Ho'i ke Kōlea i Kahiki

'Oiai he uku kākou a pau i ka 'auhau, a he ho'olilo 'ia nō kauwahi kālā no loko mai o ia huina 'auhau e ka 'Oihana Ho'ona'auao no ka pono o nā kula aupuni, he kuleana ko kākou a pau e maka'ala ai i ka pono a me ka 'ole o ia ho'olilo 'ana.

No'u iho, ke 'uha'uha 'ia nei ia kālā. A penei ho'i, no ke emi loa o nā kumu ma kekahi mau kula aupuni, eia ke ho'owalewale 'ia nei nā haumāna e puka ana ma nā kula nui mai 'ō a 'ō o 'Amelika e naue mai i Hawai'i nei no ka lilo 'ana i kumu ma loko o ia mau kula. Ua kapa 'ia ka inoa o ia polokalamu 'o Teach for America (TFA), a 'o kā lākou hana, 'o ia nō ka ho'ouna 'ana i kā lākou po'e "kumu" i nā kula i piha i nā haumāna 'ilihune. 'O ka hapanui, aia ma loko o nā kūlanakauhale nunui a ma nā wahi kua'āina paha. Ma Hawai'i nei, 'o ia nō nā kula ma nā kaiāulu nui o nā Hawai'i.

'A'ohe wahi 'ano o ke akamai e 'ike 'ia ma kēia hana. He nui na'e nā pilikia, 'a'ole paha e pau i ka helu 'ia ma loko o nā 'īniha o nēia kolamu. 'O ka 'oia'i'o, 'a'ole nō e piha 'elua makahiki o ke a'o, e ho'i aku nō ka hapanui o kēia po'e "kumu" i ko lākou 'āina i hele mai ai, 'o ia nō 'oe 'o ke kōlea. Na wai ho'i e 'ole ka wānana i ia hopena? 'A'ohe o lākou 'ike i ke a'o. He 'elima wale nō pule o ka ho'omākaukau 'ia 'ana ma mua o ka lu'u 'ana i loko o ia kai! 'A'ohe o lākou 'ike i ke 'ano o ka po'e Hawai'i, a 'a'ole maika'i ka launa 'ana me nā haumāna. Eia hou, 'a'ohe koikoi a ka polokalamu TFA e lilo kēia po'e i kumu kula maoli. I wehi wale nō kēia hana e nani ai ka CV. Ke pau kā lākou hana ma 'ane'i, e ho'i aku nō lākou ma nā kula loio, kauka, 'enekinia, ia mea aku, ia mea aku. 'Ehia mea aloha o nā keiki?

No ke aha i huli koke aku ai ko kākou nānā 'ana i ka 'āina haole e 'imi ai i ha'ina no kēia pilikia? Huli kua 'ia ko kākou po'e hoa o ka noho pū 'ana. He nui ka po'e hānau o ka 'āina a hānai 'ia ho'i ma Hawai'i nei nāna e puka ana ma nā kula nui. He aha ka mea i hai 'ole 'ia ai lākou? No ka pipi'i o ka nohona ma Hawai'i nei, a no ka lawa 'ole o nā hana maika'i, ke ha'alele nei lākou iā Hawai'i no ka 'imi 'ana i ola ma nā 'āina 'ē. I ola aha ia a ko Hawai'i e mā'ona ai? Kohu kumulā'au ua 'ula'a 'ia kona mole a wailana 'ia i ke kai. He aha ka hewa o ka mālama 'ana i ke kālā e lilo nei iā TFA me ka ho'olilo aku na'e no ka ho'omākaukau 'ana i mau kumu no loko mai o nā kaiāulu nona ia mau kula? 'A'ohe o lākou lele aku i ka 'āina 'ē. E noho mai nō na'e lākou a lō'ihi me ka nānā mau i ka pono o ia mau keiki, no ka mea, he mau keiki nō ia na lākou.

A no ke aha i hana 'ole 'ia ai? He nānā wale aku nō i ka helehelena o nā "kumu" TFA a 'a'ole nō e nele ke kupu mai o ka mana'o ho'ohuoi i ka ho'okae 'ili, a inā 'a'ole ia, he ho'okae 'ōlelo paha ke kumu. He aha hou aku lā ke kumu i huli kua 'ia ai ko Hawai'i?

