Ā la'a, ā la'a lā
KAUAKUKALAHALE
Laiana Wong
Synopsis: If John Kerry deserves to be castigated, it should be for backing away from a true statement and leaving our children to the mercy of war-mongering Bush backers merely to salvage his waning political career.
'Uā mai ka pihe o nā leo ho'ohalahala iā John Kerry no ka ho'opuka 'ana i kahi 'ōlelo e pili ana i nā pū'ali koa o 'Amelika. Kainō he 'ōlelo kūamuamu, eia kā he 'ōlelo hō'aka'aka. Wahi āna, 'o ke keiki ho'oikaika i ka ha'awina ma ke kula, e noho kū'ono'ono nō ia, A 'o ka mea hana 'ole pēlā ke hele aku i ke kaua ma Iraq. A ma muli o ia 'ōlelo i mana'o 'ia ai he kapa 'ana kēlā i nā pū'ali koa i ka hūpō! I lohe mai ka hana i nā leo ho'ohalahala, 'o kona hāpai a'ela nō ia i kahi 'ōlelo hō'alo. Wahi āna, he 'ōlelo hō'aka'aka wale nō ia e ho'ohenehene ana i kahi mamo a Wa'awa'a, 'o George W. Bush. He aha lā ke kumu e hō'alo ai? Inā no ka Pelekikena a inā no ke 'ano o ka wae 'ana i nā pū'ali koa, ua pololei nō ia 'ōlelo!
Ua like nō ho'i ia 'ōlelo me ka'u i kākau ai ma Kauakūkalahale i kēlā mahina aku nei. 'O nā keiki e holomua nei ma ke kula, 'a'ole lākou e komo ana i ka pū'ali koa. 'A'ole lā! E lilo ana na'e i kauka, i loio, a i mea holo pāloka paha. I kanaka aha ia e koho ai i ka pū'ali koa ma kahi o ua mau 'oihana nei? He koho wale nō ia na ka hūpō. 'O ke keiki ha'aha'a na'e o ke kaha, 'a'ohe ona koho. E kīkēkē 'ia auane'i ka pani puka o kona hale e Waha Palu mā a e ho'owalewale 'ia nō ho'i 'o ia e komo ma ka pū'ali koa.
Ua hiki nō ke hō'oia 'ia kēia mana'o. 'O ia ho'i, i kau 'ia auane'i he koina no ke komo 'ana ma ka pū'ali koa aia wale nō ia a puka ma ke kula ki'eki'e me ke kaha he 2.0 a 'oi, he kāka'ikahi wale ana nō ka po'e e puni i ka ho'owalewale 'ia mai. E pakele nui mai nō na'e kā kākou mau keiki i ka 'ino o ia mea he kaua, a e 'ikea nō ke 'ano pa'ewa o ka No Child Left Behind Act i kona ho'okae a ho'oma'au 'ana ho'i i nā keiki 'ōiwi o 'Amelika, nā keiki Hawai'i, a me nā keiki nō ho'i a pau o nā lāhui 'a'ole he 'ili puakea. Pehea ka ho'oikaika i ka ha'awina a me ka 'ole, 'o ia mau ha'aha'a nō ke kaha.
A he aha ho'i ka hewa o kēia 'ano koina? Ua hana 'ia nō ma mua. Ma nā kula ki'eki'e o ke aupuni, ua koi 'ia ke kaha 2.0 no ka pā'ani 'ana i nā ha'uki. 'O nā keiki nona ke kaha ma lalo aku o ia kaha, ua pāpā 'ia nō 'a'ole lākou e komo ma nā pā'ani. Inā he mea kūpono ia koina no ka pā'ani, no ke aha e kau 'ole 'ia ai no ka hele 'ana i ke kaua?
Ke ho'ohalahala nei au iā John Kerry no kona kūpa'a 'ole ma hope o kāna mau 'ōlelo. I loko nō o kona 'ike i ka hopena o nā keiki ha'aha'a o nā kaha ma ke kula, 'o lākou ke inu ana i ka wai 'awa'awa ma Iraq, 'a'ole 'o ia i nānā i ko lākou pono. Ua hulikua na'e 'o ia iā lākou me ka 'imi wale aku nō i ala e pakele ai i ka leo ho'ohalahala. E a'o i ke koa, e a'o pū me ka holo!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ä la'a, ä la'a lä
KAUAKUKALAHALE
Laiana Wong
Synopsis: If John Kerry deserves to be castigated, it should be for backing away from a true statement and leaving our children to the mercy of war-mongering Bush backers merely to salvage his waning political career.
