Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.

Reference:
Ulukau.org
Hawaiian-English Dictionary

By Küpopou

Na Hana Hoohuihui

Synopsis: A 19th century article suggesting the creation of cooperatives, with an example of how it was done in England.

Aloha mai e nä makamaka heluhelu o Kauakükalahale, eia mai kahi mo'olelo nüpepa i pa'i 'ia ma ka nüpepa "Ka Oiaio" ma ka lä 24 o Mei i ka makahiki 1889. He küpono paha ke hana 'ia këia hana ho'ohuihui i këia manawa, a ke hana 'ia nei nö paha ma 'ö a ma 'ane'i o ka 'äina i këia manawa, 'oiai, ua pau ka nui o ka 'äina i ka lilo i ke kölea, a eia läkou ke ho'opukapuka nei, a ku'aku'ai nei i ka 'äina. Aloha nö!

Akä, 'o ka hana ho'ohuihui, he mea paha ia e ho'i mai ai ka 'äina a me nä mea like 'ole paha iä käkou Hawai'i. A e pau ai ho'i nä lä makapehu i'a 'ole.

A no laila, e ho'onanea i ka heluhelu i këia mo'olelo a'oa'o mai nä küpuna mai. Penei ka mo'olelo nüpepa i kapa 'ia 'o "Na Hana Hoohuihui":

He mau makahiki loihi ae nei i hala ko makou hoomaka ana e kakau a e paipai no keia ano hana iwaena o ka lahui Hawaii. Aole makou e olelo aku ana, he paionia makou ma ka noonoo ma i keia kumu hana; aka ua ike makou i ka hoike e pili ana i na hoao mua ia ana o keia ano hana ma Enelani, a kekahi poe he uuku loa ko lakou heluna. I ko makou hoomanao ana, ua hookumuia keia mea, he hoohuihui e kekahi mau kanaka eha ma Enelani. He poe ilihune lakou, a no keia kumu ko lakou mea i hoao nui ai e hoopau aku i ko lakou mau pilikia, a e hoomama mai i na luhi o ka imi ana i ke ola o ka ohana. Ua like loa iho la no keia me ke kulana o ka lahui Hawaii. Eia keia lahui ke komo aku nei, e like me ka pii ana mai o ka malamalama, a me ke komo ana mai o na lahui e i ko kakou aina nei, iloko o ka emi mau o ka lehulehu i ka ilihune. Nolaila e hoohalike kakou e like me keia poe.

He eha wale no lakou i hoomaka ai e hoala i ka hui, a elima dala pakahi ka lakou hookupu mua. Mai keia waihona lakou i hoomaka aku ai e kukulu i wahi hale kuai mea ai no lakou, me ko lakou hoopaa ana e kuai iloko oia hale, aole mawaho aku, a o ka poe no hoi i aloha, ua komo pu mai no e kokua. Pela iho la lakou i hoomaka liilii ai, a i hoonui ai i keia hui, ma ka haokomo ana mai i na hana hou, ke kuai bipi, a me na hana e ae, a me ka hookomo ana mai no hoi i na hoohui hou. Me keia iho la lakou i hoomaka liilii ai a hiki i ke ku ana o ko lakou mau hale kuai lole, hale kamaa, mea ai o kela me keia ano, kuai bipi, keena hooluana, rumi bilioki, na mea no a pau no ka lako kino a me ka lako ai, a me na mea a pau e hoonanea ai a e hoonaauao ai i ka noho [ua nalowale iho kekahi lälani o ka mo'olelo] me ka hana ole, i ka hua o ka lakou mea i hoomaka ai.

Ulukau.org
Hawaiian-English Dictionary

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

By Kūpopou

Na Hana Hoohuihui

Synopsis: A 19th century article suggesting the creation of cooperatives, with an example of how it was done in England.

Aloha mai e nā makamaka heluhelu o Kauakūkalahale, eia mai kahi mo'olelo nūpepa i pa'i 'ia ma ka nūpepa "Ka Oiaio" ma ka lā 24 o Mei i ka makahiki 1889. He kūpono paha ke hana 'ia kēia hana ho'ohuihui i kēia manawa, a ke hana 'ia nei nō paha ma 'ō a ma 'ane'i o ka 'āina i kēia manawa, 'oiai, ua pau ka nui o ka 'āina i ka lilo i ke kōlea, a eia lākou ke ho'opukapuka nei, a ku'aku'ai nei i ka 'āina. Aloha nō!

Akā, 'o ka hana ho'ohuihui, he mea paha ia e ho'i mai ai ka 'āina a me nā mea like 'ole paha iā kākou Hawai'i. A e pau ai ho'i nā lā makapehu i'a 'ole.

A no laila, e ho'onanea i ka heluhelu i kēia mo'olelo a'oa'o mai nā kūpuna mai. Penei ka mo'olelo nūpepa i kapa 'ia 'o "Na Hana Hoohuihui":

He eha wale no lakou i hoomaka ai e hoala i ka hui, a elima dala pakahi ka lakou hookupu mua. Mai keia waihona lakou i hoomaka aku ai e kukulu i wahi hale kuai mea ai no lakou, me ko lakou hoopaa ana e kuai iloko oia hale, aole mawaho aku, a o ka poe no hoi i aloha, ua komo pu mai no e kokua. Pela iho la lakou i hoomaka liilii ai, a i hoonui ai i keia hui, ma ka haokomo ana mai i na hana hou, ke kuai bipi, a me na hana e ae, a me ka hookomo ana mai no hoi i na hoohui hou. Me keia iho la lakou i hoomaka liilii ai a hiki i ke ku ana o ko lakou mau hale kuai lole, hale kamaa, mea ai o kela me keia ano, kuai bipi, keena hooluana, rumi bilioki, na mea no a pau no ka lako kino a me ka lako ai, a me na mea a pau e hoonanea ai a e hoonaauao ai i ka noho [ua nalowale iho kekahi lālani o ka mo'olelo] me ka hana ole, i ka hua o ka lakou mea i hoomaka ai.

Ulukau.org
Hawaiian-English Dictionary

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.