He Aloha no Aunty

Synopsis: In loving memory of Aunty Doreen Lindsey.

Lu'ulu'u Hanalei i ka ua nui
Kaumaha i ka ua noe o Alaka'i
A he 'ala paoa e moani mai ana
E nowelo mao 'ole i ka pu'uwai
A he nani ia uka a'o Hā'upu
Ka hali'a mau e pumehana ai nei loko

Ua minamina mai nei ka lele 'ana o ke aho o ko kākou makuahine aloha nui 'ia, i ke ala ho'i 'ole mai, e maha mau mai ai i ka poli 'olu o ko kākou Hakulani. Aloha nō ka hala 'ana o kahi manu kani leo nahenahe i mahalo 'ia ho'i e ka lehulehu mai 'ō a 'ō o Hawai'i a puni, 'o ia ho'i 'o Aunty Doreen Lindsey. He kupa 'o ia no ia kaha aku o ka mokupuni nei 'o O'ahu, 'o ia ho'i 'o Nānānkuli, a ma kona hale pono'ī nō 'o ia i noho ai a lohe maila kona mau pepeiao i ka leo heahea o Ke Akua.

Kaulana nō ho'i nei pua o Hawai'i nei i kona kālena ma ka ho'okani pila 'ana i nā mele Hawai'i. He kālena ho'i i kuluma iā ia mai kona wā 'u'uku mai, he nani ia, 'o ka makuahine pono'ī, he pu'ukani leo honehone ia a he haku mele kaulana nō ho'i, 'o ia ho'i 'o Emma Paishon. Nāna ho'i i haku i nā mele e la'a me; Hoehoe Nā Wa'a, Aloha Nu'uanu, Hi'ipoi, me Makaha. A he mamo ho'i ua Emma nei no Halemanu, he haku mele nō ho'i ia, a nāna ia mele kaulana 'o Piha Hau'oli. A no laila, ua pa'a maoli nō nā mele ho'oheno o ka 'āina i kēia 'ohana. A pēia pū ka hānai 'ana o Aunty Doreen i kāna mau keiki kekahi, 'o ia ho'i, 'o Tasha kāna kaikamahine leo honehone a me nā keiki kāne ho'i 'o Al, Chucky, Lemont a me Liloa.

Ua ho'opa'a 'ia ho'i ka hīmeni a me ka ho'okani 'ana nō ho'i o Aunty Doreen ma ka pā leo i kapa 'ia 'o Just Like Old Times, The Hi'ipoi Trio. Ma ia pā leo, hiki ke lohe 'ia nā pu'u kani nahenahe lua 'ole o Aunty Agnes Malabey Weisbarth, Agnes Ah See a me Aunty Doreen Lindsey. Kohu kāhuli leo nahenahe ho'i no ke kuahiwi. He hoa kipa nō ho'i 'o Aunty Doreen Lindsey i ka Mary Robinson Radio Show a ma ia polokalamu lekiō nō ho'i 'o ia i hīmeni ai me kona makuahine 'o Emma a me nā pu'ukani kaulana o ia wā 'o ia ho'i 'o Aunty Vicky Ii Rodrigues, Pauline Kekahuna, Lovey Louie a me Shorty Delasantos. He kōkua nui 'o Aunty Doreen no ka hālau 'o Nā Wai 'Ehā o Puna a ma laila ho'i i launa ai ka'u wahine 'o Tracie iā ia. Ua kāko'o maoli aku nō 'o Aunty Doreen a me Aunty Lovey Deltoro iā O'Brian Eselu me ka hīmeni 'ana no ka hālau. He lālā kūpa'a nō ho'i 'o Aunty Doreen no Ka Hui Sivila 'o Nānāikapono, a nāna ho'i i alaka'i i ia hui me ka noho 'ana ma ke 'ano he pelekikena lokomaika'i no lākou.

