Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Papa Mele
Wahi Pana
Synopsis: The Hawaiian Language Program at the University of Hawai'i at Mänoa and the Mary Kawena Pukui Hale is offering a class on songs composed for the Honolulu area. Uncle Kimo Alama Keaulana, renown for his knowledge in mele Hawai'i, will teach the course.Aloha mai e ka makamaka heluhelu o Kauakükalahale. He mea puni paha 'oe i nä mele Hawai'i? Maika'i paha ke komo 'oe i kahi papa e mälama 'ia ana i këia kauwela nei. 'O ka inoa o këia papa, 'o ia ho'i 'o ka Papa Mele Wahi Pana: Nä Mele o Nä Honolulu. A he papa ia, kahi e a'o ai i nä mele i haku 'ia no Honolulu a me nä wahi like 'ole o ia ahupua'a.
'O ke kumu näna e a'o ua papa mele wahi pana nei, 'o ia 'o 'Anakala Kimo Alama Keaulana. 'A'ole o kana mai kona 'ike ma nä mele Hawai'i o ke au i hala, nä mele ho'i a nä küpuna i haku ai. 'O 'Anakala Kimo, 'o ia ka polopeka 'ölelo Hawai'i o ke Kulanui Kaiäulu o Honolulu. A he kumu hula nö ho'i 'o ia nei no ka Lei Hulu Hula School, a 'o ia nö ke alaka'i o ka hui hïmeni 'o Lei Hulu, nona ke pä CD, 'o Lei Hulu Sings for the Hula. He luna loiloi 'o ia ma mua no ka ho'okükü hula Merrie Monarch a me ka ho'okükü hula 'o ka Mö'ïwahine Lili'uokalani, he ho'okükü ia no ka po'e keiki. A pëlä pü me ka ho'okükü hïmeni o ke kula 'o Kameha-meha.
I këlä kauwela aku nei, ua mälama 'ia ka Papa Mele Wahi Pana o Nä Wai'anae. A he papa ia ua maika'i wale, hemolele i ka mälie. A he mau mele nani maoli nö kai a'o 'ia ma nei papa.
A 'o kahi mea i pömaika'i ai mäkou, nä haumäna o ia papa, ua launa pü me ka 'ohana o kekahi mau haku mele kaulana o Wai'anae. 'O ka mua o ka haku mele, 'o ia 'o Abigail K. Pililaau (Aloha 'ia 'o Wai'anae, Ulumähiehie, Beautiful Ka'ala, Wai'anae Hula, a he mau mele nani hou aku). 'O nä haku mele 'ë a'e, he ho'okahi 'ohana, 'o ia ka 'ohana Halemanu, 'o ia ho'i, 'o Joseph H. "Wiki Bird" Halemanu, 'o James Kainoakupuna Halemanu, a me käna kaikamahine, 'o Emma Honuaiwa Halemanu Paishon. Na Mr. Henry Kim, he mo'opuna na Abigail Pililaau, a me Mrs. Doreen Lindsey, he kaikamahine na Emma Pai-shon, me käna kaikamahine Tasha Hobdy i mo'olelo mai e pili ana i ko läkou 'ohana.
A no laila, inä he mana'o kou e komo i loko o këia papa, 'o ia ho'i, 'o HAW 483 Papa Mele Wahi Pana, e kelepona i ka helu 956-5666. A e nänä paha ma www.outreach.hawaii.edu.
E mälama 'ia ana ua papa nei ma Hälau o Haumea o Kamaka-küokalani i këlä me këia lä (5 lä o ka pule, he 2 pule ka lö'ihi), mai ka lä 21 o Iune a hiki i ka lä 2 o Iulai. Ho'omaka i ka hola 9:30 o ke kakahiaka a pau i ka hola 1:00 o ke awakea. He 3 'ai, akä he manuahi. He pono na'e ke uku i $86.00, he uku ia no ka lawelawe 'ana i nä hana like 'ole e pono ai ke ke'ena 'o Outreach. Eia mai ka helu o ka papa (CRN) 92175. Na ka Hälau 'Ölelo Hawai'i o ke Kulanui o Hawai'i ma Mänoa a me ka Mary Kawena Pukui Hale ka mälama 'ana i këia papa nei.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.
