Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.

Reference:
Ulukau.org
Hawaiian-English Dictionary

By Küpopou

No Alealea
ke Koa Kaulana

Synopsis: Continuation of last week's story.

(Ho'omau 'ia)

Ua ae mai la kela poe me ke ano kanalua nae, ua hele aku la lakou nei a hiki ma kuauna o kekahi lo'i kalo o Hamohamo ka inoa.

Pane aku la keia i kona poe, eia ka ai, a e uhuki, o ka pau o ka ai, oia ko kakou mea e hoi ai.

Aka, ua maka'u loa ia kela poe, mahope pau i ka make; aka, mamuli o ka ia nei olelo, ua hooko ia kona makemake.

I na kanaka nae e uhuki ana i ka ai, ua hiki mai la na konohiki aina a i mai la ia lakou nei e hoi, oiai na ke alii ia ai, a he poe pa-io (aihue) oukou.

Oia ka wa o ua Alealea nei i pane aku ai, o hoi a hai aku i ke alii na ko pokii no e uhuki la ka ai, pela oe e olelo aku ai i kuu haku kaikuaana.

I ka lohe ana o keia konohiki i keia mau olelo a Alealea, ua piha loa ia oia i ka inaina, a holo koke aku la e hoike i ke alii, i kela mau olelo a Alealea iaia.

I ka lohe ana o Kamehameha i keia mau huaolelo, ua pii ae la kona inaina, a kena koke ia aku la ua konohiki nei e kii, a ua hiki mai o Alealea imua o ke alii.

Oia ka wa o ke alii i ninau koke aku ai iaia: Ea, he oiaio no kau i olelo mai nei, he pokii oe no'u, a he haku au nou; e hoike mai oe i kahi i pili ai, a ina aole e pili, make oe ia'u.

Ia wa pane koke aku la keia: o ko'u pili, a lilo ai hoi au i pokii nou, oia keia.

I ke kaua i Nuuanu, o wau kekahi o kou mau koa, a ia kaua ko wa i lawe ai ia'u i pokii nou, penei:

"Imua e o'u pokii, a inu i ka wai awaawa." A oia ko'u pili la ia oe, e hiki ole ai ia oe ke hoole mai?

I ka lohe ana o Kamehameha i keia mau huaolelo, oia kona wa i pane koke mai ai: He oiaio he pokii i'o oe no'u.

Ho‘okani Mänoa

Synopsis: The last Ho'okani Mänoa concert of the semester on the evening of April 29.

'Auhea 'oukou e nä hoa puni mele Hawai'i, eia a'e ka 'ahamele Ho'okani Mänoa hope loa o ke kau ke naue maila. Ma ka lä 29 ana ia o 'Apelila. A e ho'omaka ana i ka hola 4:30 o ke ahiahi a hä'awi aloha i ka hola 10:00. A he nui nö nä pu'ukani e hoehoene ana i ia pö le'a.

I ka hola 4:30, e lohe 'ia ana nä leo nani o nä haumäna o ka papa 'ölelo Hawai'i 284.

I ka hola 5:00, e kani le'a ai ka leo o Weldon Kekauoha. A ma hope mai. Na Kana'e, 'o ia ho'i, 'o Hökü Zuttermeister a me Ioane Burns, e honehone mai ana. Ma hope mai ka wa-hine leo nahenahe kaula-na, 'o Kainani Kahaunaele a me Kauha'a, kekahi o nä hui hïmeni maika'i. A 'o Lopaka Kaumakaiwa Kanaka'ole mai ma hope, ka mea nona ka leo nahenahe e lohe 'ia akula a puni këia pae 'äina. A 'o ka hui pu'ukani hope näna e ho'älohaloha, 'o ia 'o Keawe Lopes a me nä hoa aloha ona.

He manuahi nö ho'i këia 'aha mele, a no laila, e naue aku i laila ma ka lä 29 o 'Apelila.

Ulukau.org
Hawaiian-English Dictionary

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

By Kūpopou