Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.

Reference:
Ulukau.org
Hawaiian-English Dictionary

By Küpopou

Ho‘okani Mänoa

Synopsis: Ho'okani Mänoa, a free Hawaiian concert series at the University of Hawai'i at Mänoa, will continue in the spring semester.

Aloha mai e nä hoa makamaka mai ka lä puka a ka lä kau, me nä hoa puni mele Hawai'i o nei pae 'äina, aloha. Ua hiki mai nei ka mahina 'o Këkëmapa, a 'o ka hopena o ke kau kula nui, a pëlä pü me ka Ho'okani Mänoa hope loa o ke kau. A ke mahalo aku nei ko 'oukou mea käkau i nä pu'ukani a pau i ho'oheno mai i nä mele kahiko o ke au i hala, he nani maoli nö. A mahalo ho'i i nä makamaka i hiki mai i ka 'ahamele no ka ho'onanea 'ana a me ka hula 'ana o kekahi, ua 'olu maoli nö ke kino i ka hula. Aloha nö ia mau 'aha mele.

Akä, mai kaumaha ka na'au, 'oiai, e mälama hou 'ia ana 'o Ho'okani Mänoa i këia kau a'e, ma ke kau kupulau, ma nä lä like, 'o ia ho'i, ma ka Pö'alima mua o ka mahina, a me ka Pö'alima 'ekolu. A ma ka mahina 'o 'Apelila, he 'ekolu Ho'okani Mänoa, ma nä Pö'alima ma'a mau, a me ka Pö'alima 'elima o ia mahina, ka lä 29 ho'i, 'oiai, 'a'ohe Ho'okani Mänoa o ka mahina 'o Mei. Akä ma ia Pö'alima hope o 'Apelila, he 5 ana hui hïmeni, a e hïmeni ana mai ka hola 5:00 o ke ahiahi a i ka hola 10:00.

'O kekahi mau hui e hïmeni ana ma Ho'okani Mänoa i këia kau a'e, 'o ia 'o Nä Hoa, a me Bernard Kalua. He mau kähuli leo le'a hou aku, 'a'ole na'e i pa'a i këia manawa.

Ke lana nei ka mana'o, e nui a lehulehu ka po'e mäka'ika'i ma Ho'okani Mänoa i këia kau a'e. E mähuahua nä haumäna, a pëlä pü me nä kupa o Mänoa, a me ia kaiäulu aku, ia kaiäulu aku. A no laila, e nä makamaka e ho'omaopopo aku i kou 'ohana a me kou mau hoaaloha i këia 'ahamele.

Mahalo nui iä Carl Furutani a me nä haumäna o ka Activities Council o ke Kula nui o Hawai'i ma Mänoa no ko läkou käko'o nui 'ana, 'a'ole o kana mai, a me ka hana pü 'ana me ka Hälau 'Ölelo Hawai'i ma ka mälama 'ana i këia 'aha mele.

A 'o kahi mea hope loa, ma Hemenway Court e mälama 'ia ai 'o Ho'okani Mänoa, a mai hopohopo, inä he ua loku ko ke ahiahi o Ho'okani Mänoa, 'a'ole e käpae 'ia ana, e mälama 'ia ana nö ma loko o ka lumi ki'i 'oni'oni 'o Hemenway. Ho'omaka ua Ho'okani 'Ahamele nei i ka hola 7:00 o ke ahiahi a pau i ka hola 9:30.

Nühou Küloko

Synopsis: Budget concerns for schools.

E pilikia auane'i paha nä kula aupuni i ka mo'ohelu kälä 'elua makahiki, i häpai 'ia a'e nei e ke kia'äina Linda Lingle. Wahi a Patricia Hamamoto, ke kahu kula nui, e 'oki 'ia paha he 163 külana kumu ho'ona'auao küikawä, a he 76 külana hana i külike me ia i päku'i 'ia i ka mo'ohelu kälä o ke ke'ena ho'ona'auao i mea e kü ai ka hana i ka mea i kauoha 'ia e ka lunakänäwai no ka po'e keiki kïnä. 'O ka huina o nä külana kumu e 'oki 'ia he 239.

