---

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here. Reference: Ulukau.org Hawaiian-English Dictionary

By Küpopou

Ho‘okani Mänoa

---

Synopsis: The last Ho'okani Mänoa is this Friday. Two groups are performing, Kawika Trask and Noelani Mahoe and the Leo Nahenahe Singers. It begins at 5 p.m. and ends at 9:30 p.m.

---

'Auhea 'oe e ka makamaka puni mele Hawai'i, e naue aku i ke Kula nui o Hawai'i ma Mänoa i këia Pö'alima e hiki mai ana, ka lä 3 o Këkëmapa, no ka ho'olohe 'ana i kekahi mau kähuli leo le'a o ka nahele. 'O Ho'okani Mänoa, ua hiki hou mai. A e pömaika'i ana ka po'e mäka'ika'i o ia ahiahi, 'oiai, he 'elua mau hui hïmeni, 'o ka pu'ukani mua, 'o ia nö 'o Kawika Trask. He pu'ukani 'o ia i hele a kaulana a puni këia pae 'äina nei, a ua kapa 'ia 'o ia ka manu mele leo nahenahe ia o ka 'Ilikai. Ua mäkaukau 'o 'Anakala Kawika e ho'okani mai ma ka lä mua o 'Okakopa ma Ho'okani Mänoa, ma muli na'e o ka ua loku i ia ahiahi, ua käpae 'ia. A no laila, inä he ua ko ka lä 3 o Këkëmapa, e mälama 'ia ana nö 'o Ho'okani Mänoa, ma loko ana na'e ia o ka lumi ki'i 'oni'oni 'o Hemenway.

Ke kani aku ka hola 7:00, na Noelani Mahoe a me Nä Leo Nahenahe Singers e hiu ana ma ke kahua, a e honehone ana ko läkou leo. A e lohe 'ia ana nä mele Kalikimaka, 'oiai, e hiki koke mai ana ka lä Kalikimaka, a ua hana 'o Noelani Mahoe a me Nä Leo Nahenahe Singers i ke pä leo i piha i nä mele Kalikimaka i ko läkou wä u'i, a ma hope mai o kekahi mau makahiki helu wale, 'o ia mau ka u'i o nei mau wähine, a 'o ia mau nö ka nahenahe o ka leo.

A no laila, e naue aku i Ho'okani Mänoa i këia Pö- 'alima, i ka hola 5:00 o ke ahiahi no ka ho'onanea 'ana i nä mele Hawai'i o ke au i hala. He manuahi këia 'ahamele Hawai'i.

A mai noho a poina, e mälama 'ia ana 'o Ho'okani Mänoa i këia kau a'e, ma ka Pö'alima mua a me ka Pö- 'alima 'ekolu o ka mahina.

---

BACK TO TOP
|

E Ike ia Kaua Hoa Kanaka,
o Kipa Hewa ke Aloha i ka Ilio

Synopsis: Continuation of the story about Kalaninuiiamamao printed in Ka Leo O Ka Lahui on June 16, 1891.

(Ho'omau 'ia)

A akahi no a maopopo ae la i na poe a pau, he alii nui ka kela e paa mai la iloko o ka heiau, ei no la o ke ku mau o ka punohu; a oia no hoi ka wa i puka ae ai o keia mau huaolelo e kau ae la maluna mai ua alii nei aku, i ka pane ana aku penei:

"E ike ia kaua hoa kanaka, o kipa hewa auanei ke aloha i ka ilio, a hilihewa auanei ke aloha ia Kaunuohua, he puu ia, he kanaka hoi keia, a oia ka'u huakai la i hiki mai la, no ke aloha, ina hoi au e make ia oe ua hiki no."

I ka lohe ana o Kalaniopuu i keia, ua ae koke aku la oia e hookuu ia ke pio, me he ala, aole ia he pio. Ua hookipa ia keia me ka maikai a hiki i kona hoi hou ana no Maui.

---

Ulukau.org
Hawaiian-English Dictionary

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ho‘okani Mānoa

'Auhea 'oe e ka makamaka puni mele Hawai'i, e naue aku i ke Kula nui o Hawai'i ma Mānoa i kēia Pō'alima e hiki mai ana, ka lā 3 o Kēkēmapa, no ka ho'olohe 'ana i kekahi mau kāhuli leo le'a o ka nahele. 'O Ho'okani Mānoa, ua hiki hou mai. A e pōmaika'i ana ka po'e māka'ika'i o ia ahiahi, 'oiai, he 'elua mau hui hīmeni, 'o ka pu'ukani mua, 'o ia nō 'o Kawika Trask. He pu'ukani 'o ia i hele a kaulana a puni kēia pae 'āina nei, a ua kapa 'ia 'o ia ka manu mele leo nahenahe ia o ka 'Ilikai. Ua mākaukau 'o 'Anakala Kawika e ho'okani mai ma ka lā mua o 'Okakopa ma Ho'okani Mānoa, ma muli na'e o ka ua loku i ia ahiahi, ua kāpae 'ia. A no laila, inā he ua ko ka lā 3 o Kēkēmapa, e mālama 'ia ana nō 'o Ho'okani Mānoa, ma loko ana na'e ia o ka lumi ki'i 'oni'oni 'o Hemenway.

Ke kani aku ka hola 7:00, na Noelani Mahoe a me Nā Leo Nahenahe Singers e hiu ana ma ke kahua, a e honehone ana ko lākou leo. A e lohe 'ia ana nā mele Kalikimaka, 'oiai, e hiki koke mai ana ka lā Kalikimaka, a ua hana 'o Noelani Mahoe a me Nā Leo Nahenahe Singers i ke pā leo i piha i nā mele Kalikimaka i ko lākou wā u'i, a ma hope mai o kekahi mau makahiki helu wale, 'o ia mau ka u'i o nei mau wāhine, a 'o ia mau nō ka nahenahe o ka leo.

A no laila, e naue aku i Ho'okani Mānoa i kēia Pō- 'alima, i ka hola 5:00 o ke ahiahi no ka ho'onanea 'ana i nā mele Hawai'i o ke au i hala. He manuahi kēia 'ahamele Hawai'i.

A mai noho a poina, e mālama 'ia ana 'o Ho'okani Mānoa i kēia kau a'e, ma ka Pō'alima mua a me ka Pō- 'alima 'ekolu o ka mahina.

---

BACK TO TOP
|

E Ike ia Kaua Hoa Kanaka,
o Kipa Hewa ke Aloha i ka Ilio

(Ho'omau 'ia)

A akahi no a maopopo ae la i na poe a pau, he alii nui ka kela e paa mai la iloko o ka heiau, ei no la o ke ku mau o ka punohu; a oia no hoi ka wa i puka ae ai o keia mau huaolelo e kau ae la maluna mai ua alii nei aku, i ka pane ana aku penei:

"E ike ia kaua hoa kanaka, o kipa hewa auanei ke aloha i ka ilio, a hilihewa auanei ke aloha ia Kaunuohua, he puu ia, he kanaka hoi keia, a oia ka'u huakai la i hiki mai la, no ke aloha, ina hoi au e make ia oe ua hiki no."

I ka lohe ana o Kalaniopuu i keia, ua ae koke aku la oia e hookuu ia ke pio, me he ala, aole ia he pio. Ua hookipa ia keia me ka maikai a hiki i kona hoi hou ana no Maui.

---

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.