E ao Hawai'i!
Synopsis: Under No Child Left Behind, schools are required to provide military recruiters with the contact information of high school students. Hawaiian youth struggling to meet foreign standards are most susceptible to the recruitment rhetoric.
Aloha mai nō kākou e nā makamaka heluhelu o Kauakūkalahale. Eia hou kahi hana ma'alea a ke aupuni 'Amelika a me kāna 'ākena kala'ihi a aloha 'ole ho'i i ka po'e 'ōiwi e noho 'īnea nei ma ko kākou mau 'āina pono'ī, 'o ia ho'i ke kānāwai No Child Left Behind (NCLB).
Ma lalo o kēia kānāwai, ua 'āpono 'ia kekahi pila nāna e ho'āmana i ka 'oihana pū'ali koa e koikoi i nā kula aupuni e hō'ike i ka helu kelepona, kahi noho, a me nā 'ano 'ike like 'ole e pili ana i kā kākou mau keiki ma nā kula ki'eki'e. I mea ho'i kēia 'ike e hiki ai i nā waha palu o ka pū'ali koa ke ho'owalewale mai i nā 'ōpio e koho i ka pū'ali koa i 'oihana no lākou. 'O ka mea 'āpiki, 'a'ole maopopo i nā mākua! 'Eā, 'o ke kanaka kuko keiki ka hoa like e hahai ana i kāna luaahi ma ka pūnaewele!
'O kēia hana kohu 'ole, he hana laulima ia i komo pū maila ka lima o ka 'oiahana ho'ona'auao o 'Amelika. Kainō a ua kau 'ia ke kānāwai NCLB i mea e holopono ai ke kula 'ia 'ana o nā keiki a pau. 'A'ole kā! 'A'ohe wahi pono e loa'a mai ana i nā keiki Hawai'i. Penei ku'u kūkulu mana'o no kēia nīnau. 'O ka nu'u a kā kākou po'e keiki e kūlia ai, na ha'i ia i kūkulu. A no ka pili 'ole ho'i o nā ha'awina i ka nohona o kākou Hawai'i, 'a'ole nō e nele ka hā'ule 'ana o nā keiki Hawai'i. He mea maopopo, 'o nā haumāna nāna e pi'i aku a hiki ma kahi kokoke i ia nu'u, 'a'ole ia 'o nā haumāna 'ōiwi!
No laila, he aha lā ka hopena o nā haumāna i hā'ule i hope? 'A'ole paha lākou e hele ana i ke kulanui, 'a'ole ho'i e lilo ana i kauka a i loio paha. Pehea lākou e pono ai? Ma lalo o ke kānāwai NCLB, 'a'ole hiki ke "waiho 'ia i hope". No laila, e ho'owalewale 'ia lākou e komo i loko o ka pū'ali koa ma ke 'ano i 'oihana e loa'a mai ai ke ola o ka 'ohana. 'O ka maunu ia e ho'olewalewa 'ia i mua o lākou. A eia hou, e 'ōlelo 'ia lākou ē na ke aupuni e uku no ke komo 'ana i ke kula nui ma hope o kekahi mau makahiki ma ka pū'ali koa. 'O ke keiki e holopono kona kula 'ia 'ana, 'a'ohe ona wahi puni i ia 'ōlelo ho'owalewale. E lilo ana nō 'o ia i kauka a i loio paha.'O ke keiki na'e e hā'ule i hope, he keiki Hawai'i ia i ka hapanui o ka manawa. Ua kapa 'ia 'o ia i ka na'aupō a ua ho'oili 'ia ka hewa ma luna ona no kona hā'ule 'ana. E lilo mai ka pū'ali koa 'o kona ala ho'okahi wale nō ia e pakele ai i ka 'ilihune a ola ai ho'i ka 'ohana. Na wai e 'ole ka lilo i ka ho'owalewale 'ia mai ua ho'opēpē 'ia pēlā? He mea maopopo kēia i ka pū'ali koa a me kona kōko'olua, me ke ke'ena ho'ona'auao.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
E ao Hawai'i!
