Ho'opi'i aku, ho'opi'i mai
Kekeha Solis
Synopsis: Many suspected the Doe family to grow after the settlement. The author has a suggestion for Kamehameha Schools, before the Doe family grows even bigger.
Ho'opi'i hou 'ia ke Kula 'o Kamehameha no ka lula ho'okomo keiki. 'A'ole paha i pū'iwa iki ka no'ono'o i ka lohe 'ana i ia nūhou i ka pule nei i hala. Pēlā ka leo o nā kānaka he nui i ke kūkala 'ia 'ana ē ua uku ke Kula 'o Kamehameha he $7 miliona i mea e pau ai ka hihia o "John Doe," 'o ia ho'i, e kū laina ana ke kōlea palaualelo ma muli o ka uku wale 'ana aku o ia kula. A eia kākou ke 'ike maka aku nei i ka nui o ia 'Ohana Doe. A ke mana'o nei kou mea kākau, ua 'oi aku paha ia 'ohana i ka 'Ohana Walton o ke kïwï o ke au i hala.
No ia lula ho'okomo keiki, 'o ia ho'i, ka 'ae mua 'ana i nā keiki Hawai'i ma mua o ka 'ae 'ana i nā kōlea, he lula kūpono nō ia, 'oiai, 'o ia ka makemake o ke Ali'iwahine Pauahi. Akā i loko nō o ke kūpono, eia mai kekahi mea e no'ono'o ai, a inā he mea kū i ke kānāwai, a ke ho'okō 'ia, 'a'ole paha e ho'ā'o hou kekahi kōlea "e pō'alo i ka maka o ka Hawai'i a e lawe aku i kona pono hope loa." 'Oiai, ua ho'opi'i mai lākou lā ('Ohana Doe), he ho'opi'i aku ka hana a kākou, 'o ia ho'i, e ho'opi'i 'ia a'e ka uku kula o ke Kula 'o Kamehameha a ke $30,000 o ka makahiki a 'oi aku paha. 'O ia ka uku kula o kekahi o nā kula ho'omākaukau pipi'i loa o 'Amelika. E nïnau auane'i paha kekahi me ke 'ano 'ē o ka no'ono'o, "Pehea lā e hiki ai i nā 'ohana Hawai'i ke uku aku i ia uku kula pipi'i loa?" Eia ka nani o ka hana, 'o nā keiki Hawai'i, na ka waiwai o ke Ali'iwahine Pauahi e uku i ka uku kula no lākou.
'Eā, he mea maopopo wale, 'o ke Kula 'o Kamehameha, ua nui loa nā kānaka na'auao i puka mai ia kula mai. Eia mai kekahi mau kānaka i puka mai ua kula hanohano nei o Kapālama, 'o No'eau Warner, Isabella Aiona Abbott, April Drexel, Kimo Alama Keaulana, Naiwi Wurdeman, Manu Kaiama, Walter Ritte 'ōpio, Kapā Oliveira, Aaron Sala, Julie Kaomea, a me nā kānaka akamai he nui hou aku. A no laila, he uku kula kūpono nō paha ia pu'u nui o ke kālā, 'oiai, wahi a ka lohe, he kula ia nona nā polokalamu like 'ole e holo mua ai ke keiki ma kēia hope aku. 'O ia ihola kahi mana'o i lohe 'oukou.
['O kekahi mana'o o ka mea kākau, e 'ae 'ia nā keiki Hawai'i a pau i loko o ke Kula 'o Kamehameha. E kāpae 'ia ka hō'ike a me ke kūkā kama'ilio no ke komo 'ana. 'O ia paha kekahi kumu e ho'opi'i 'ia nei ia "pāpū ho'opakele hope loa o ka Lāhui Hawai'i." E 'ōlelo ana kekahi kōlea, "Ua 'oi aku ka maika'i o ka hana o ka'u keiki ma ia hō'ike ma mua o kekahi o nā keiki Hawai'i i komo aku, a ua hō
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ho'opi'i aku, ho'opi'i mai
Kekeha Solis
Synopsis: Many suspected the Doe family to grow after the settlement. The author has a suggestion for Kamehameha Schools, before the Doe family grows even bigger.
