi wale nō hopena, 'o ia ho'i ka mau 'ana o ia hana 'ānunu a ua po'e lā. 'A'ohe a lākou mea e maka'u ai a no laila, 'a'ohe mea e oki ai kēlā 'ano hana a pale ai ho'i i ke ake kālā.

He nui ka po'e i hana kūpono ma ka ho'olilo 'ana i kā lākou kālā. Ma ke kū'ai 'ana i ka hale, 'a'ohe o lākou mana'o i ka hana kālā. I wahi kēlā hale no ka 'ohana e noho ai. 'A'ohe o lākou kuko i ka noho kākela a haleali'i paha. He mālama kālā na'e ka hana me ka ho'omakauli'i o ka nohona a lawa ke kālā e kū'ai ai i kahi hale kūpono i ka nui o ka 'ohana. 'O lākou ke 'ike nei i ka hopena o ka wī, 'o ia ho'i ka 'ai 'ana i ka liha a me ka 'uku. Inā 'o ia po'e ho'omakauli'i nei ke ho'opakele 'ia e kēlā mau biliona kālā, he kūpono 'i'o nō! Inā na'e 'o ka po'e i kū'ai hale me ka mana'o ho'opukapuka ke ho'opakele 'ia, aia lā i hea ka pono?

'O ke kū'ai hale 'ana me ka mana'o ho'opukapuka, he hā'ule pahū ia mana'o i kekahi manawa. 'O ka piliwaiwai ka hoa like. Inā e ho'olilo 'ia ke kālā me ka mana'o ho'opukapuka a e māhuahua auane'i ka nui o ia kālā, he pōmaika'i nō kēlā. Inā na'e e lilo ke kālā, ā la'a ho'i! Mai noho a uē me ka huli pū 'ana o ka lima i luna. E ho'okanaka!

I Las Vegas aku nei au he mau pule aku nei a ua lilo he mau haneli kālā i ka piliwaiwai 'ana. Inā paha e ho'i hou aku au i laila me ka hiola o nā waimaka a me ka huli pū 'ana o ka lima i luna, mali'a o hū mai ke aloha ma ko lākou na'au a ho'iho'i mai lākou i ka'u kālā. 'A'ole lā!

E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

»  .(JavaScript must be enabled to view this email address)
»  .(JavaScript must be enabled to view this email address)

  a i 'ole ia, ma ke kelepona:

»  956-2627 (Laiana)
»  956-2624 (Kekeha)

  This column is coordinated by Kawaihuelani at the University of Hawai'i at Mānoa, supported by the Initiative for Achieving Native Hawaiian Academic Excellence.