Kahi pouhana, ua hiolo ihola

Synopsis: A great historian and one of our Hawaiian warriors, George Terry "Kanalu" Young, has passed away.

Aloha mai e nā makamaka mai ka lā puka ma Kumukahi a i ka moku kā'ili lā 'o Lehua. Lehulehu a manomano ke aloha i kahi Lehua o Hawai'i nei, i mae a'e nei a "Lu'ulu'u Hanalei i ka ua nui, kaumaha i ka noe o Alaka'i." He alaka'i aloha no kākou Hawai'i, ua kā'ili 'ia mai o kākou nei. Ua hina kahi kumu lehua kaukahi, nāna i hānai a ho'omalu i nā manu 'ōiwi o nei 'āina. Aloha wale ho'i. Ma kēlā Lāpule aku nei, ka lā 31 o 'Aukake, a 'o ka pō nō ho'i ia i o Muku, ua hala akula 'o George Terry "Kanalu" Young i ke ala muku a Kanaloa.

Ua hānau 'ia 'o Kanalu i ka mahina 'o Mei, lā 31, 1954 mai ka pBhaka mai o George lāua 'o Gwen Young. Ua piha iā ia nā makahiki he 54 ma kēia ao a hala wale akula i ke ao polohiwa a Kāne.

He kanaka 'o ia i ho'omanawanui i nā 'īnea a holomua me ka namunamu 'ole. I kona wā e 'ōpiopio ana, he 15 ona makahiki, hālāwai akula 'o ia me ka ulia kBkonukonu, a waiho ana kona kino, ua lōlō, a "noho pa'ahao" akula 'o ia ma ka noho huila, a pauaho i kēia ola 'ana. I loko nō o ia "noho pa'ahao" 'ana ma ka noho huila, ua nui kona ahonui ma kēia ao 'īnea, a i ka makahiki 1972, ua puka 'o ia mai ke Kula Ki'eki'e 'o Kamehameha. 'A'ole paha i kena kona pu'u, a pi'i a'ela 'o ia i Mānoa i mea e inu ai i ka wai ola a Kāne, 'o ia ho'i, ua holo mua 'o ia ma ke ala o ka ho'ona'auao a pa'a ihola ke Kekelē Lae'ula ma ke Kulanui o Hawai'i ma Mānoa. A lilo akula 'o ia, 'o ia kekahi o nā ho'opa'a mo'olelo o ka wā kahiko, i mahalo 'ia e kākou Hawai'i. 'Eā, he kanaka ho'opa'a mo'olelo 'o ia i noke i ka 'imi na'auao i kēlā kau, kēia kau, a 'o kahi o ka pōmaika'i, aia nō 'o ia ma ka lani lā, e launa pB ana me ko kākou mau Mō'ī, nā Ali'i, nā kBpuna o ke au i hala, a e mahalo ho'i lākou iā ia nei i kona kBpa'a 'ana ma hope o kona lāhui. A e 'ike hou 'o ia i kāna wahine male, 'o Gerry Bush, i hala 'ē i ke ala ho'i 'ole mai. He kanaka nō ho'i 'o Kanalu i pBlama i ka 'ōlelo Hawai'i, a ma kēlā me kēia wahi āna e hele ai, e lohe 'ia nō ka 'ōlelo kanaka mai kona waha mai, ma ke oli ho'i kekahi.

'O ia nei kekahi o nā pouhana o KamakakBokalani, a e kuhihewa paha kekahi, i ka hiolo 'ana o ia pouhana, 'o ka hiolo nō ia o ka hale, eia kā, ma muli o kāna hana 'eleu ma ke 'ano he kumu, he mau pouhana hou ke ho'opa'a 'ia nei ia hale i kēia manawa, a pēlā pB nō me kēia hope aku, 'o ia ho'i, nā haumāna āna i mālama ai ma ka ho'omalu 'ana me ke a'o 'ana ma ka polokalamu laepua a me ka polokalamu laeo'o.

Me 'oukou, e ka 'ohana o Kanalu, ko mākou aloha i loko o kēia wā lu'ulu'u, pa'iāuma.

E mālama 'ia ana ka ho'olewa o George Terry "Kanalu" Young ma ke kakahiaka o ka lā 13 o Kapakemapa. Aia ana ia ma ka hale pule 'o Kāna Maleka (St. Marks) ma Kapahulu. A i ka hola 12:00 o ke awakea, e mālama 'ia ana kahi 'aha ma KamakakBokalani.

