Ke kahua pā'ani 'o Aloha
Kekeha Solis
Synopsis: Forget about who manages Aloha Stadium. The main thing is to fill the stadium with fans to maximum capacity.
Aia nō kekahi mea kau kānāwai o Hawai'i nei ke mana'o nei, e lilo aku ke Kahua Pā'ani 'o Aloha no ke Kulanui o Hawai'i. I mea paha e ho'oulu 'ia ai ke kālā e pono ai nā polokalamu 'ālapa o ua kulanui nei. He pila hou kai hāpai 'ia iho nei e ka luna maka'āinana Jerry Chang e ho'okumu ana i 'ahahui ma lalo o ke Kulanui o Hawai'i, nāna e lawelawe i ka hana, e mālama, e ho'okele a e ho'oponopono i ia kahua pā'ani.
'A'ole nō ia he mana'o hou. Ua hāpai 'ē 'ia i ka makahiki 2002, ka wā ho'i a Evan Dobelle e ho'okele ana i ke Kulanui o Hawai'i. Wahi āna, inā na ke Kulanui o Hawai'i ka ho'okele 'ana i ke Kahua Pā'ani 'o Aloha, 'a'ole e ho'olilo 'ia he $800,000 ma ka ho'olimalima 'ana, a e nui auane'i paha ka loa'a.
Akā, e like ho'i me ia wā, aia ka pu'u nui i ke alo, 'o ia ho'i nā nīnau like 'ole. He mea nō ia e pōmaika'i ai ke Kulanui? Pehea nā kānaka 'ē a'e e ho'olimalima nei i ke Kahua Pā'ani? A pēlā aku.
E ho'opoina paha nā mea kau kānāwai i ka lilo 'ana o ua kahua pā'ani nei no ke Kulanui o Hawai'i no ka manawa, a e 'imi ho'i i wahi e piha ku'i ai ke Kahua Pā'ani 'o Aloha i nā kānaka māka'ika'i e ho'ōho a e kāko'o ana i nā Koa nuenue aloha o kākou. 'Eā, i ke kikina nei i hala, he 'elua wale nō ho'okūkū o nā Koa nuenue i piha 'ū ai kahi kahua pā'ani aloha o O'ahu nei, a he 50,000 wale nō noho. A 'o kekahi, ua maika'i wale 'o Hawai'i, hemolele i ka mālie. 'O nā 'liopulu o Keokia, 'o ka nui o ko lākou kahua pā'ani, he 92,746 noho. A ua pau i ke kū'ai 'ia nā kikiki a pau (he 92,746) i kēlā me kēia ho'okūkū. 'O ia paha ka mea e pōkeokeo ai ka pelehū.
Inā he mana'o ko nā mea kau kānāwai e kāko'o i nā Koa nuenue, e kū'ai lākou a pau i likiki a mau likiki paha (me kā lākou pu'u kālā pono'ī) i kēlā me kēia ho'okūkū. Hele ho'okahi paha, e hele paha me ka 'ohana a me nā hoa aloha ho'i. A inā 'a'ohe makemake e hele, e hā'awi aku iā ha'i. A i 'ole ia, e makana 'ia aku nā kikiki i kekahi mau kānaka, a e ho'olilo 'ia paha ma kahi ho'okūkū ma ka lekiō a ma kekahi wahi paha.
'O ka manawa nō kēia e ho'opu'ipu'i ai i nā kānaka māka'ika'i, 'oiai, he po'oka'i maika'i ko nā Koa nuenue, 'o ia 'o Greg McMackin. A ke hō'ike maila 'o ia i kona kūpa'a ma hope o nā keiki Hawai'i. Kipa aku nei 'o McMackin i ke kula ki'eki'e o Kahuku i ka Pō'akolu nei no ke kūkākūkā 'ana i nā ka'i o ia kula. A 'o kahi June Junes, i ha'alele mai nei iā kākou, 'a'ole 'o ia i kipa iki aku i ia kula i nā makahiki a pau āna i hana ai no ke Kulanui o Hawai'i. A he mana'o ko McMackin e hele i kēlā me kēia kula ki'eki'e no ke kama'ilio 'ana i nā po'o ka'i, a pēlā pū me nā po'okumu a me nā luna 'ālapa.
