---

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here. Reference: Ulukau.org Hawaiian-English Dictionary

Kekeha Solis

Ka Pila
‘Aka‘aka

Synopsis: All the fuss in Washington over the Akaka Bill seems laughable.

'Auhea 'oukou e nä makamaka heluhelu o Kauakükalahale, 'o ke kumuhana o këia lä, 'o ia ke po'omana'o e kau a'ela ma luna, a 'o ka inoa kapakapa paha ia o ka pila Akaka. Ua lilo a'e nei ua pila nei i mea kama'ilio nui 'ia e ka lehulehu ma ka pule iho nei i hala ma muli o ka hauwala'au e 'ike 'ia akula ma Wakinekona.

'O ka pila Akaka, he pila ia e 'ike 'ia ai ka lähui Hawai'i he lähui kü'oko'a, e ke aupuni pekelala. 'O ka mea 'äpiki na'e, aia ka holo a me ka holo 'ole paha o ua pila nei ma ka lima o ke aupuni 'ë ['Amelika], 'a'ole ma ka lima o ka Hawai'i. Auë! 'O ia paha kekahi mea e hene iki a'ela ka 'aka a kapa 'ia ai ua pila nei 'o ka Pila 'Aka'aka.

'O kekahi o nä kenekoa o ka 'Aha Senate, aia ke känalua nei ka no'ono'o. A 'o kahi, ke hopohopo nei o ho'okumu 'ia kahi pili waiwai ma Hawai'i nei, ke holo ka pila Akaka. Iä läkou ia wahi? Me he mea lä, he kamali'i wale nö ka Hawai'i e maka'u ai ka makua ['Amelika], 'a'ole e noho ho'okahi ma ka hale o pau loa ka hale i ke ahi. Mai nö a poina i ka 'ölelo kaulana e mahalo ana i ke akamai o ka Hawai'i, 'o ia ho'i, "Ua lehulehu a manomano ka 'ikena a ka Hawai'i." 'Eä, ua ho'okele 'ia ka moana Päkïpika ma o ke kilo hökü e nä küpuna o käkou, nä ho'okele o ke au i hala a me këia au nei nö ho'i e ka'a aku nei. A na ka Hawai'i ho'i i hana i ka 'auwai e holo ai ka wai i nä 'äina wai mai uka a i kai, a 'o ia mau nö ia 'ano 'auwai a hiki i këia lä. A pehea, ke mana'o nei paha kekahi, he pegana wale nö käkou. Kainö a he kuhihewa wale nö ia na ka haole [mikionali] i hiki mai i Hawai'i nei ma mua. Eia kä, ke ö nei ia kuhihewa a hiki i këia lä. A no ke aha lä e kuhihewa 'ia nei? He mea maopopo wale, he nui nö nä Hawai'i akamai o këia mau lä, 'o 'Anakala Eddie Kaanana, 'o No'eau Warner, 'o Lilikalä Kame'eleihiwa, 'o Calvin Hoe, 'o Manulani Meyer, 'o Kekuni Blaisdell, a he nui hewahewa nä känaka akamai hou aku, 'a'ole e pau i ka helu 'ia. 'O ia 'ano kuhihewa, no ka na'aupö paha ia, a he mea ho'i e lo'ulo'u ai ka 'aka o käkou.

'O kahi mea 'äpiki, aia ke kia'äina o käkou ma Wakinekona e paipai akula i nä lepupalika e käko'o i ka pila Akaka, pëia pü me ka paipai 'ana o Akaka a me Inouye i nä hoa kenekoa, a eia käkou, ka Hawai'i, ka mea nona këia pila, ma Hawai'i nei, ua mahae lua ma ua pila nei, he käko'o kekahi, a 'a'ole käko'o kekahi. Eia nö kekahi ma Hawai'i nei e kü'ë aku nei i ka pila, pau na'e läkou luna i ke noi hele 'ana i ka 'olu'olu o nä kenekoa, ua pïhoihoi loa ka na'au. Ke no'ono'o iho, hehë lua ka 'aka. A 'o ia ke kumu i kapa 'ia ai ua pila nei 'o ka Pila 'Aka'aka.

A 'o ia ihola i lohe 'oukou no ka pila 'aka'aka. 'O ke aloha paha këia iä 'oukou, ke ho'i akula ko Mänoa keiki, ua ahiahi.

