Ka waiwai o ka pili waiwai

Aloha mai nō kākou e nā makamaka heluhelu o Kauakūkalahale. Eia hou mai kahi mau paka ua a kā 'oukou wahi mea kākau nei ke pakī nei i nā kala o ko 'oukou mau hale. Na 'oukou nō 'oukou e maliu mai. I Las Vegas aku nei kahi keiki minamina mea poepoe a 'ike maka i ke kumu e kū'ē ai i ka 'āpono 'ia o ia mea he pili waiwai ma Hawai'i nei.

I kēia au a kākou e noho nei, ua 'ike 'ia ke kālā he mea waiwai ia; a ua ana 'ia ho'i ka waiwai o kekahi kanaka ma ka nui o kāna kālā e ho'āhu ai. Kā! 'A'ole ia he 'ai. 'A'ole ia he i'a. 'A'ole kā ho'i ia he wahi e moe ai. Eia na'e, he nui ko kākou make'e i ia mea a 'a'ole nō o kana mai kona ikaika ho'owalewale mai. Na wai nō ho'i ia e pakele aku?

Mali'a o 'ōlelo mai auane'i kekahi po'e ē he au hou kēia a ua hele a he ola ia mea he kālā no ka 'ohana. 'O ka nele kālā, he noho 'īnea nō, 'o ka 'uku ka 'ai, 'o ka lia ka i'a, a 'o 'A'ala Pāka kona wahi e moe ai. 'A'ole nō paha e hiki ke hō'ole 'ia ka 'oia'i'o o ia 'ōlelo. 'A'ole e hihi. 'O ka'u na'e e kū'ē nei, 'o ia nō ia mea he 'ānunu. Na ka 'ānunu e koikoi mai i ka mea kālā e pili aku i kāna kālā me ka mana'o e ho'oulu i ka nui o kona waiwai. I ka hapanui na'e o ka manawa, he lilo kāna kālā iā ha'i a lilo pū ho'i me ka 'ai, ka i'a, a me kahi moe o ka 'ohana. Aloha nō ke ake kālā!

'O ka po'e 'ilihune ke lilo mua i ka ho'owalewale'ia mai. 'O ko lākou lā kūlana nele kālā, he lilo ia mea he pili waiwai i mea e lana ai ka mana'o ē 'o ia ko lākou mea e kū'ono'ono ai. He mana'olana ho'opunipuni na'e ia. I 'āpono 'ia mai ka pili waiwai ma Hawai'i nei, 'o ka po'e Hawai'i ke pilikia nui, no ka mea, ua helu 'ia kākou ma nā po'e nele a hune o nēia pae 'āina, a 'o kākou ke puni nui i ia mana'olana.

Na ka 'ānunu nō ho'i e ho'owalewale iā kākou e hilina'i i ka laki a huli kua ho'i i ke a'oa'o a ko kākou po'e kūpuna. Aia ko kākou noho kū'ono'ono a huli ka lima i lalo. Ua like ko kākou hilina'i 'ana i ka laki me ke kanaka nona ka lima e huli mau ana i luna. 'O ka laki, 'a'ole ia he mea loa'a wale mai i kēlā me kēia kanaka. Na ka laki e koho i kona hoa e noho pū ai, a he mau punahele kāna i helu wale 'ia ko lākou nui.

He aha lā ka'u o ka hānai 'ana i kahi mīkini 'ai ho'onu'unu'u 'oiai ko'u po'e hoa lāhui e noho 'īnea nei, 'a'ohe 'ai, 'a'ohe i'a, a 'a'ohe wahi e moe ai? He kipa hewa kā ho'i ke aloha i ka 'īlio! I 'ole au kū hewa ma kēia, ma ka pili waiwai a ka po'e Hawai'i kahiko, 'a'ole kauka'i 'ia ka laki. Ua kauka'i 'ia ka 'ike, ke akamai, ka ikaika, ka 'eleu, a me nā 'ano mea like. 'O ia wale ihola nō nā mea e kū'ono'ono ai kākou.

