---

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here. Reference: Ulukau.org Hawaiian-English Dictionary

By Küpopou

He ‘ölelo
ho‘okä‘au

Synopsis: A story about Reverend Lorenzo Lyons being baffled by Reverend Kukahekahe of Waipi'o.

Welina e nä makamaka heluhelu, eia mai kahi mo'olelo no ka Makua Laiana me Kukahekahe i pa'i 'ia ma loko o kekahi o nä nüpepa kahiko o ke au i hala. E ho'onanea mai i ka heluhelu. Penei ka mo'olelo:

I ka wä e noho Kahu ana 'o Rev. Kukahekahe no ka 'Ekalesia o Waipi'o, ua pi'i akula 'o ia e 'ike i ka Makua Laiana ma Waimea, a ua hiki aku 'o ia i ka wä pä'ina, a e like nö ho'i me ke 'ano mau o ia Makua aloha o ka 'äina mauna he pu'uwai hämama, ua kono maila 'o ia i kona hoa Kahunapule e pä'ina pü me ia, a ua pä'ina ihola 'o Kukahekahe me ka 'ohana o Laiana, a i ka pau 'ana o ka pä'ina, ua hele akula 'o Kukahekahe i waho ma kahi a känaka e inu waiü ana me ke pa'i'ai; a ma muli ho'i o ke kono a ia po'e a no ka 'ono nö ho'i i ka waiü a me ke pa'i'ai, ua 'ai hou ihola 'o Kukahekahe me ia po'e känaka me kona mana'o nö paha 'a'ole e hö'ea koke aku ana 'o Laiana.

A iä ia e nanea ana i ke kama'ilio me nä känaka a 'ai pü ho'i me läkou, ua ho'opü'iwa 'ia 'o ia i ke kü 'ana o Laiana ma hope ona, a ho'opuka a'ela i këia mau 'ölelo: "He moa kä, he moa kä 'o Kukahekahe he 'elua 'öpü." Ua 'ano komo 'i'o ihola nö i loko o Kukahekahe ke 'ano hilahila no këia kapa 'ia ona e Laiana i ka moa. A ua no'ono'o ihola ho'i 'o ia i kona mea e pa'i ai a pa'i me ka Makua Laiana.

A i ka hala 'ana o kekahi manawa, ua pi'i hou maila 'o ia e 'ike iä Laiana, a ua hiki ho'i 'o ia i kahi o Laiana ma mua o ka pä'ina awakea, a i ka hiki 'ana i ka wä 'ai, ua kono maila 'o Laiana iä Kukahekahe e pä'ina pü me ia a me kona 'ohana, a i ka noho 'ana ma ke päkaukau a pau ka pule ho'omaika'i a hä'awi 'ia maila kä Kukahekahe pä mea 'ai, 'a'ole 'o ia i 'äwïwï iho i ka 'ai, akä, ua ho'onakeke a'ela 'o ia i ka pahi a me ke 'ö i kona waha me ka 'ölelo pü 'ana: "He lio kä! He lio kä!!"

I ka lohe 'ana o Laiana i këia 'ölelo a Kukahekahe, ua 'ölelo maila 'o ia: "Na'aupö, na'aupö 'o Kukahekahe." Akä, ua ho'omau akula nö 'o Kukahekahe i ka ho'onakeke 'ana i ka pahi me ke 'ö, a me ka ho'opuka 'ana nö i këlä mau hua'ölelo: "Kä, he lio kä, he lio kä 'o Laiana."

Ua ho'opäha'oha'o 'ia 'o Laiana e këia mau 'ölelo a Kukahekahe a hiki i ka wä a Laiana i nïnau mai ai: "A lio lä, a pehea i lio ai?" "Ua 'ölelo mai ka Palapala Hemolele, wahi a Kukahekahe i kama'ilio aku ai. Me nä hao waha, ho'okomo läkou i ka waha o nä lio."

"Kähühü, ua pololei 'o Kukahekahe, na'auao 'o Kukahekahe, na'aupö 'o Laiana."

A ua 'ölelo 'ia, ua 'ai lima ihola 'o Laiana me ke 'ano hemahema, a ua pa'i ihola a pa'i läua. He moa ho'i 'o Kukahekahe 'elua 'öpü, a he lio ho'i 'o Laiana ma ka ho'ö 'ana i ke 'ö hao i loko o kona waha.

