---

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here. Reference: Ulukau.org Hawaiian-English Dictionary

Nühou

---

By Küpopou

Synopsis: News bits of the past week: Former police chief victim of hit and run; shortage of state library workers; opening of Ha'ikü stairs delayed; West Nile virus not in Hawai'i yet; attempted murder; attempted robbery; Natasha Kai receives honors.

Ho'oku'i 'ia aku nei 'o Michael Nakamura e ke ka'a i ka Pö'akolu nei ma Mililani. 'O Nakamura, 'o ia ka luna mäka'i o Honolulu nei ma mua. E holo ana 'o Nakamura ma luna o kona noho huila mai kekahi 'ao'ao o ke alanui a i kekahi 'ao'ao ma kahi o ke kikowaena kaona 'o Mililani, a 'o ia kona manawa i ho'oku'i 'ia ai e kekahi ka'a. A ha'alele wale iho ia ka'a iä ia e waiho wale ana ma ka honua. Ua lawe 'ia 'o Nakamura i ka haukapila ma ke külana küo'o, a ma hope mai, ua maika'i a'e kona külana a ke külana pa'a. 'O ke kanaka näna i ho'oku'i iä ia, ua ho'i aku i ke kikowaena ma hope mai a hä'awi pio akula i nä kia'i o laila.

Ua mana'o 'ia, e ho'olö'ihi 'ia nä hola e hemo ai nä hale waihona puke o Hawai'i nei. 'O ka pilikia na'e, 'a'ole i lawa nä limahana. I këlä makahiki aku nei, ua emi ihola nä hola e hemo ai nä hale waihona puke o ka moku'äina, ma muli o ka 'oki 'ia 'ana o ka mo'ohelu kälä o nä hale waihona puke, akä, ua mähuahua a'e nei ke kälä, a lawa, ua pökole na'e nä limahana. He 135 mau külana hana i ka'awale i këia manawa.

Ho'opau 'ia ka mana'o e wehe 'ia nä alapi'i o Ha'ikü ma o ke kuapo 'ana i ka 'äina o ke külanakauhale me ka 'äina o ke ke'ena 'äina ho'opulapula Hawai'i. Ua käpae 'ia ia mana'o ma muli o ke kü'ë'ë 'ana o nä känaka e noho ana ma kahi kokoke i ka 'ïpuka o ia alapi'i.

'A'ole i hiki mai ka mü'awa 'o West Nile i Hawai'i nei. Ua mana'o kekahi po'e akeakamai, ua hiki mai nö, akä, ma hope o ka nänä pono 'ia 'ana o kahi manu make i loa'a aku nei ma Maui i këlä pule aku nei, ua holo ihola ka mana'o, 'a'ole 'o ia i loa'a i ua mü'awa lä. Akä, e maka'ala ana ka po'e akeakamai o ne'i nei, i mea e laha 'ole ai ia mü'awa ma Hawai'i nei.

Pa'a aku nei kekahi kanaka i ka hopu 'ia no ka ho'ä'o pepehi kanaka. A pa'a nö ho'i kona kaikua'ana no ka 'äke'ake'a 'ana i ka hana a ka mäka'i. Ua ho'opa'apa'a ke kaikaina me käna ipo, a 'o kona hou akula nö ia i ua ipo lä äna i ke kala. I ka hiki 'ana aku o ka mäka'i i ka hale, e ho'ä'o ana ke kaikua'ana e hünä i kona kaikaina ma loko o ka hale. Hopu 'ia akula läua 'elua, a 'o ka wahine, ua lawe koke 'ia i ka haukapila ma ke külana küo'o.

He keu a ka pakalaki. Ho'ä'o akula kekahi kolohe e pöä i kekahi kanaka ma Waikïkï i ka pö Pö'akahi nei, ma ka pïpä alanui o ke alanui 'o Kühiö, ua kulu ke aumoe. Hö'ole ke kanaka i ka hä'awi aku i ke kolohe i ke kälä, a ha'alele ua kolohe lä. Akä, ua hahai akula ke kanaka ma hope ona a i kekahi hale inu lama. A i ia manawa 'o ia i kelepona aku ai i ka mäka'i. I ka hiki 'ana aku o ka mäka'i, 'o ka pa'a nö ia i ka hopu 'ia. A wï ana ka niho o ka 'iole.

A ua kau hou 'o Natasha Kai i ka hano häweo, 'o ia ka mea pä'ani külele 'oi loa o ka 'Ahahui 'Älapa Komohana o këlä pule aku nei. He mea pä'ani kinipöpö wäwae pekupeku 'o Natasha no ke kulanui o Hawai'i ma Mänoa.