---

Ulukau.org
Hawaiian-English Dictionary

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ka Pila
‘Aka‘aka

'Auhea 'oukou e nā makamaka heluhelu o Kauakūkalahale, 'o ke kumuhana o kēia lā, 'o ia ke po'omana'o e kau a'ela ma luna, a 'o ka inoa kapakapa paha ia o ka pila Akaka. Ua lilo a'e nei ua pila nei i mea kama'ilio nui 'ia e ka lehulehu ma ka pule iho nei i hala ma muli o ka hauwala'au e 'ike 'ia akula ma Wakinekona.

'O ka pila Akaka, he pila ia e 'ike 'ia ai ka lāhui Hawai'i he lāhui kū'oko'a, e ke aupuni pekelala. 'O ka mea 'āpiki na'e, aia ka holo a me ka holo 'ole paha o ua pila nei ma ka lima o ke aupuni 'ē ['Amelika], 'a'ole ma ka lima o ka Hawai'i. Auē! 'O ia paha kekahi mea e hene iki a'ela ka 'aka a kapa 'ia ai ua pila nei 'o ka Pila 'Aka'aka.

'O kekahi o nā kenekoa o ka 'Aha Senate, aia ke kānalua nei ka no'ono'o. A 'o kahi, ke hopohopo nei o ho'okumu 'ia kahi pili waiwai ma Hawai'i nei, ke holo ka pila Akaka. Iā lākou ia wahi? Me he mea lā, he kamali'i wale nō ka Hawai'i e maka'u ai ka makua ['Amelika], 'a'ole e noho ho'okahi ma ka hale o pau loa ka hale i ke ahi. Mai nō a poina i ka 'ōlelo kaulana e mahalo ana i ke akamai o ka Hawai'i, 'o ia ho'i, "Ua lehulehu a manomano ka 'ikena a ka Hawai'i." 'Eā, ua ho'okele 'ia ka moana Pākīpika ma o ke kilo hōkū e nā kūpuna o kākou, nā ho'okele o ke au i hala a me kēia au nei nō ho'i e ka'a aku nei. A na ka Hawai'i ho'i i hana i ka 'auwai e holo ai ka wai i nā 'āina wai mai uka a i kai, a 'o ia mau nō ia 'ano 'auwai a hiki i kēia lā. A pehea, ke mana'o nei paha kekahi, he pegana wale nō kākou. Kainō a he kuhihewa wale nō ia na ka haole [mikionali] i hiki mai i Hawai'i nei ma mua. Eia kā, ke ō nei ia kuhihewa a hiki i kēia lā. A no ke aha lā e kuhihewa 'ia nei? He mea maopopo wale, he nui nō nā Hawai'i akamai o kēia mau lā, 'o 'Anakala Eddie Kaanana, 'o No'eau Warner, 'o Lilikalā Kame'eleihiwa, 'o Calvin Hoe, 'o Manulani Meyer, 'o Kekuni Blaisdell, a he nui hewahewa nā kānaka akamai hou aku, 'a'ole e pau i ka helu 'ia. 'O ia 'ano kuhihewa, no ka na'aupō paha ia, a he mea ho'i e lo'ulo'u ai ka 'aka o kākou.

'O kahi mea 'āpiki, aia ke kia'āina o kākou ma Wakinekona e paipai akula i nā lepupalika e kāko'o i ka pila Akaka, pēia pū me ka paipai 'ana o Akaka a me Inouye i nā hoa kenekoa, a eia kākou, ka Hawai'i, ka mea nona kēia pila, ma Hawai'i nei, ua mahae lua ma ua pila nei, he kāko'o kekahi, a 'a'ole kāko'o kekahi. Eia nō kekahi ma Hawai'i nei e kū'ē aku nei i ka pila, pau na'e lākou luna i ke noi hele 'ana i ka 'olu'olu o nā kenekoa, ua pīhoihoi loa ka na'au. Ke no'ono'o iho, hehē lua ka 'aka. A 'o ia ke kumu i kapa 'ia ai ua pila nei 'o ka Pila 'Aka'aka.

A 'o ia ihola i lohe 'oukou no ka pila 'aka'aka. 'O ke aloha paha kēia iā 'oukou, ke ho'i akula ko Mānoa keiki, ua ahiahi.

---

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.