Moe kapu o Niolopua. Ua hala akula 'o Mary Louise Akaka i ke ala ho'i 'ole mai, a e launa hou ana me käna käne, ke kahunapule Abraham Kahikina Akaka i hala. He 85 makahiki o Mary Louise. E mälama 'ia ana kona ho'olewa ma ka lä 4 o 'Okakopa ma ka Halepule 'o Kawaiaha'o. E ho'omaka i ka hola 6:00 o ke ahiahi.

E nänä ka maka. He känäwai hou ko ka moku'äina 'o Kaleponi. 'Akahi nö a pülima ke Kia'äina Arnold Schwarzenegger i ke känäwai hou e päpä ana, 'a'ole e heluhelu a ho'ouna paha i ka leka ma o ke kelepona pa'alima, i ka wä e kalaiwa ai i ke ka'a. 'O ka ho'opa'i mua, he $20, a ke ho'opa'i hou 'ia, he $50.

'A'ole e 'ölelo ana ke ahi, ua ana ia. Ma Hawai'i moku, e hölapu ana ke ahi ma Ka'ü. Noke akula nä kinai ahi i ka hana no nä hola 'elima ma kahi o ke ala 'o South Point. Ua pau ke ahi i ke kinai 'ia ma kahi o ka hola 7:00 o ke ahiahi. Pau he 20 'eka 'äina i ke ahi, a 'o ka pohö, ua kohokoho 'ia, he $2,000.

Malolo Kai ë! Ma ke kakahiaka nui o ka Pö'akolu nei, pöä 'ia aku nei he 'ewalu mau känaka, he 'ehiku käne, a ho'okahi wahine, ma kahi hale ho'oponopono ka'a o Kalihi. Na kekahi mau känaka 'ekolu ia hana kolohe, a aia läkou päkahi ka pü.

Anuanu loko. Pau aku nei ka Hale 'Aina 'o Compadres ma ke Kikowaena Kü'ai 'o Ward. 'O ka Pö'alima nei kona lä hope loa. Wahi a Rick Enos, ka mea nona ia hale 'aina, ma muli ia o ka pi'i 'ana o ke kumu kü'ai o nä mea e pono ai, a me ka pilikia o ke külana waiwai. He 35 mau limahana e waiho nei i hope me ke külana hana 'ole. I këlä Pö'alima aku nei, ua ho'opau 'ia ka Hale 'Aina 'o Compadres o Lahaina.

Hämama ka 'ïpuka. Ua wehe 'ia aku nei kahi hale kü'ai hou o ka hui kamepiula 'o ' pala i ka lä i nehinei. Aia i ke Kikowaena Kü'ai 'o Royal Hawaiian ma Waikïkï.

Ku'u ka'a kau i ka lewa. Hä'ule pahü ihola ka mana'o o ka hui “;Stop Rail Now”;. Kau a'ela ka 'ölelo ho'oholo o ka lunakänäwai, 'a'ole e kö ka makemake o ia hui, 'o ia ho'i, ka pa'i 'ia 'ana o ka nïnau ma ka päloka o ka lä 4 o Nowemapa, no ka makemake a me ka makemake 'ole paha i ke ka'a uila kau i ka lewa. E pa'i 'ia kekahi nïnau no ia ka'a kau i ka lewa ma ka päloka o ia lä, akä na ka 'aha kükä paha o Honolulu ka nïnau, 'o ia ho'i, “;E hana 'ia ke ka'a kau i ka lewa me ka huila kila ma ke ala hao kila?”; Ua holo ihola ka mana'o o ka hui “;Stop Rail Now”; i ka Pö'akolu nei, 'a'ole e ho'opi'i hou i ka 'aha ho'okolokolo ki'eki'e o Hawai'i.

A'o i ke koa, a'o nö i ka holo. Noi iho nei 'o John McCain iä Barack Obama, e ho'opane'e 'ia ka paio kälaimana'o i ho'opa'a 'ë 'ia no ka Pö'alima, lä 26 o këia mahina nei, 'oiai, e häläwai ana läua me ka Pelekikena a me kekahi mau alaka'i o ka 'aha 'ölelo ma ka Pö'ahä no ke külana waiwai o 'Amelika. Ua hö'ole 'o Obama i ua noi lä a McCain me ka mana'o, he mea nui ia paio kälaimana'o i mea e 'ike ai ka lehulehu i ka hana a ka pelekikena hou ma ke alaka'i 'ana i ko 'Amelika ma këia wä küpiliki'i.