Ulukau.org
Hawaiian-English Dictionary

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

By Kūpopou

Ho‘okani Mānoa

Synopsis: Ho'okani Mānoa, a free Hawaiian concert series at the University of Hawai'i at Mānoa, will continue in the spring semester.

Aloha mai e nā hoa makamaka mai ka lā puka a ka lā kau, me nā hoa puni mele Hawai'i o nei pae 'āina, aloha. Ua hiki mai nei ka mahina 'o Kēkēmapa, a 'o ka hopena o ke kau kula nui, a pēlā pū me ka Ho'okani Mānoa hope loa o ke kau. A ke mahalo aku nei ko 'oukou mea kākau i nā pu'ukani a pau i ho'oheno mai i nā mele kahiko o ke au i hala, he nani maoli nō. A mahalo ho'i i nā makamaka i hiki mai i ka 'ahamele no ka ho'onanea 'ana a me ka hula 'ana o kekahi, ua 'olu maoli nō ke kino i ka hula. Aloha nō ia mau 'aha mele.

Akā, mai kaumaha ka na'au, 'oiai, e mālama hou 'ia ana 'o Ho'okani Mānoa i kēia kau a'e, ma ke kau kupulau, ma nā lā like, 'o ia ho'i, ma ka Pō'alima mua o ka mahina, a me ka Pō'alima 'ekolu. A ma ka mahina 'o 'Apelila, he 'ekolu Ho'okani Mānoa, ma nā Pō'alima ma'a mau, a me ka Pō'alima 'elima o ia mahina, ka lā 29 ho'i, 'oiai, 'a'ohe Ho'okani Mānoa o ka mahina 'o Mei. Akā ma ia Pō'alima hope o 'Apelila, he 5 ana hui hīmeni, a e hīmeni ana mai ka hola 5:00 o ke ahiahi a i ka hola 10:00.

'O kekahi mau hui e hīmeni ana ma Ho'okani Mānoa i kēia kau a'e, 'o ia 'o Nā Hoa, a me Bernard Kalua. He mau kāhuli leo le'a hou aku, 'a'ole na'e i pa'a i kēia manawa.

Ke lana nei ka mana'o, e nui a lehulehu ka po'e māka'ika'i ma Ho'okani Mānoa i kēia kau a'e. E māhuahua nā haumāna, a pēlā pū me nā kupa o Mānoa, a me ia kaiāulu aku, ia kaiāulu aku. A no laila, e nā makamaka e ho'omaopopo aku i kou 'ohana a me kou mau hoaaloha i kēia 'ahamele.

Mahalo nui iā Carl Furutani a me nā haumāna o ka Activities Council o ke Kula nui o Hawai'i ma Mānoa no ko lākou kāko'o nui 'ana, 'a'ole o kana mai, a me ka hana pū 'ana me ka Hālau 'Ōlelo Hawai'i ma ka mālama 'ana i kēia 'aha mele.

A 'o kahi mea hope loa, ma Hemenway Court e mālama 'ia ai 'o Ho'okani Mānoa, a mai hopohopo, inā he ua loku ko ke ahiahi o Ho'okani Mānoa, 'a'ole e kāpae 'ia ana, e mālama 'ia ana nō ma loko o ka lumi ki'i 'oni'oni 'o Hemenway. Ho'omaka ua Ho'okani 'Ahamele nei i ka hola 7:00 o ke ahiahi a pau i ka hola 9:30.

Nūhou Kūloko

Synopsis: Budget concerns for schools.

E pilikia auane'i paha nā kula aupuni i ka mo'ohelu kālā 'elua makahiki, i hāpai 'ia a'e nei e ke kia'āina Linda Lingle. Wahi a Patricia Hamamoto, ke kahu kula nui, e 'oki 'ia paha he 163 kūlana kumu ho'ona'auao kūikawā, a he 76 kūlana hana i kūlike me ia i pāku'i 'ia i ka mo'ohelu kālā o ke ke'ena ho'ona'auao i mea e kū ai ka hana i ka mea i kauoha 'ia e ka lunakānāwai no ka po'e keiki kīnā. 'O ka huina o nā kūlana kumu e 'oki 'ia he 239.

Ulukau.org
Hawaiian-English Dictionary

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.