---

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here. Reference: Ulukau.org Hawaiian-English Dictionary

By Küpopou

No Alealea
ke Koa
Kaulana

Synopsis: A story about a famous warrior of Kamehameha who uses Kamehameha's words to his benefit.

Aloha mai käkou e nä hoa makamaka o këia kolamu 'ölelo Hawai'i nei, o Kauakükalahale. Eia mai kahi mo'olelo no kekahi koa o Kamehameha i hele a kaulana ma muli o kona akamai. No loko mai këia mo'olelo o ka nüpepa "Ka Leo O Ka Lahui" a ua lana ka mana'o, e nanea 'oukou i ka heluhelu 'ana a 'ike i ka ma'alea o ua koa nei i kapa 'ia 'o Alealea. Penei ka mo'olelo.

O keia Alealea, oia kekahi o na koa i ke kaua a ka Nai Aina Kamehameha I., i Nuuanu, a iloko oia kaua, ua pane aku ua Liona hae la o ka Moana Pakipika nei, ka Napoliona hoi o Hawaii Kuauli.

"Imua e o'u pokii, a inu i ka wai awaawa, aole hoi e hoi hope kekahi, ina o ka mea o oukou e kuemi ana, alaila, e mahele aku no au iaia iloko o na apana elua."

O keia mau huaolelo a ua na'i aina nei, ua lilo ia i mea nana e hooni i ka puuwai o na koa, a e hoike ana ia lakou, he mau hi'a pa'i ole no na mea kaua.

He oiaio, ua hooikaika na koa, a hiki i ka loaa ana o ka lanakila i ua Na'i Aina nei, ka mea nana i hoohui i keia mau Pae Moku. Ua huli hoi aku la ua Na'i Aina nei no Helumoa, ma Waikiki, a he kulanahale ia no ua Kamehameha nei.

Malaila oia i noho ai no kekahi mau la loihi, e hoohala manawa ai, oiai ua hauoli oia no ka loaa mau o ka lanakila ma kona aoao, aole hoi ona wa e pio ai.

Nolaila, e nana ae hoi kakou e na hoaloha i ka hana a Alealea ke koa. I kekahi la, iloko o Kukahi, ua kono aku la ua koa nei i kona ohana e hele pu me ia, e hookai-ai (uhuki ai,) ua pane mai la kekahi, ihea aku auanei kakou e hele ai, oiai, eia no ka [?kakou mau?] wahi lo'i ai la ke waiho mai nei?

Aka ua pane koke aku la ua Alealea la, hele mai oukou me a'u, oiai, ua mahiai ia e o'u poe kahu a ua nui ka ai, he kii wale aku no.

('a'ole i pau)

He Mau ‘Aha Mele Hawai‘i

Synopsis: Two wonderful Hawaiian music concerts this week at the University of Hawai'i at Mänoa, Hali'a Hawai'i and Ho'okani Mänoa.

Aloha mai e nä hoa puni mele Hawai'i. Pömaika'i maoli käkou, he 'elua 'aha mele Hawai'i o këia pule nei, a he manuahi nö ia mau 'aha mele. 'O ka mua, aia ma ka Pö'ahä, ka lä 14 o 'Apelila ma Kamakaküokalani. 'O Hali'a Hawai'i ka 'aha mele, a na nä hoahänau Cazimero e ho'ohenoheno mai i ia ahiahi. Ho'omaka i ka hola 7:00 o ke ahiahi.

A 'o ka lua o ka 'aha mele, ma ka Pö'alima ia, ka lä 15 ho'i o këia mahina nei ma Mänoa Gardens. A ua kapa 'ia ua 'aha mele nei 'o Ho'okani Mänoa, a 'o Holunape ka pu'ukani. Ho'omaka i ka hola 7:00 o ke ahiahi.

---

Ulukau.org
Hawaiian-English Dictionary

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

No Alealea
ke Koa
Kaulana

Aloha mai kākou e nā hoa makamaka o kēia kolamu 'ōlelo Hawai'i nei, o Kauakūkalahale. Eia mai kahi mo'olelo no kekahi koa o Kamehameha i hele a kaulana ma muli o kona akamai. No loko mai kēia mo'olelo o ka nūpepa "Ka Leo O Ka Lahui" a ua lana ka mana'o, e nanea 'oukou i ka heluhelu 'ana a 'ike i ka ma'alea o ua koa nei i kapa 'ia 'o Alealea. Penei ka mo'olelo.

O keia Alealea, oia kekahi o na koa i ke kaua a ka Nai Aina Kamehameha I., i Nuuanu, a iloko oia kaua, ua pane aku ua Liona hae la o ka Moana Pakipika nei, ka Napoliona hoi o Hawaii Kuauli.

"Imua e o'u pokii, a inu i ka wai awaawa, aole hoi e hoi hope kekahi, ina o ka mea o oukou e kuemi ana, alaila, e mahele aku no au iaia iloko o na apana elua."

O keia mau huaolelo a ua na'i aina nei, ua lilo ia i mea nana e hooni i ka puuwai o na koa, a e hoike ana ia lakou, he mau hi'a pa'i ole no na mea kaua.

He oiaio, ua hooikaika na koa, a hiki i ka loaa ana o ka lanakila i ua Na'i Aina nei, ka mea nana i hoohui i keia mau Pae Moku. Ua huli hoi aku la ua Na'i Aina nei no Helumoa, ma Waikiki, a he kulanahale ia no ua Kamehameha nei.

Malaila oia i noho ai no kekahi mau la loihi, e hoohala manawa ai, oiai ua hauoli oia no ka loaa mau o ka lanakila ma kona aoao, aole hoi ona wa e pio ai.

Nolaila, e nana ae hoi kakou e na hoaloha i ka hana a Alealea ke koa. I kekahi la, iloko o Kukahi, ua kono aku la ua koa nei i kona ohana e hele pu me ia, e hookai-ai (uhuki ai,) ua pane mai la kekahi, ihea aku auanei kakou e hele ai, oiai, eia no ka [?kakou mau?] wahi lo'i ai la ke waiho mai nei?

Aka ua pane koke aku la ua Alealea la, hele mai oukou me a'u, oiai, ua mahiai ia e o'u poe kahu a ua nui ka ai, he kii wale aku no.

('a'ole i pau)

He Mau ‘Aha Mele Hawai‘i

Aloha mai e nā hoa puni mele Hawai'i. Pōmaika'i maoli kākou, he 'elua 'aha mele Hawai'i o kēia pule nei, a he manuahi nō ia mau 'aha mele. 'O ka mua, aia ma ka Pō'ahā, ka lā 14 o 'Apelila ma Kamakakūokalani. 'O Hali'a Hawai'i ka 'aha mele, a na nā hoahānau Cazimero e ho'ohenoheno mai i ia ahiahi. Ho'omaka i ka hola 7:00 o ke ahiahi.

A 'o ka lua o ka 'aha mele, ma ka Pō'alima ia, ka lā 15 ho'i o kēia mahina nei ma Mānoa Gardens. A ua kapa 'ia ua 'aha mele nei 'o Ho'okani Mānoa, a 'o Holunape ka pu'ukani. Ho'omaka i ka hola 7:00 o ke ahiahi.

---

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.