---

Ulukau.org
Hawaiian-English Dictionary

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Nūhou

---

Synopsis: News bits of the past week: Former police chief victim of hit and run; shortage of state library workers; opening of Ha'ikū stairs delayed; West Nile virus not in Hawai'i yet; attempted murder; attempted robbery; Natasha Kai receives honors.

Ho'oku'i 'ia aku nei 'o Michael Nakamura e ke ka'a i ka Pō'akolu nei ma Mililani. 'O Nakamura, 'o ia ka luna māka'i o Honolulu nei ma mua. E holo ana 'o Nakamura ma luna o kona noho huila mai kekahi 'ao'ao o ke alanui a i kekahi 'ao'ao ma kahi o ke kikowaena kaona 'o Mililani, a 'o ia kona manawa i ho'oku'i 'ia ai e kekahi ka'a. A ha'alele wale iho ia ka'a iā ia e waiho wale ana ma ka honua. Ua lawe 'ia 'o Nakamura i ka haukapila ma ke kūlana kūo'o, a ma hope mai, ua maika'i a'e kona kūlana a ke kūlana pa'a. 'O ke kanaka nāna i ho'oku'i iā ia, ua ho'i aku i ke kikowaena ma hope mai a hā'awi pio akula i nā kia'i o laila.

Ua mana'o 'ia, e ho'olō'ihi 'ia nā hola e hemo ai nā hale waihona puke o Hawai'i nei. 'O ka pilikia na'e, 'a'ole i lawa nā limahana. I kēlā makahiki aku nei, ua emi ihola nā hola e hemo ai nā hale waihona puke o ka moku'āina, ma muli o ka 'oki 'ia 'ana o ka mo'ohelu kālā o nā hale waihona puke, akā, ua māhuahua a'e nei ke kālā, a lawa, ua pōkole na'e nā limahana. He 135 mau kūlana hana i ka'awale i kēia manawa.

Ho'opau 'ia ka mana'o e wehe 'ia nā alapi'i o Ha'ikū ma o ke kuapo 'ana i ka 'āina o ke kūlanakauhale me ka 'āina o ke ke'ena 'āina ho'opulapula Hawai'i. Ua kāpae 'ia ia mana'o ma muli o ke kū'ē'ē 'ana o nā kānaka e noho ana ma kahi kokoke i ka 'īpuka o ia alapi'i.

'A'ole i hiki mai ka mū'awa 'o West Nile i Hawai'i nei. Ua mana'o kekahi po'e akeakamai, ua hiki mai nō, akā, ma hope o ka nānā pono 'ia 'ana o kahi manu make i loa'a aku nei ma Maui i kēlā pule aku nei, ua holo ihola ka mana'o, 'a'ole 'o ia i loa'a i ua mū'awa lā. Akā, e maka'ala ana ka po'e akeakamai o ne'i nei, i mea e laha 'ole ai ia mū'awa ma Hawai'i nei.

Pa'a aku nei kekahi kanaka i ka hopu 'ia no ka ho'ā'o pepehi kanaka. A pa'a nō ho'i kona kaikua'ana no ka 'āke'ake'a 'ana i ka hana a ka māka'i. Ua ho'opa'apa'a ke kaikaina me kāna ipo, a 'o kona hou akula nō ia i ua ipo lā āna i ke kala. I ka hiki 'ana aku o ka māka'i i ka hale, e ho'ā'o ana ke kaikua'ana e hūnā i kona kaikaina ma loko o ka hale. Hopu 'ia akula lāua 'elua, a 'o ka wahine, ua lawe koke 'ia i ka haukapila ma ke kūlana kūo'o.

He keu a ka pakalaki. Ho'ā'o akula kekahi kolohe e pōā i kekahi kanaka ma Waikīkī i ka pō Pō'akahi nei, ma ka pīpā alanui o ke alanui 'o Kūhiō, ua kulu ke aumoe. Hō'ole ke kanaka i ka hā'awi aku i ke kolohe i ke kālā, a ha'alele ua kolohe lā. Akā, ua hahai akula ke kanaka ma hope ona a i kekahi hale inu lama. A i ia manawa 'o ia i kelepona aku ai i ka māka'i. I ka hiki 'ana aku o ka māka'i, 'o ka pa'a nō ia i ka hopu 'ia. A wī ana ka niho o ka 'iole.

A ua kau hou 'o Natasha Kai i ka hano hāweo, 'o ia ka mea pā'ani kūlele 'oi loa o ka 'Ahahui 'Älapa Komohana o kēlā pule aku nei. He mea pā'ani kinipōpō wāwae pekupeku 'o Natasha no ke kulanui o Hawai'i ma Mānoa.

---

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.