Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.

Reference:
Ulukau.org
Hawaiian-English Dictionary

By Küpopou

Na Olelo Noeau

Synopsis: 'Ölelo no'eau from Kuokoa, Nov. 1, 1923.

O ka huaolelo noeau, he huaolelo haiano ia i ka manao o ka mea nana i kamailio, i maopopo ole nae i ka lehulehu i lohe ia olelo.

O ka moolelo e pili ana ia mau huaolelo i hoopukaia ka mea nana e hoike ae i ka hohonu ame ke kuliu o ia mau huaolelo, a pela paha i kapaia ai ia mau olelo he noeau.

Elike no hoi me ka huaolelo loea iwaena o na wahine kuku-kapa ua ike au i kau e ke Kuo-koa i hoaka ae nei, aka he hana hiki ole i ke eke kulina ke ka'i-ka'i ia a hoonee aku mai ka ha-le papaa o ka mea nana i hoa- hu, a i ole ia, e luhelelei aku paha iwaho o kahua, oiai he nui na kinana nana e kikokiko.

I ka wa hoolu'e pololei aku no ka egg a ka waha o kahala; aole nae he hewa o ka hoikeike iki aku i kekahi wahi lihi o Kaukaopua i ke ololo, a nau hoi ia e hoowawa aku i ka pihe a ka manu, he lai-e.

Na Olelo i ku i ka Noeau

He kini Kailua, he mano Kaneohe. He mau huaolelo keia i hoopukaia e kekahi wahine o Kawaihoolana ka inoa, a o ka manao o keia mau huaolelo, e nui ka poe make o keia mau aina elua, i moepuu no kana moopuna, i pepehiia e ka mea naau aloha ole, ana i ike ole ai, owai la ka mea nana i pepehi.

Aia keia mau huaolelo iloko o ka pule a ke kahuna i kapaia he kahuna anaana, a he moolelo ku i ke aloha ko keia mau hopunaolelo.

Ku-kai ka ila o Puapuakea, ua hooku'i ke koko i ka poho o kuu lima. He olelo keia na Puapuakea ke kaulana aina o ke alii, o Hawaii i ka wa i hooku-ku ai o na ikaika me Makakui-kalani, ke kaulana aina o ke alii o Maui. I ka wa i pa ai o Makaku i ka hauna laau a Puapuakea a hina ilalo, ia wa i kahea mai ai kana kumu a'o kakalaau, "e Puapuakea ke koa, okaa laau o Pukani, hoonee hou ia iho, i hookahi hauna i koe, ma ka hoapaio."

I ka lohe ana o Puapuakea i keia huaolelo ke-na a ke ku-mu, ia wa i uwehe ae ai o Puapuakea i kona mau wawae, a hoomohala ae la i kona mau peahilima me ka nana kaholo ana iho a kona mau maka, a hoopuka mai la i kana huaolelo noeau. "Ua make, aohe e ola, eia ka ila ke kuka'i nei i ka poho o kuu lima."

Pau au lehua i ka manu. He mau olelo noeau keia na Ka-weloleimakua iloko o kana pa-ha, (hoolalelale a hoeueu hoi) a o ka manao na koa o ka pu-kaua o Kama e i ka lukuia e kona pokii Kamalama, na koa hoi o Aikanaka, ame kona kaulana aina Kauahoa; e hoike ana hoi ia mau olelo i ka nui o ka ikaika o kona pokii, ke koa hookahi wale no ma ko laua aoao, a e ikeia keia mau olelo iloko o ka paha a Kawelo, penei:

"Pau a'u lehua i ka manu,
Pau a'u lehua i ka manu,
Ke aina mai la na ko-ki wailehua a ka manu,
Kalohe u-a kamalii nei,
Ke lehulehu nei ke one,
O e-a Kamalama,
O oe ke ko-i, owau ka helu ai."

Ke ike nei kakou i ka manao hohonu o na olelo noeau a keia poe o ke au kahiko.

E alu ka pule ia Hakalau. O ka mea nana neia mau huaole-lo iloko o kana pule, o Kaula-kukui, (w), he kaikuaana no Kawaihoolana (w) o Kaneohe, o ka manao o ia mau olelo, e hoohui ka pule mana a kela kahuna, ame keia kahuna a kahi hookahi, nui ka pule, nui ka mana a nui pu me ka make o ke kanaka. Elike no hoi me ka hana i puka ai ke kini Kailua, a pela no keia. Ua lawa paha keia i ai na ka pelehu, a kupu ae ka hulu puaa, alaila ua aha la hoi? Kuailo ia!

Mr. L. H., me ou mau lima luhi,

S. K. K., Liko Lehua o Pauoa.

Ulukau.org
Hawaiian-English Dictionary

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

By Kūpopou