---

Ulukau.org
Hawaiian-English Dictionary

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

He ‘ōlelo
ho‘okā‘au

Welina e nā makamaka heluhelu, eia mai kahi mo'olelo no ka Makua Laiana me Kukahekahe i pa'i 'ia ma loko o kekahi o nā nūpepa kahiko o ke au i hala. E ho'onanea mai i ka heluhelu. Penei ka mo'olelo:

I ka wā e noho Kahu ana 'o Rev. Kukahekahe no ka 'Ekalesia o Waipi'o, ua pi'i akula 'o ia e 'ike i ka Makua Laiana ma Waimea, a ua hiki aku 'o ia i ka wā pā'ina, a e like nō ho'i me ke 'ano mau o ia Makua aloha o ka 'āina mauna he pu'uwai hāmama, ua kono maila 'o ia i kona hoa Kahunapule e pā'ina pū me ia, a ua pā'ina ihola 'o Kukahekahe me ka 'ohana o Laiana, a i ka pau 'ana o ka pā'ina, ua hele akula 'o Kukahekahe i waho ma kahi a kānaka e inu waiū ana me ke pa'i'ai; a ma muli ho'i o ke kono a ia po'e a no ka 'ono nō ho'i i ka waiū a me ke pa'i'ai, ua 'ai hou ihola 'o Kukahekahe me ia po'e kānaka me kona mana'o nō paha 'a'ole e hō'ea koke aku ana 'o Laiana.

A iā ia e nanea ana i ke kama'ilio me nā kānaka a 'ai pū ho'i me lākou, ua ho'opū'iwa 'ia 'o ia i ke kū 'ana o Laiana ma hope ona, a ho'opuka a'ela i kēia mau 'ōlelo: "He moa kā, he moa kā 'o Kukahekahe he 'elua 'ōpū." Ua 'ano komo 'i'o ihola nō i loko o Kukahekahe ke 'ano hilahila no kēia kapa 'ia ona e Laiana i ka moa. A ua no'ono'o ihola ho'i 'o ia i kona mea e pa'i ai a pa'i me ka Makua Laiana.

A i ka hala 'ana o kekahi manawa, ua pi'i hou maila 'o ia e 'ike iā Laiana, a ua hiki ho'i 'o ia i kahi o Laiana ma mua o ka pā'ina awakea, a i ka hiki 'ana i ka wā 'ai, ua kono maila 'o Laiana iā Kukahekahe e pā'ina pū me ia a me kona 'ohana, a i ka noho 'ana ma ke pākaukau a pau ka pule ho'omaika'i a hā'awi 'ia maila kā Kukahekahe pā mea 'ai, 'a'ole 'o ia i 'āwīwī iho i ka 'ai, akā, ua ho'onakeke a'ela 'o ia i ka pahi a me ke 'ō i kona waha me ka 'ōlelo pū 'ana: "He lio kā! He lio kā!!"

I ka lohe 'ana o Laiana i kēia 'ōlelo a Kukahekahe, ua 'ōlelo maila 'o ia: "Na'aupō, na'aupō 'o Kukahekahe." Akā, ua ho'omau akula nō 'o Kukahekahe i ka ho'onakeke 'ana i ka pahi me ke 'ō, a me ka ho'opuka 'ana nō i kēlā mau hua'ōlelo: "Kā, he lio kā, he lio kā 'o Laiana."

Ua ho'opāha'oha'o 'ia 'o Laiana e kēia mau 'ōlelo a Kukahekahe a hiki i ka wā a Laiana i nīnau mai ai: "A lio lā, a pehea i lio ai?" "Ua 'ōlelo mai ka Palapala Hemolele, wahi a Kukahekahe i kama'ilio aku ai. Me nā hao waha, ho'okomo lākou i ka waha o nā lio."

"Kāhūhū, ua pololei 'o Kukahekahe, na'auao 'o Kukahekahe, na'aupō 'o Laiana."

A ua 'ōlelo 'ia, ua 'ai lima ihola 'o Laiana me ke 'ano hemahema, a ua pa'i ihola a pa'i lāua. He moa ho'i 'o Kukahekahe 'elua 'ōpū, a he lio ho'i 'o Laiana ma ka ho'ō 'ana i ke 'ō hao i loko o kona waha.

---

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.