'Uä mai ka pihe o nä leo ho'ohalahala iä John Kerry no ka ho'opuka 'ana i kahi 'ölelo e pili ana i nä pü'ali koa o 'Amelika. Kainö he 'ölelo küamuamu, eia kä he 'ölelo hö'aka'aka. Wahi äna, 'o ke keiki ho'oikaika i ka ha'awina ma ke kula, e noho kü'ono'ono nö ia, A 'o ka mea hana 'ole pëlä ke hele aku i ke kaua ma Iraq. A ma muli o ia 'ölelo i mana'o 'ia ai he kapa 'ana këlä i nä pü'ali koa i ka hüpö! I lohe mai ka hana i nä leo ho'ohalahala, 'o kona häpai a'ela nö ia i kahi 'ölelo hö'alo. Wahi äna, he 'ölelo hö'aka'aka wale nö ia e ho'ohenehene ana i kahi mamo a Wa'awa'a, 'o George W. Bush. He aha lä ke kumu e hö'alo ai? Inä no ka Pelekikena a inä no ke 'ano o ka wae 'ana i nä pü'ali koa, ua pololei nö ia 'ölelo!
Ua like nö ho'i ia 'ölelo me ka'u i käkau ai ma Kauakükalahale i këlä mahina aku nei. 'O nä keiki e holomua nei ma ke kula, 'a'ole läkou e komo ana i ka pü'ali koa. 'A'ole lä! E lilo ana na'e i kauka, i loio, a i mea holo päloka paha. I kanaka aha ia e koho ai i ka pü'ali koa ma kahi o ua mau 'oihana nei? He koho wale nö ia na ka hüpö. 'O ke keiki ha'aha'a na'e o ke kaha, 'a'ohe ona koho. E kïkëkë 'ia auane'i ka pani puka o kona hale e Waha Palu mä a e ho'owalewale 'ia nö ho'i 'o ia e komo ma ka pü'ali koa.
Ua hiki nö ke hö'oia 'ia këia mana'o. 'O ia ho'i, i kau 'ia auane'i he koina no ke komo 'ana ma ka pü'ali koa aia wale nö ia a puka ma ke kula ki'eki'e me ke kaha he 2.0 a 'oi, he käka'ikahi wale ana nö ka po'e e puni i ka ho'owalewale 'ia mai. E pakele nui mai nö na'e kä käkou mau keiki i ka 'ino o ia mea he kaua, a e 'ikea nö ke 'ano pa'ewa o ka No Child Left Behind Act i kona ho'okae a ho'oma'au 'ana ho'i i nä keiki 'öiwi o 'Amelika, nä keiki Hawai'i, a me nä keiki nö ho'i a pau o nä lähui 'a'ole he 'ili puakea. Pehea ka ho'oikaika i ka ha'awina a me ka 'ole, 'o ia mau ha'aha'a nö ke kaha.
A he aha ho'i ka hewa o këia 'ano koina? Ua hana 'ia nö ma mua. Ma nä kula ki'eki'e o ke aupuni, ua koi 'ia ke kaha 2.0 no ka pä'ani 'ana i nä ha'uki. 'O nä keiki nona ke kaha ma lalo aku o ia kaha, ua päpä 'ia nö 'a'ole läkou e komo ma nä pä'ani. Inä he mea küpono ia koina no ka pä'ani, no ke aha e kau 'ole 'ia ai no ka hele 'ana i ke kaua?
Ke ho'ohalahala nei au iä John Kerry no kona küpa'a 'ole ma hope o käna mau 'ölelo. I loko nö o kona 'ike i ka hopena o nä keiki ha'aha'a o nä kaha ma ke kula, 'o läkou ke inu ana i ka wai 'awa'awa ma Iraq, 'a'ole 'o ia i nänä i ko läkou pono. Ua hulikua na'e 'o ia iä läkou me ka 'imi wale aku nö i ala e pakele ai i ka leo ho'ohalahala. E a'o i ke koa, e a'o pü me ka holo!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|