'Oiai he hoa kipa 'o Aunty Doreen no kā mākou papa mele ma ke kula nui o Hawai'i ma Mānoa, a he kolamu ho'i kēia ma lalo o ka malu o kekahi mau hoa kumu o'u ma ke kula nui nei, ua 'ae 'olu'olu mai lāua i wahi kū'ono li'ili'i e waiho ai i kēia mau mana'o hali'a no Aunty Doreen.

Ua kipa mai 'o ia i kā mākou papa mele kauwela 'o ia ho'i Ka Papa Mele Wahi Pana, Hawaiian 483, i ke kauwela mh 2003. He papa ia na 'Anakala Kimo Alama Keaulana a nāna ho'i 'o ia i kono aku, i hoa kipa no kā mākou papa. Pōmaika'i maoli nō ho'i mākou i ka hele pū 'ana mai o kāna kaikamahine 'o Tasha Hobdy. Ua mo'olelo mai 'o Aunty Doreen e pili ana no kona 'ohana, he mau lālā pa'a no ka hale pule molomona a he mau pu'ukani nō ho'i kekahi. Mo'olelo mai 'o ia e pili ana i kona makuakāne 'o Mr. Halemanu a hīmeni mai nō ho'i 'o ia i nā mele a ka makuakāne i haku ai. Pēia pū kāna hana no kona makuahine kekahi. Nahenahe lua 'ole ka hīmeni pū 'ana o lāua 'o kāna kaikamahine i ia mau mele o ka 'ohana, a ua hele a kena ka 'olu'olu i ka ho'olohe 'ana mai i ia mele 'o Iosepa. He mahalo kēia iā Aunty Doreen a me kona 'ohana pū no ka 'ae 'ana i ko mākou pa'i wikiō 'ana i mo'olelo pa'a no kākou Hawai'i e ho'oheno mau ai. Me 'oukou ko mākou aloha nui palena 'ole a kau i ka pua aneane!

Aloha nui kāua e Aunty Doreen a hui hou kākou i ka paradaiso o ko kākou Hakulani!

He Aloha no Aunty

Synopsis: In loving memory of Aunty Doreen Lindsey.

Lu'ulu'u Hanalei i ka ua nui
Kaumaha i ka ua noe o Alaka'i
A he 'ala paoa e moani mai ana
E nowelo mao 'ole i ka pu'uwai
A he nani ia uka a'o Hä'upu
Ka hali'a mau e pumehana ai nei loko

Ua minamina mai nei ka lele 'ana o ke aho o ko käkou makuahine aloha nui 'ia, i ke ala ho'i 'ole mai, e maha mau mai ai i ka poli 'olu o ko käkou Hakulani. Aloha nö ka hala 'ana o kahi manu kani leo nahenahe i mahalo 'ia ho'i e ka lehulehu mai 'ö a 'ö o Hawai'i a puni, 'o ia ho'i 'o Aunty Doreen Lindsey. He kupa 'o ia no ia kaha aku o ka mokupuni nei 'o O'ahu, 'o ia ho'i 'o Nänänkuli, a ma kona hale pono'ï nö 'o ia i noho ai a lohe maila kona mau pepeiao i ka leo heahea o Ke Akua.

Kaulana nö ho'i nei pua o Hawai'i nei i kona kälena ma ka ho'okani pila 'ana i nä mele Hawai'i. He kälena ho'i i kuluma iä ia mai kona wä 'u'uku mai, he nani ia, 'o ka makuahine pono'ï, he pu'ukani leo honehone ia a he haku mele kaulana nö ho'i, 'o ia ho'i 'o Emma Paishon. Näna ho'i i haku i nä mele e la'a me; Hoehoe Nä Wa'a, Aloha Nu'uanu, Hi'ipoi, me Makaha. A he mamo ho'i ua Emma nei no Halemanu, he haku mele nö ho'i ia, a näna ia mele kaulana 'o Piha Hau'oli. A no laila, ua pa'a maoli nö nä mele ho'oheno o ka 'äina i këia 'ohana. A pëia pü ka hänai 'ana o Aunty Doreen i käna mau keiki kekahi, 'o ia ho'i, 'o Tasha käna kaikamahine leo honehone a me nä keiki käne ho'i 'o Al, Chucky, Lemont a me Liloa.

