Ka Nühou
Synopsis: News shorts from the past week --
the Rainbow Wähine's loss in the tournament; the Lïhu'e Patriots win the national title; Malik Joyeux remembered; five Grammy nominees for Hawaiian music album.
Hä'ule pahü ka mana'o. Hä'ule ihola nä Wähine Änuenue iä Mikouri ma ka puni 'elua o ka ho'okükü kinipöpö pa'ilima o nä kula nui o 'Amelika. I ka Pö'alima nei ka ulele 'ana, ma Penesilevania. He ho'okükü maika'i nö ia, 'oiai, 'o Hawai'i ka hui helu 6 o ke ao nei, a 'o Mikouri ka helu 8. Ua lilo ke eo iä Mikouri ma ka pä'ani mua. A 'o ka lua o ka pä'ani, lilo maila iä Hawai'i, akä ma ia hope mai, 'a'ole i pa'i 'ia ke po'o o nä wähine o Mikouri. Holomua läkou i ka puni 3 o ia ho'okükü, kahi e kü'ë ana iä Penn State, a iä Tenesï paha.
Wela ka hao i nä keiki o Hawai'i nei. 'O nä keiki o Lïhu'e ka inoa moho o ke ao nei ma ka pä'ani kinipöpö hili, ma hope o ko läkou luku 'ana aku i nä keiki o San Jose ma ka helu 'ai he 14 a Hawai'i i ka hua kakä a San Jose. 'O ka makamua këia o ka lilo 'ana o ka inoa moho i ka hui no Hawai'i mai ka makahiki 1996, ka wä ho'i i ho'omaka ai ka mälama 'ia 'ana o nei ho'okükü ma Orlando, Pololika.
Hä'awi aloha. Mälama 'ia aku nei ke anaina ho'olewa o Malik Joyeux i ka Pö'akolu nei ma ka päka kahakai 'o 'Ehukai. No Tahiti 'o Joyeux, a he kanaka kaulana a akamai ho'i 'o ia i ka he'enalu. Ma këlä Pö'alima aku nei a i ia Pö'alima aku, ua make akula 'o ia i kona po'i 'ia 'ana e ka nalu, a he nalu ikaika loa ia, ua haki ka papa he'enalu o Joyeux.
Kähuli leo le'a o ka nahele. 'Ane'ane e hiki mai ka lä ho'ohanohano pu'ukani a ho'okani pila, kahi e lilo ai ka makana "Grammy" i ka pu'ukani a ho'okani pila punahele o ke ao nei. A 'o ka lua këia o ka makahiki e ho'ohanohano 'ia ai kahi päleo mele Hawai'i. He 'elima mau CD i koho 'ia, 'o ia ho'i 'o "Slack Key Dreams of the Ponomoe," na Kapono Beamer, 'o "Sweet & Lovely," na Raiatea Helm, 'o Kïhö'alu--Hawaiian Slack Key Guitar," na Ledward Ka'apana, 'o "Slack Key Guitar: The Artistry of Sonny Lim," na Sonny Lim, a me "Masters of Hawaiian Slack Key Guitar--Vol. 1," na nä mea like 'ole. Hö'ike 'ia nä 'oi o nä pu'ukani a me nä ho'okani pila ma ka lä 8 o Pepeluali.
[He ho'omaika'i këia i nä moho ma luna a'e nei. 'O ka mea 'äpiki, he ho'okahi wale nö päleo pu'ukani, 'o ka nui, he 'ehä ho'i päleo, he ho'okani pila ke 'ano, 'o ke kï hö'alu ho'i. A i loko nö o ka nani maoli o ke kani o ke kïkä, me he mea lä, [i këlä makahiki aku nei, ua lilo ka makana no nei mähele i ka päleo "Slack Key Guitar, Volume 2], 'o ia wale ana nö nä mea e koho 'ia ma këia mähele mele Hawai'i, 'oiai, 'a'ole i maopopo iki i nä känaka o 'Amelika ka leo kanaka. Minamina.]
