---

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here. Reference: Ulukau.org Hawaiian-English Dictionary

Küpopou

Ke Kekelë
Laeo‘o

Synopsis: Applications are being accepted for the two new Master of Arts programs at the University of Hawai'i at Mänoa.

'Auhea 'oukou e nä hoa, e 'eleu aku i ke ke'ena kula loea o ke Kulanui o Hawai'i ma Mänoa, a ma ka 'ao'ao pünaewele paha o ia ke'ena, e ho'opihapiha ai i ka palapala noi komo. Inä he nïnau paha no ka polokalamu laeo'o o ka Hälau 'Ölelo Hawai'i, e kelepona iä 'Ioli'i Hawkins ma ka helu, 956-6419. A inä he nïnau no ka polokalamu laeo'o o ka Hälau 'Ike Hawai'i, e kähea iä Kanalu Young ma ka helu, 973-0989.

---

He wahi Mooolelo

Synopsis: A story about the name origins of 'Ölelomoana and Kolo in Hönaunau, Kona, Hawai'i.

O kekahi mau elemakule elua, a elua hoi mau kanaka ui, he lawaia ka laua hana nui. Noho ua mau elemakule nei iuka, holo hoi na kanaka i kai i ka lawaia, i ko laua lawaia ana, ua ohi no laua i ka nele, no ka pau o na makau a laua i ka lilo aku, no ka mokumoku o na aho.

I aku la kekahi i kona hoa, e hoi kaua, no ka mea, aole a kaua makau e holo ai ka hana, ae mai la ka lua, ae e hoi kaua a na elemakule iuka, e pepehi kaua i loaa ka kaua mau makau o na iwi o laua, no ka mea, i kuu nana aku i ka uli o ua mau elemakule la, ua holo ko'u manao ina e make laua, he mau iwi paa ko laua ina e hana ia i makau, a hoi aku la laua.

Iloko o keia mau olelo ohumu a ua mau lawaia nei, ua hiki aku la ka lono i na pepeiao o ua mau elemakule la, me he mea la, he kai hawanawana kolaila iuka, i lohe ai laua i kela ohumu; pela io no ka ia manawa. I aku la kekahi elemakule i kona hoa; kupanaha na lawaia e kuko nei ia kaua e pepehi a make! alaila, e lawe i na iwi o kaua i mau makau na laua, no ka mea, ua pau na makau a laua i ka mokumoku. I mai la hoi ka lua, e haalele kaua i keia wahi, e kolo kaua ma kahi e ae, o loaa auanei kaua i anei ke pae mai. Nolaila, hele kolo aku la laua a ma kahi kaawale aku.

Kapa iho la hoi laua i kahi a laua i noho mua ai o Olelomoana, mamuli o ka olelo ohumu a na lawaia i ka moana, kapa iho la hoi laua i kahi a laua e noho ana o Kolo, mamuli o ko laua kolo hele ana a hiki ilaila. Nolaila, o Olelomoana a me Kolo, he mau aina ia aia ma Kona Hawaii e pili ana i Kapalilua, a o ko laua mau inoa no ia i keia wa mamuli o ke kapa mua ana a ua mau elemakule la.

---

[He wahi ho'omaopopo aku këia iä 'oukou e nä makamaka heluhelu no kahi 'ölelo a Liholiho, i pa'i hewa 'ia i këlä Läpule aku nei a i ia Läpule aku. 'O ka 'ölelo pololei, ka 'ölelo ho'i i pa'i 'ia ma ka puke 'Ölelo No'eau na Mary Kawena Pukui, 'o ia ho'i këia, 'o "Na wai ho'i ka 'ole o ke akamai, he alanui i ma'a i ka hele 'ia e o'u mau mäkua?"] LH

---

Ulukau.org
Hawaiian-English Dictionary

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ke Kekelē
Laeo‘o

'Auhea 'oukou e nā hoa, e 'eleu aku i ke ke'ena kula loea o ke Kulanui o Hawai'i ma Mānoa, a ma ka 'ao'ao pūnaewele paha o ia ke'ena, e ho'opihapiha ai i ka palapala noi komo. Inā he nīnau paha no ka polokalamu laeo'o o ka Hālau 'Ōlelo Hawai'i, e kelepona iā 'Ioli'i Hawkins ma ka helu, 956-6419. A inā he nīnau no ka polokalamu laeo'o o ka Hālau 'Ike Hawai'i, e kāhea iā Kanalu Young ma ka helu, 973-0989.

---

He wahi Mooolelo

O kekahi mau elemakule elua, a elua hoi mau kanaka ui, he lawaia ka laua hana nui. Noho ua mau elemakule nei iuka, holo hoi na kanaka i kai i ka lawaia, i ko laua lawaia ana, ua ohi no laua i ka nele, no ka pau o na makau a laua i ka lilo aku, no ka mokumoku o na aho.

I aku la kekahi i kona hoa, e hoi kaua, no ka mea, aole a kaua makau e holo ai ka hana, ae mai la ka lua, ae e hoi kaua a na elemakule iuka, e pepehi kaua i loaa ka kaua mau makau o na iwi o laua, no ka mea, i kuu nana aku i ka uli o ua mau elemakule la, ua holo ko'u manao ina e make laua, he mau iwi paa ko laua ina e hana ia i makau, a hoi aku la laua.

Iloko o keia mau olelo ohumu a ua mau lawaia nei, ua hiki aku la ka lono i na pepeiao o ua mau elemakule la, me he mea la, he kai hawanawana kolaila iuka, i lohe ai laua i kela ohumu; pela io no ka ia manawa. I aku la kekahi elemakule i kona hoa; kupanaha na lawaia e kuko nei ia kaua e pepehi a make! alaila, e lawe i na iwi o kaua i mau makau na laua, no ka mea, ua pau na makau a laua i ka mokumoku. I mai la hoi ka lua, e haalele kaua i keia wahi, e kolo kaua ma kahi e ae, o loaa auanei kaua i anei ke pae mai. Nolaila, hele kolo aku la laua a ma kahi kaawale aku.

Kapa iho la hoi laua i kahi a laua i noho mua ai o Olelomoana, mamuli o ka olelo ohumu a na lawaia i ka moana, kapa iho la hoi laua i kahi a laua e noho ana o Kolo, mamuli o ko laua kolo hele ana a hiki ilaila. Nolaila, o Olelomoana a me Kolo, he mau aina ia aia ma Kona Hawaii e pili ana i Kapalilua, a o ko laua mau inoa no ia i keia wa mamuli o ke kapa mua ana a ua mau elemakule la.

---

---

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.