$7 miliona

Synopsis: Why a settlement and why such a high settlement at that? There was no lost of extremities or life.

---

Aloha mai e nā makamaka heluhelu mai ka pi'ina a ka lā i Makanoni a i ka welo 'ana i ka mole 'olu o Lehua. Maopopo ihola paha iā 'oukou ke kumuhana a ko 'oukou mea kākau i kēia pule ke heluhelu i ke po'omana'o e kau a'ela ma luna. 'Akahi nō paha a lohe 'ia ka nūhou ma nā pule i hala iho nei. 'O ia ho'i ka pu'u kālā a ke kula 'o Kamehameha i hā'awi aku ai iā John Doe ma ka 'aelike e pau ai ka ho'opi'i ma ka 'aha ho'okolokolo ki'eki'e o 'Amelika.

Pū'iwa paha ka no'ono'o i ia heluna kālā, a e kuhihewa paha, he pu'u kālā ia e lilo ana i nā mākua nāna kahi keiki i make ma muli o ka hana hewa o ke aupuni, ka haukapila a me ka hui 'ē a'e paha. E like ho'i me ka hana lapuwale a nā limahana o ka Papa E'e Moku o ke kahua ho'olulu mokulele o Honolulu ma kēlā hopena pule aku nei i hala, ka hana ho'i i make ai kahi kamaiki, 'o Michael Futi. E ho'opi'i 'ia ana ke aupuni pekelala e ka 'ohana o ia keiki i moe akula i ka moe kapu a Niolopua, a he kūpono nō ia ho'opi'i 'ana, a maika'i ka lilo 'ana o kahi pu'u kālā nui i ua 'ohana nei, he $7 miliona, he $70 miliona, a he $700 miliona paha. 'Eā, 'o ke ola ia o ke keiki, ka lei poina 'ole ho'i, 'a'ohe pu'u kālā e pau ai ka 'eha a kaumaha paha.

'O ia po'omana'o e kau a'ela ma luna, lilo aku nei ia iā John Doe, akā, aia 'o ia ke ola nei, 'a'ole i 'eha kona kino, 'a'ole i muku ka lima a wāwae paha.

E 'ōlelo auane'i paha kekahi, ua 'eha paha kona na'au a no'ono'o paha, a 'o ia ka mea i nui ai kahi pu'u kālā. Aloha nō kahi keiki. Akā, ua nui nā keiki Hawai'i i hō'ole 'ia, 'a'ole i 'eha ka na'au e ho'opi'i ai i ia kula. A 'o kekahi, ua nui nō paha nā kānaka i kūpiliki'i ka no'ono'o, a i 'eha'eha paha ka na'au i ka 'ike 'ana i ia ho'opi'i lapuwale a pō'alo maka ho'i. A no laila, hiki paha i ia mau kānaka ke ho'opi'i aku iā John Doe no ia hana āna. I ka 'ike 'ana o ko 'oukou mea kākau i ia hana, 'a'ole i hiki ke no'ono'o pono ma ka hana. Nui a'ela ka hopohopo 'ana no nā pono a ke Ali'iwahine Pauahi i waiho mai nei. A no laila, e ho'omākaukau 'ia paha kahi ho'opi'i iā John Doe, 'o wai ke komo pū ma ia hihia?

A 'o kahi mea minamina, ua makemake nō kekahi po'e e ho'okomo 'ia nā keiki o ka lāhui 'ē i loko o ke kula 'o Kamehameha i ka makahiki 1916 (Ino! Ke Poi Mai Nei Ka Nalu). Mai ia wā nō a hiki mai i kēia mau lā ia hana pō'alo maka. He aha lā ka mea e pale aku ai i ia hana? 'O ka uku aku? Ho'omaopopo paha i ka hana a Michael Jackson? 'A'ole i pau kona pilikia ma hope o ka hana 'ana i ka 'aelike e pau ai ka ho'opi'i. Ua 'ō'ili mai he mau ho'opi'i hou. A 'o ia ihola nō ka hana a kahi loio puni kālā hou. Aia nō 'o ia ke 'imi akula i nā kānaka like 'ole e mana'o nei e ho'opi'i i ia kula, a nāna e kōkua iā lākou.

'A'ohe paha mana'o maika'i o ko 'oukou mea kākau ma ka mea e hana ai, akā, 'auhea 'oukou e nā hoa i maika'i ka no'ono'o, e hō'ike paha i ia kula, i mea e pale pono 'ia ai nā hana pō'alo maka ma kēia hope aku.