Kahi pouhana, ua hiolo ihola

Synopsis: A great historian and one of our Hawaiian warriors, George Terry "Kanalu" Young, has passed away.

Aloha mai e nä makamaka mai ka lä puka ma Kumukahi a i ka moku kä'ili lä 'o Lehua. Lehulehu a manomano ke aloha i kahi Lehua o Hawai'i nei, i mae a'e nei a "Lu'ulu'u Hanalei i ka ua nui, kaumaha i ka noe o Alaka'i." He alaka'i aloha no käkou Hawai'i, ua kä'ili 'ia mai o käkou nei. Ua hina kahi kumu lehua kaukahi, näna i hänai a ho'omalu i nä manu 'öiwi o nei 'äina. Aloha wale ho'i. Ma këlä Läpule aku nei, ka lä 31 o 'Aukake, a 'o ka pö nö ho'i ia i o Muku, ua hala akula 'o George Terry "Kanalu" Young i ke ala muku a Kanaloa.

Ua hänau 'ia 'o Kanalu i ka mahina 'o Mei, lä 31, 1954 mai ka pühaka mai o George läua 'o Gwen Young. Ua piha iä ia nä makahiki he 54 ma këia ao a hala wale akula i ke ao polohiwa a Käne.

He kanaka 'o ia i ho'omanawanui i nä 'ïnea a holomua me ka namunamu 'ole. I kona wä e 'öpiopio ana, he 15 ona makahiki, häläwai akula 'o ia me ka ulia kükonukonu, a waiho ana kona kino, ua lölö, a "noho pa'ahao" akula 'o ia ma ka noho huila, a pauaho i këia ola 'ana. I loko nö o ia "noho pa'ahao" 'ana ma ka noho huila, ua nui kona ahonui ma këia ao 'ïnea, a i ka makahiki 1972, ua puka 'o ia mai ke Kula Ki'eki'e 'o Kamehameha. 'A'ole paha i kena kona pu'u, a pi'i a'ela 'o ia i Mänoa i mea e inu ai i ka wai ola a Käne, 'o ia ho'i, ua holo mua 'o ia ma ke ala o ka ho'ona'auao a pa'a ihola ke Kekelë Lae'ula ma ke Kulanui o Hawai'i ma Mänoa. A lilo akula 'o ia, 'o ia kekahi o nä ho'opa'a mo'olelo o ka wä kahiko, i mahalo 'ia e käkou Hawai'i. 'Eä, he kanaka ho'opa'a mo'olelo 'o ia i noke i ka 'imi na'auao i këlä kau, këia kau, a 'o kahi o ka pömaika'i, aia nö 'o ia ma ka lani lä, e launa pü ana me ko käkou mau Mö'ï, nä Ali'i, nä küpuna o ke au i hala, a e mahalo ho'i läkou iä ia nei i kona küpa'a 'ana ma hope o kona lähui. A e 'ike hou 'o ia i käna wahine male, 'o Gerry Bush, i hala 'ë i ke ala ho'i 'ole mai. He kanaka nö ho'i 'o Kanalu i pülama i ka 'ölelo Hawai'i, a ma këlä me këia wahi äna e hele ai, e lohe 'ia nö ka 'ölelo kanaka mai kona waha mai, ma ke oli ho'i kekahi.

'O ia nei kekahi o nä pouhana o Kamakaküokalani, a e kuhihewa paha kekahi, i ka hiolo 'ana o ia pouhana, 'o ka hiolo nö ia o ka hale, eia kä, ma muli o käna hana 'eleu ma ke 'ano he kumu, he mau pouhana hou ke ho'opa'a 'ia nei ia hale i këia manawa, a pëlä pü nö me këia hope aku, 'o ia ho'i, nä haumäna äna i mälama ai ma ka ho'omalu 'ana me ke a'o 'ana ma ka polokalamu laepua a me ka polokalamu laeo'o.

Me 'oukou, e ka 'ohana o Kanalu, ko mäkou aloha i loko o këia wä lu'ulu'u, pa'iäuma.

E mälama 'ia ana ka ho'olewa o George Terry "Kanalu" Young ma ke kakahiaka o ka lä 13 o Kapakemapa. Aia ana ia ma ka hale pule 'o Käna Maleka (St. Marks) ma Kapahulu. A i ka hola 12:00 o ke awakea, e mälama 'ia ana kahi 'aha ma Kamakaküokalani.