Ka waiwai o ka pili waiwai

Aloha mai nö käkou e nä makamaka heluhelu o Kauakükalahale. Eia hou mai kahi mau paka ua a kä 'oukou wahi mea käkau nei ke pakï nei i nä kala o ko 'oukou mau hale. Na 'oukou nö 'oukou e maliu mai. I Las Vegas aku nei kahi keiki minamina mea poepoe a 'ike maka i ke kumu e kü'ë ai i ka 'äpono 'ia o ia mea he pili waiwai ma Hawai'i nei.

I këia au a käkou e noho nei, ua 'ike 'ia ke kälä he mea waiwai ia; a ua ana 'ia ho'i ka waiwai o kekahi kanaka ma ka nui o käna kälä e ho'ähu ai. Kä! 'A'ole ia he 'ai. 'A'ole ia he i'a. 'A'ole kä ho'i ia he wahi e moe ai. Eia na'e, he nui ko käkou make'e i ia mea a 'a'ole nö o kana mai kona ikaika ho'owalewale mai. Na wai nö ho'i ia e pakele aku?

Mali'a o 'ölelo mai auane'i kekahi po'e ë he au hou këia a ua hele a he ola ia mea he kälä no ka 'ohana. 'O ka nele kälä, he noho 'ïnea nö, 'o ka 'uku ka 'ai, 'o ka lia ka i'a, a 'o 'A'ala Päka kona wahi e moe ai. 'A'ole nö paha e hiki ke hö'ole 'ia ka 'oia'i'o o ia 'ölelo. 'A'ole e hihi. 'O ka'u na'e e kü'ë nei, 'o ia nö ia mea he 'änunu. Na ka 'änunu e koikoi mai i ka mea kälä e pili aku i käna kälä me ka mana'o e ho'oulu i ka nui o kona waiwai. I ka hapanui na'e o ka manawa, he lilo käna kälä iä ha'i a lilo pü ho'i me ka 'ai, ka i'a, a me kahi moe o ka 'ohana. Aloha nö ke ake kälä!

'O ka po'e 'ilihune ke lilo mua i ka ho'owalewale'ia mai. 'O ko läkou lä külana nele kälä, he lilo ia mea he pili waiwai i mea e lana ai ka mana'o ë 'o ia ko läkou mea e kü'ono'ono ai. He mana'olana ho'opunipuni na'e ia. I 'äpono 'ia mai ka pili waiwai ma Hawai'i nei, 'o ka po'e Hawai'i ke pilikia nui, no ka mea, ua helu 'ia käkou ma nä po'e nele a hune o nëia pae 'äina, a 'o käkou ke puni nui i ia mana'olana.

Na ka 'änunu nö ho'i e ho'owalewale iä käkou e hilina'i i ka laki a huli kua ho'i i ke a'oa'o a ko käkou po'e küpuna. Aia ko käkou noho kü'ono'ono a huli ka lima i lalo. Ua like ko käkou hilina'i 'ana i ka laki me ke kanaka nona ka lima e huli mau ana i luna. 'O ka laki, 'a'ole ia he mea loa'a wale mai i këlä me këia kanaka. Na ka laki e koho i kona hoa e noho pü ai, a he mau punahele käna i helu wale 'ia ko läkou nui.

He aha lä ka'u o ka hänai 'ana i kahi mïkini 'ai ho'onu'unu'u 'oiai ko'u po'e hoa lähui e noho 'ïnea nei, 'a'ohe 'ai, 'a'ohe i'a, a 'a'ohe wahi e moe ai? He kipa hewa kä ho'i ke aloha i ka 'ïlio! I 'ole au kü hewa ma këia, ma ka pili waiwai a ka po'e Hawai'i kahiko, 'a'ole kauka'i 'ia ka laki. Ua kauka'i 'ia ka 'ike, ke akamai, ka ikaika, ka 'eleu, a me nä 'ano mea like. 'O ia wale ihola nö nä mea e kü'ono'ono ai käkou.