Papa Mele
Wahi Pana
Synopsis: The Hawaiian Language Program at the University of Hawai'i at Mānoa and the Mary Kawena Pukui Hale is offering a class on songs composed for the Honolulu area. Uncle Kimo Alama Keaulana, renown for his knowledge in mele Hawai'i, will teach the course.Aloha mai e ka makamaka heluhelu o Kauakūkalahale. He mea puni paha 'oe i nā mele Hawai'i? Maika'i paha ke komo 'oe i kahi papa e mālama 'ia ana i kēia kauwela nei. 'O ka inoa o kēia papa, 'o ia ho'i 'o ka Papa Mele Wahi Pana: Nā Mele o Nā Honolulu. A he papa ia, kahi e a'o ai i nā mele i haku 'ia no Honolulu a me nā wahi like 'ole o ia ahupua'a.
'O ke kumu nāna e a'o ua papa mele wahi pana nei, 'o ia 'o 'Anakala Kimo Alama Keaulana. 'A'ole o kana mai kona 'ike ma nā mele Hawai'i o ke au i hala, nā mele ho'i a nā kūpuna i haku ai. 'O 'Anakala Kimo, 'o ia ka polopeka 'ōlelo Hawai'i o ke Kulanui Kaiāulu o Honolulu. A he kumu hula nō ho'i 'o ia nei no ka Lei Hulu Hula School, a 'o ia nō ke alaka'i o ka hui hīmeni 'o Lei Hulu, nona ke pā CD, 'o Lei Hulu Sings for the Hula. He luna loiloi 'o ia ma mua no ka ho'okūkū hula Merrie Monarch a me ka ho'okūkū hula 'o ka Mō'īwahine Lili'uokalani, he ho'okūkū ia no ka po'e keiki. A pēlā pū me ka ho'okūkū hīmeni o ke kula 'o Kameha-meha.
I kēlā kauwela aku nei, ua mālama 'ia ka Papa Mele Wahi Pana o Nā Wai'anae. A he papa ia ua maika'i wale, hemolele i ka mālie. A he mau mele nani maoli nō kai a'o 'ia ma nei papa.
A 'o kahi mea i pōmaika'i ai mākou, nā haumāna o ia papa, ua launa pū me ka 'ohana o kekahi mau haku mele kaulana o Wai'anae. 'O ka mua o ka haku mele, 'o ia 'o Abigail K. Pililaau (Aloha 'ia 'o Wai'anae, Ulumāhiehie, Beautiful Ka'ala, Wai'anae Hula, a he mau mele nani hou aku). 'O nā haku mele 'ē a'e, he ho'okahi 'ohana, 'o ia ka 'ohana Halemanu, 'o ia ho'i, 'o Joseph H. "Wiki Bird" Halemanu, 'o James Kainoakupuna Halemanu, a me kāna kaikamahine, 'o Emma Honuaiwa Halemanu Paishon. Na Mr. Henry Kim, he mo'opuna na Abigail Pililaau, a me Mrs. Doreen Lindsey, he kaikamahine na Emma Pai-shon, me kāna kaikamahine Tasha Hobdy i mo'olelo mai e pili ana i ko lākou 'ohana.
A no laila, inā he mana'o kou e komo i loko o kēia papa, 'o ia ho'i, 'o HAW 483 Papa Mele Wahi Pana, e kelepona i ka helu 956-5666. A e nānā paha ma www.outreach.hawaii.edu.
E mālama 'ia ana ua papa nei ma Hālau o Haumea o Kamaka-kūokalani i kēlā me kēia lā (5 lā o ka pule, he 2 pule ka lō'ihi), mai ka lā 21 o Iune a hiki i ka lā 2 o Iulai. Ho'omaka i ka hola 9:30 o ke kakahiaka a pau i ka hola 1:00 o ke awakea. He 3 'ai, akā he manuahi. He pono na'e ke uku i $86.00, he uku ia no ka lawelawe 'ana i nā hana like 'ole e pono ai ke ke'ena 'o Outreach. Eia mai ka helu o ka papa (CRN) 92175. Na ka Hālau 'Ōlelo Hawai'i o ke Kulanui o Hawai'i ma Mānoa a me ka Mary Kawena Pukui Hale ka mālama 'ana i kēia papa nei.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