Nūhou

Moe kapu o Niolopua. Ua hala akula 'o Mary Louise Akaka i ke ala ho'i 'ole mai, a e launa hou ana me kāna kāne, ke kahunapule Abraham Kahikina Akaka i hala. He 85 makahiki o Mary Louise. E mālama 'ia ana kona ho'olewa ma ka lā 4 o 'Okakopa ma ka Halepule 'o Kawaiaha'o. E ho'omaka i ka hola 6:00 o ke ahiahi.

E nānā ka maka. He kānāwai hou ko ka moku'āina 'o Kaleponi. 'Akahi nō a pūlima ke Kia'āina Arnold Schwarzenegger i ke kānāwai hou e pāpā ana, 'a'ole e heluhelu a ho'ouna paha i ka leka ma o ke kelepona pa'alima, i ka wā e kalaiwa ai i ke ka'a. 'O ka ho'opa'i mua, he $20, a ke ho'opa'i hou 'ia, he $50.

'A'ole e 'ōlelo ana ke ahi, ua ana ia. Ma Hawai'i moku, e hōlapu ana ke ahi ma Ka'ū. Noke akula nā kinai ahi i ka hana no nā hola 'elima ma kahi o ke ala 'o South Point. Ua pau ke ahi i ke kinai 'ia ma kahi o ka hola 7:00 o ke ahiahi. Pau he 20 'eka 'āina i ke ahi, a 'o ka pohō, ua kohokoho 'ia, he $2,000.

Malolo Kai ë! Ma ke kakahiaka nui o ka Pō'akolu nei, pōā 'ia aku nei he 'ewalu mau kānaka, he 'ehiku kāne, a ho'okahi wahine, ma kahi hale ho'oponopono ka'a o Kalihi. Na kekahi mau kānaka 'ekolu ia hana kolohe, a aia lākou pākahi ka pū.

Anuanu loko. Pau aku nei ka Hale 'Aina 'o Compadres ma ke Kikowaena Kū'ai 'o Ward. 'O ka Pō'alima nei kona lā hope loa. Wahi a Rick Enos, ka mea nona ia hale 'aina, ma muli ia o ka pi'i 'ana o ke kumu kū'ai o nā mea e pono ai, a me ka pilikia o ke kūlana waiwai. He 35 mau limahana e waiho nei i hope me ke kūlana hana 'ole. I këlā Pō'alima aku nei, ua ho'opau 'ia ka Hale 'Aina 'o Compadres o Lahaina.

Hāmama ka 'ïpuka. Ua wehe 'ia aku nei kahi hale kū'ai hou o ka hui kamepiula 'o ' pala i ka lā i nehinei. Aia i ke Kikowaena Kū'ai 'o Royal Hawaiian ma Waikïkï.

Ku'u ka'a kau i ka lewa. Hā'ule pahū ihola ka mana'o o ka hui “;Stop Rail Now”;. Kau a'ela ka 'ōlelo ho'oholo o ka lunakānāwai, 'a'ole e kō ka makemake o ia hui, 'o ia ho'i, ka pa'i 'ia 'ana o ka nïnau ma ka pāloka o ka lā 4 o Nowemapa, no ka makemake a me ka makemake 'ole paha i ke ka'a uila kau i ka lewa. E pa'i 'ia kekahi nïnau no ia ka'a kau i ka lewa ma ka pāloka o ia lā, akā na ka 'aha kūkā paha o Honolulu ka nïnau, 'o ia ho'i, “;E hana 'ia ke ka'a kau i ka lewa me ka huila kila ma ke ala hao kila?”; Ua holo ihola ka mana'o o ka hui “;Stop Rail Now”; i ka Pō'akolu nei, 'a'ole e ho'opi'i hou i ka 'aha ho'okolokolo ki'eki'e o Hawai'i.

A'o i ke koa, a'o nō i ka holo. Noi iho nei 'o John McCain iā Barack Obama, e ho'opane'e 'ia ka paio kālaimana'o i ho'opa'a 'ë 'ia no ka Pō'alima, lā 26 o këia mahina nei, 'oiai, e hālāwai ana lāua me ka Pelekikena a me kekahi mau alaka'i o ka 'aha 'ōlelo ma ka Pō'ahā no ke kūlana waiwai o 'Amelika. Ua hō'ole 'o Obama i ua noi lā a McCain me ka mana'o, he mea nui ia paio kālaimana'o i mea e 'ike ai ka lehulehu i ka hana a ka pelekikena hou ma ke alaka'i 'ana i ko 'Amelika ma këia wā kūpiliki'i.