$7 miliona

Synopsis: Why a settlement and why such a high settlement at that? There was no lost of extremities or life.

---

Aloha mai e nä makamaka heluhelu mai ka pi'ina a ka lä i Makanoni a i ka welo 'ana i ka mole 'olu o Lehua. Maopopo ihola paha iä 'oukou ke kumuhana a ko 'oukou mea käkau i këia pule ke heluhelu i ke po'omana'o e kau a'ela ma luna. 'Akahi nö paha a lohe 'ia ka nühou ma nä pule i hala iho nei. 'O ia ho'i ka pu'u kälä a ke kula 'o Kamehameha i hä'awi aku ai iä John Doe ma ka 'aelike e pau ai ka ho'opi'i ma ka 'aha ho'okolokolo ki'eki'e o 'Amelika.

Pü'iwa paha ka no'ono'o i ia heluna kälä, a e kuhihewa paha, he pu'u kälä ia e lilo ana i nä mäkua näna kahi keiki i make ma muli o ka hana hewa o ke aupuni, ka haukapila a me ka hui 'ë a'e paha. E like ho'i me ka hana lapuwale a nä limahana o ka Papa E'e Moku o ke kahua ho'olulu mokulele o Honolulu ma këlä hopena pule aku nei i hala, ka hana ho'i i make ai kahi kamaiki, 'o Michael Futi. E ho'opi'i 'ia ana ke aupuni pekelala e ka 'ohana o ia keiki i moe akula i ka moe kapu a Niolopua, a he küpono nö ia ho'opi'i 'ana, a maika'i ka lilo 'ana o kahi pu'u kälä nui i ua 'ohana nei, he $7 miliona, he $70 miliona, a he $700 miliona paha. 'Eä, 'o ke ola ia o ke keiki, ka lei poina 'ole ho'i, 'a'ohe pu'u kälä e pau ai ka 'eha a kaumaha paha.

'O ia po'omana'o e kau a'ela ma luna, lilo aku nei ia iä John Doe, akä, aia 'o ia ke ola nei, 'a'ole i 'eha kona kino, 'a'ole i muku ka lima a wäwae paha.

E 'ölelo auane'i paha kekahi, ua 'eha paha kona na'au a no'ono'o paha, a 'o ia ka mea i nui ai kahi pu'u kälä. Aloha nö kahi keiki. Akä, ua nui nä keiki Hawai'i i hö'ole 'ia, 'a'ole i 'eha ka na'au e ho'opi'i ai i ia kula. A 'o kekahi, ua nui nö paha nä känaka i küpiliki'i ka no'ono'o, a i 'eha'eha paha ka na'au i ka 'ike 'ana i ia ho'opi'i lapuwale a pö'alo maka ho'i. A no laila, hiki paha i ia mau känaka ke ho'opi'i aku iä John Doe no ia hana äna. I ka 'ike 'ana o ko 'oukou mea käkau i ia hana, 'a'ole i hiki ke no'ono'o pono ma ka hana. Nui a'ela ka hopohopo 'ana no nä pono a ke Ali'iwahine Pauahi i waiho mai nei. A no laila, e ho'omäkaukau 'ia paha kahi ho'opi'i iä John Doe, 'o wai ke komo pü ma ia hihia?

A 'o kahi mea minamina, ua makemake nö kekahi po'e e ho'okomo 'ia nä keiki o ka lähui 'ë i loko o ke kula 'o Kamehameha i ka makahiki 1916 (Ino! Ke Poi Mai Nei Ka Nalu). Mai ia wä nö a hiki mai i këia mau lä ia hana pö'alo maka. He aha lä ka mea e pale aku ai i ia hana? 'O ka uku aku? Ho'omaopopo paha i ka hana a Michael Jackson? 'A'ole i pau kona pilikia ma hope o ka hana 'ana i ka 'aelike e pau ai ka ho'opi'i. Ua 'ö'ili mai he mau ho'opi'i hou. A 'o ia ihola nö ka hana a kahi loio puni kälä hou. Aia nö 'o ia ke 'imi akula i nä känaka like 'ole e mana'o nei e ho'opi'i i ia kula, a näna e kökua iä läkou.

'A'ohe paha mana'o maika'i o ko 'oukou mea käkau ma ka mea e hana ai, akä, 'auhea 'oukou e nä hoa i maika'i ka no'ono'o, e hö'ike paha i ia kula, i mea e pale pono 'ia ai nä hana pö'alo maka ma këia hope aku.