Ho'opi'i hou 'ia ke Kula 'o Kamehameha no ka lula ho'okomo keiki. 'A'ole paha i pü'iwa iki ka no'ono'o i ka lohe 'ana i ia nühou i ka pule nei i hala. Pëlä ka leo o nä känaka he nui i ke kükala 'ia 'ana ë ua uku ke Kula 'o Kamehameha he $7 miliona i mea e pau ai ka hihia o "John Doe," 'o ia ho'i, e kü laina ana ke kölea palaualelo ma muli o ka uku wale 'ana aku o ia kula. A eia käkou ke 'ike maka aku nei i ka nui o ia 'Ohana Doe. A ke mana'o nei kou mea käkau, ua 'oi aku paha ia 'ohana i ka 'Ohana Walton o ke kïwï o ke au i hala.
No ia lula ho'okomo keiki, 'o ia ho'i, ka 'ae mua 'ana i nä keiki Hawai'i ma mua o ka 'ae 'ana i nä kölea, he lula küpono nö ia, 'oiai, 'o ia ka makemake o ke Ali'iwahine Pauahi. Akä i loko nö o ke küpono, eia mai kekahi mea e no'ono'o ai, a inä he mea kü i ke känäwai, a ke ho'okö 'ia, 'a'ole paha e ho'ä'o hou kekahi kölea "e pö'alo i ka maka o ka Hawai'i a e lawe aku i kona pono hope loa." 'Oiai, ua ho'opi'i mai läkou lä ('Ohana Doe), he ho'opi'i aku ka hana a käkou, 'o ia ho'i, e ho'opi'i 'ia a'e ka uku kula o ke Kula 'o Kamehameha a ke $30,000 o ka makahiki a 'oi aku paha. 'O ia ka uku kula o kekahi o nä kula ho'omäkaukau pipi'i loa o 'Amelika. E nïnau auane'i paha kekahi me ke 'ano 'ë o ka no'ono'o, "Pehea lä e hiki ai i nä 'ohana Hawai'i ke uku aku i ia uku kula pipi'i loa?" Eia ka nani o ka hana, 'o nä keiki Hawai'i, na ka waiwai o ke Ali'iwahine Pauahi e uku i ka uku kula no läkou.
'Eä, he mea maopopo wale, 'o ke Kula 'o Kamehameha, ua nui loa nä känaka na'auao i puka mai ia kula mai. Eia mai kekahi mau känaka i puka mai ua kula hanohano nei o Kapälama, 'o No'eau Warner, Isabella Aiona Abbott, April Drexel, Kimo Alama Keaulana, Naiwi Wurdeman, Manu Kaiama, Walter Ritte 'öpio, Kapä Oliveira, Aaron Sala, Julie Kaomea, a me nä känaka akamai he nui hou aku. A no laila, he uku kula küpono nö paha ia pu'u nui o ke kälä, 'oiai, wahi a ka lohe, he kula ia nona nä polokalamu like 'ole e holo mua ai ke keiki ma këia hope aku. 'O ia ihola kahi mana'o i lohe 'oukou.
['O kekahi mana'o o ka mea käkau, e 'ae 'ia nä keiki Hawai'i a pau i loko o ke Kula 'o Kamehameha. E käpae 'ia ka hö'ike a me ke kükä kama'ilio no ke komo 'ana. 'O ia paha kekahi kumu e ho'opi'i 'ia nei ia "päpü ho'opakele hope loa o ka Lähui Hawai'i." E 'ölelo ana kekahi kölea, "Ua 'oi aku ka maika'i o ka hana o ka'u keiki ma ia hö'ike ma mua o kekahi o nä keiki Hawai'i i komo aku, a ua hö'ole 'ia ka'u keiki." 'A'ole na'e i nänä iki i käna hana maha'oi pono'ï.]
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|