Synopsis: Under No Child Left Behind, schools are required to provide military recruiters with the contact information of high school students. Hawaiian youth struggling to meet foreign standards are most susceptible to the recruitment rhetoric.
Aloha mai nö käkou e nä makamaka heluhelu o Kauakükalahale. Eia hou kahi hana ma'alea a ke aupuni 'Amelika a me käna 'äkena kala'ihi a aloha 'ole ho'i i ka po'e 'öiwi e noho 'ïnea nei ma ko käkou mau 'äina pono'ï, 'o ia ho'i ke känäwai No Child Left Behind (NCLB).
Ma lalo o këia känäwai, ua 'äpono 'ia kekahi pila näna e ho'ämana i ka 'oihana pü'ali koa e koikoi i nä kula aupuni e hö'ike i ka helu kelepona, kahi noho, a me nä 'ano 'ike like 'ole e pili ana i kä käkou mau keiki ma nä kula ki'eki'e. I mea ho'i këia 'ike e hiki ai i nä waha palu o ka pü'ali koa ke ho'owalewale mai i nä 'öpio e koho i ka pü'ali koa i 'oihana no läkou. 'O ka mea 'äpiki, 'a'ole maopopo i nä mäkua! 'Eä, 'o ke kanaka kuko keiki ka hoa like e hahai ana i käna luaahi ma ka pünaewele!
'O këia hana kohu 'ole, he hana laulima ia i komo pü maila ka lima o ka 'oiahana ho'ona'auao o 'Amelika. Kainö a ua kau 'ia ke känäwai NCLB i mea e holopono ai ke kula 'ia 'ana o nä keiki a pau. 'A'ole kä! 'A'ohe wahi pono e loa'a mai ana i nä keiki Hawai'i. Penei ku'u kükulu mana'o no këia nïnau. 'O ka nu'u a kä käkou po'e keiki e külia ai, na ha'i ia i kükulu. A no ka pili 'ole ho'i o nä ha'awina i ka nohona o käkou Hawai'i, 'a'ole nö e nele ka hä'ule 'ana o nä keiki Hawai'i. He mea maopopo, 'o nä haumäna näna e pi'i aku a hiki ma kahi kokoke i ia nu'u, 'a'ole ia 'o nä haumäna 'öiwi!
No laila, he aha lä ka hopena o nä haumäna i hä'ule i hope? 'A'ole paha läkou e hele ana i ke kulanui, 'a'ole ho'i e lilo ana i kauka a i loio paha. Pehea läkou e pono ai? Ma lalo o ke känäwai NCLB, 'a'ole hiki ke "waiho 'ia i hope". No laila, e ho'owalewale 'ia läkou e komo i loko o ka pü'ali koa ma ke 'ano i 'oihana e loa'a mai ai ke ola o ka 'ohana. 'O ka maunu ia e ho'olewalewa 'ia i mua o läkou. A eia hou, e 'ölelo 'ia läkou ë na ke aupuni e uku no ke komo 'ana i ke kula nui ma hope o kekahi mau makahiki ma ka pü'ali koa. 'O ke keiki e holopono kona kula 'ia 'ana, 'a'ohe ona wahi puni i ia 'ölelo ho'owalewale. E lilo ana nö 'o ia i kauka a i loio paha.'O ke keiki na'e e hä'ule i hope, he keiki Hawai'i ia i ka hapanui o ka manawa. Ua kapa 'ia 'o ia i ka na'aupö a ua ho'oili 'ia ka hewa ma luna ona no kona hä'ule 'ana. E lilo mai ka pü'ali koa 'o kona ala ho'okahi wale nö ia e pakele ai i ka 'ilihune a ola ai ho'i ka 'ohana. Na wai e 'ole ka lilo i ka ho'owalewale 'ia mai ua ho'opëpë 'ia pëlä? He mea maopopo këia i ka pü'ali koa a me kona köko'olua, me ke ke'ena ho'ona'auao.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|