Ua ho'opa'a 'ia ho'i ka hïmeni a me ka ho'okani 'ana nö ho'i o Aunty Doreen ma ka pä leo i kapa 'ia 'o Just Like Old Times, The Hi'ipoi Trio. Ma ia pä leo, hiki ke lohe 'ia nä pu'u kani nahenahe lua 'ole o Aunty Agnes Malabey Weisbarth, Agnes Ah See a me Aunty Doreen Lindsey. Kohu kähuli leo nahenahe ho'i no ke kuahiwi. He hoa kipa nö ho'i 'o Aunty Doreen Lindsey i ka Mary Robinson Radio Show a ma ia polokalamu lekiö nö ho'i 'o ia i hïmeni ai me kona makuahine 'o Emma a me nä pu'ukani kaulana o ia wä 'o ia ho'i 'o Aunty Vicky Ii Rodrigues, Pauline Kekahuna, Lovey Louie a me Shorty Delasantos. He kökua nui 'o Aunty Doreen no ka hälau 'o Nä Wai 'Ehä o Puna a ma laila ho'i i launa ai ka'u wahine 'o Tracie iä ia. Ua käko'o maoli aku nö 'o Aunty Doreen a me Aunty Lovey Deltoro iä O'Brian Eselu me ka hïmeni 'ana no ka hälau. He lälä küpa'a nö ho'i 'o Aunty Doreen no Ka Hui Sivila 'o Nänäikapono, a näna ho'i i alaka'i i ia hui me ka noho 'ana ma ke 'ano he pelekikena lokomaika'i no läkou.

'Oiai he hoa kipa 'o Aunty Doreen no kä mäkou papa mele ma ke kula nui o Hawai'i ma Mänoa, a he kolamu ho'i këia ma lalo o ka malu o kekahi mau hoa kumu o'u ma ke kula nui nei, ua 'ae 'olu'olu mai läua i wahi kü'ono li'ili'i e waiho ai i këia mau mana'o hali'a no Aunty Doreen.

Ua kipa mai 'o ia i kä mäkou papa mele kauwela 'o ia ho'i Ka Papa Mele Wahi Pana, Hawaiian 483, i ke kauwela mh 2003. He papa ia na 'Anakala Kimo Alama Keaulana a näna ho'i 'o ia i kono aku, i hoa kipa no kä mäkou papa. Pömaika'i maoli nö ho'i mäkou i ka hele pü 'ana mai o käna kaikamahine 'o Tasha Hobdy. Ua mo'olelo mai 'o Aunty Doreen e pili ana no kona 'ohana, he mau lälä pa'a no ka hale pule molomona a he mau pu'ukani nö ho'i kekahi. Mo'olelo mai 'o ia e pili ana i kona makuakäne 'o Mr. Halemanu a hïmeni mai nö ho'i 'o ia i nä mele a ka makuakäne i haku ai. Pëia pü käna hana no kona makuahine kekahi. Nahenahe lua 'ole ka hïmeni pü 'ana o läua 'o käna kaikamahine i ia mau mele o ka 'ohana, a ua hele a kena ka 'olu'olu i ka ho'olohe 'ana mai i ia mele 'o Iosepa. He mahalo këia iä Aunty Doreen a me kona 'ohana pü no ka 'ae 'ana i ko mäkou pa'i wikiö 'ana i mo'olelo pa'a no käkou Hawai'i e ho'oheno mau ai. Me 'oukou ko mäkou aloha nui palena 'ole a kau i ka pua aneane!

Aloha nui käua e Aunty Doreen a hui hou käkou i ka paradaiso o ko käkou Hakulani!