Ho'i ke Kölea i Kahiki

'Oiai he uku käkou a pau i ka 'auhau, a he ho'olilo 'ia nö kauwahi kälä no loko mai o ia huina 'auhau e ka 'Oihana Ho'ona'auao no ka pono o nä kula aupuni, he kuleana ko käkou a pau e maka'ala ai i ka pono a me ka 'ole o ia ho'olilo 'ana.

No'u iho, ke 'uha'uha 'ia nei ia kälä. A penei ho'i, no ke emi loa o nä kumu ma kekahi mau kula aupuni, eia ke ho'owalewale 'ia nei nä haumäna e puka ana ma nä kula nui mai 'ö a 'ö o 'Amelika e naue mai i Hawai'i nei no ka lilo 'ana i kumu ma loko o ia mau kula. Ua kapa 'ia ka inoa o ia polokalamu 'o Teach for America (TFA), a 'o kä läkou hana, 'o ia nö ka ho'ouna 'ana i kä läkou po'e "kumu" i nä kula i piha i nä haumäna 'ilihune. 'O ka hapanui, aia ma loko o nä külanakauhale nunui a ma nä wahi kua'äina paha. Ma Hawai'i nei, 'o ia nö nä kula ma nä kaiäulu nui o nä Hawai'i.

'A'ohe wahi 'ano o ke akamai e 'ike 'ia ma këia hana. He nui na'e nä pilikia, 'a'ole paha e pau i ka helu 'ia ma loko o nä 'ïniha o nëia kolamu. 'O ka 'oia'i'o, 'a'ole nö e piha 'elua makahiki o ke a'o, e ho'i aku nö ka hapanui o këia po'e "kumu" i ko läkou 'äina i hele mai ai, 'o ia nö 'oe 'o ke kölea. Na wai ho'i e 'ole ka wänana i ia hopena? 'A'ohe o läkou 'ike i ke a'o. He 'elima wale nö pule o ka ho'omäkaukau 'ia 'ana ma mua o ka lu'u 'ana i loko o ia kai! 'A'ohe o läkou 'ike i ke 'ano o ka po'e Hawai'i, a 'a'ole maika'i ka launa 'ana me nä haumäna. Eia hou, 'a'ohe koikoi a ka polokalamu TFA e lilo këia po'e i kumu kula maoli. I wehi wale nö këia hana e nani ai ka CV. Ke pau kä läkou hana ma 'ane'i, e ho'i aku nö läkou ma nä kula loio, kauka, 'enekinia, ia mea aku, ia mea aku. 'Ehia mea aloha o nä keiki?

No ke aha i huli koke aku ai ko käkou nänä 'ana i ka 'äina haole e 'imi ai i ha'ina no këia pilikia? Huli kua 'ia ko käkou po'e hoa o ka noho pü 'ana. He nui ka po'e hänau o ka 'äina a hänai 'ia ho'i ma Hawai'i nei näna e puka ana ma nä kula nui. He aha ka mea i hai 'ole 'ia ai läkou? No ka pipi'i o ka nohona ma Hawai'i nei, a no ka lawa 'ole o nä hana maika'i, ke ha'alele nei läkou iä Hawai'i no ka 'imi 'ana i ola ma nä 'äina 'ë. I ola aha ia a ko Hawai'i e mä'ona ai? Kohu kumulä'au ua 'ula'a 'ia kona mole a wailana 'ia i ke kai. He aha ka hewa o ka mälama 'ana i ke kälä e lilo nei iä TFA me ka ho'olilo aku na'e no ka ho'omäkaukau 'ana i mau kumu no loko mai o nä kaiäulu nona ia mau kula? 'A'ohe o läkou lele aku i ka 'äina 'ë. E noho mai nö na'e läkou a lö'ihi me ka nänä mau i ka pono o ia mau keiki, no ka mea, he mau keiki nö ia na läkou.

A no ke aha i hana 'ole 'ia ai? He nänä wale aku nö i ka helehelena o nä "kumu" TFA a 'a'ole nö e nele ke kupu mai o ka mana'o ho'ohuoi i ka ho'okae 'ili, a inä 'a'ole ia, he ho'okae 'ölelo paha ke kumu. He aha hou aku lä ke kumu i huli kua 'ia ai ko Hawai'i?