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP
Ka Nūhou
Synopsis: News shorts from the past week -- the Rainbow Wāhine's loss in the tournament; the Līhu'e Patriots win the national title; Malik Joyeux remembered; five Grammy nominees for Hawaiian music album.
Hā'ule pahū ka mana'o. Hā'ule ihola nā Wāhine Ānuenue iā Mikouri ma ka puni 'elua o ka ho'okūkū kinipōpō pa'ilima o nā kula nui o 'Amelika. I ka Pō'alima nei ka ulele 'ana, ma Penesilevania. He ho'okūkū maika'i nō ia, 'oiai, 'o Hawai'i ka hui helu 6 o ke ao nei, a 'o Mikouri ka helu 8. Ua lilo ke eo iā Mikouri ma ka pā'ani mua. A 'o ka lua o ka pā'ani, lilo maila iā Hawai'i, akā ma ia hope mai, 'a'ole i pa'i 'ia ke po'o o nā wāhine o Mikouri. Holomua lākou i ka puni 3 o ia ho'okūkū, kahi e kū'ē ana iā Penn State, a iā Tenesī paha.
Wela ka hao i nā keiki o Hawai'i nei. 'O nā keiki o Līhu'e ka inoa moho o ke ao nei ma ka pā'ani kinipōpō hili, ma hope o ko lākou luku 'ana aku i nā keiki o San Jose ma ka helu 'ai he 14 a Hawai'i i ka hua kakā a San Jose. 'O ka makamua kēia o ka lilo 'ana o ka inoa moho i ka hui no Hawai'i mai ka makahiki 1996, ka wā ho'i i ho'omaka ai ka mālama 'ia 'ana o nei ho'okūkū ma Orlando, Pololika.
Hā'awi aloha. Mālama 'ia aku nei ke anaina ho'olewa o Malik Joyeux i ka Pō'akolu nei ma ka pāka kahakai 'o 'Ehukai. No Tahiti 'o Joyeux, a he kanaka kaulana a akamai ho'i 'o ia i ka he'enalu. Ma kēlā Pō'alima aku nei a i ia Pō'alima aku, ua make akula 'o ia i kona po'i 'ia 'ana e ka nalu, a he nalu ikaika loa ia, ua haki ka papa he'enalu o Joyeux.
Kāhuli leo le'a o ka nahele. 'Ane'ane e hiki mai ka lā ho'ohanohano pu'ukani a ho'okani pila, kahi e lilo ai ka makana "Grammy" i ka pu'ukani a ho'okani pila punahele o ke ao nei. A 'o ka lua kēia o ka makahiki e ho'ohanohano 'ia ai kahi pāleo mele Hawai'i. He 'elima mau CD i koho 'ia, 'o ia ho'i 'o "Slack Key Dreams of the Ponomoe," na Kapono Beamer, 'o "Sweet & Lovely," na Raiatea Helm, 'o Kīhō'alu--Hawaiian Slack Key Guitar," na Ledward Ka'apana, 'o "Slack Key Guitar: The Artistry of Sonny Lim," na Sonny Lim, a me "Masters of Hawaiian Slack Key Guitar--Vol. 1," na nā mea like 'ole. Hō'ike 'ia nā 'oi o nā pu'ukani a me nā ho'okani pila ma ka lā 8 o Pepeluali.
[He ho'omaika'i kēia i nā moho ma luna a'e nei. 'O ka mea 'āpiki, he ho'okahi wale nō pāleo pu'ukani, 'o ka nui, he 'ehā ho'i pāleo, he ho'okani pila ke 'ano, 'o ke kī hō'alu ho'i. A i loko nō o ka nani maoli o ke kani o ke kīkā, me he mea lā, [i kēlā makahiki aku nei, ua lilo ka makana no nei māhele i ka pāleo "Slack Key Guitar, Volume 2], 'o ia wale ana nō nā mea e koho 'ia ma kēia māhele mele Hawai'i, 'oiai, 'a'ole i maopopo iki i nā kānaka o 'Amelika ka leo kanaka. Minamina.]
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