He pono paha ke ho'opiha 'ia ke Kahua Pā'ani 'o Aloha i nā kānaka māka'ika'i.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ke kahua pä'ani 'o Aloha
Kekeha Solis
Synopsis: Forget about who manages Aloha Stadium. The main thing is to fill the stadium with fans to maximum capacity.
Aia nö kekahi mea kau känäwai o Hawai'i nei ke mana'o nei, e lilo aku ke Kahua Pä'ani 'o Aloha no ke Kulanui o Hawai'i. I mea paha e ho'oulu 'ia ai ke kälä e pono ai nä polokalamu 'älapa o ua kulanui nei. He pila hou kai häpai 'ia iho nei e ka luna maka'äinana Jerry Chang e ho'okumu ana i 'ahahui ma lalo o ke Kulanui o Hawai'i, näna e lawelawe i ka hana, e mälama, e ho'okele a e ho'oponopono i ia kahua pä'ani.
'A'ole nö ia he mana'o hou. Ua häpai 'ë 'ia i ka makahiki 2002, ka wä ho'i a Evan Dobelle e ho'okele ana i ke Kulanui o Hawai'i. Wahi äna, inä na ke Kulanui o Hawai'i ka ho'okele 'ana i ke Kahua Pä'ani 'o Aloha, 'a'ole e ho'olilo 'ia he $800,000 ma ka ho'olimalima 'ana, a e nui auane'i paha ka loa'a.
Akä, e like ho'i me ia wä, aia ka pu'u nui i ke alo, 'o ia ho'i nä nïnau like 'ole. He mea nö ia e pömaika'i ai ke Kulanui? Pehea nä känaka 'ë a'e e ho'olimalima nei i ke Kahua Pä'ani? A pëlä aku.
E ho'opoina paha nä mea kau känäwai i ka lilo 'ana o ua kahua pä'ani nei no ke Kulanui o Hawai'i no ka manawa, a e 'imi ho'i i wahi e piha ku'i ai ke Kahua Pä'ani 'o Aloha i nä känaka mäka'ika'i e ho'öho a e käko'o ana i nä Koa nuenue aloha o käkou. 'Eä, i ke kikina nei i hala, he 'elua wale nö ho'okükü o nä Koa nuenue i piha 'ü ai kahi kahua pä'ani aloha o O'ahu nei, a he 50,000 wale nö noho. A 'o kekahi, ua maika'i wale 'o Hawai'i, hemolele i ka mälie. 'O nä 'liopulu o Keokia, 'o ka nui o ko läkou kahua pä'ani, he 92,746 noho. A ua pau i ke kü'ai 'ia nä kikiki a pau (he 92,746) i këlä me këia ho'okükü. 'O ia paha ka mea e pökeokeo ai ka pelehü.
Inä he mana'o ko nä mea kau känäwai e käko'o i nä Koa nuenue, e kü'ai läkou a pau i likiki a mau likiki paha (me kä läkou pu'u kälä pono'ï) i këlä me këia ho'okükü. Hele ho'okahi paha, e hele paha me ka 'ohana a me nä hoa aloha ho'i. A inä 'a'ohe makemake e hele, e hä'awi aku iä ha'i. A i 'ole ia, e makana 'ia aku nä kikiki i kekahi mau känaka, a e ho'olilo 'ia paha ma kahi ho'okükü ma ka lekiö a ma kekahi wahi paha.
'O ka manawa nö këia e ho'opu'ipu'i ai i nä känaka mäka'ika'i, 'oiai, he po'oka'i maika'i ko nä Koa nuenue, 'o ia 'o Greg McMackin. A ke hö'ike maila 'o ia i kona küpa'a ma hope o nä keiki Hawai'i. Kipa aku nei 'o McMackin i ke kula ki'eki'e o Kahuku i ka Pö'akolu nei no ke kükäkükä 'ana i nä ka'i o ia kula. A 'o kahi June Junes, i ha'alele mai nei iä käkou, 'a'ole 'o ia i kipa iki aku i ia kula i nä makahiki a pau äna i hana ai no ke Kulanui o Hawai'i. A he mana'o ko McMackin e hele i këlä me këia kula ki'eki'e no ke kama'ilio 'ana i nä po'o ka'i, a pëlä pü me nä po'okumu a me nä luna 'älapa.
He pono paha ke ho'opiha 'ia ke Kahua Pä'ani 'o Aloha i nä känaka mäka'ika'i.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|
