Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Kamapua‘a
Synopsis: Appreciation for the Hawaiian language play, Kamapua'a, written and directed by Haili'öpua and Kaliko Baker, held this past weekend.
O oe ia e Haunuu, e HaulaniAloha mai e ka makamaka heluhelu o Kauakükalahale. Hele aku nei kou mea käkau i ka hana keaka i mälama 'ia aku nei i këlä hopena pule aku nei ma ka hale hana keaka 'o Palikü ma ke Ko'olau. He hana keaka ia no Kamapua'a. He mea nui ia hana keaka i ko Hawai'i 'oiai, he käka'ikahi ka hana keaka mo'olelo Hawai'i. A oki loa ho'i ka hana keaka 'ölelo Hawai'i. A he mea ka hana keaka 'ölelo Hawai'i e mau ai ka 'ölelo Hawai'i. No laila, he mahalo këia i nä haku hana keaka 'elua, 'o ia 'o Haili'öpua a me Kaliko Baker. A na läua nö ho'i nä hana like 'ole e pono ai ua hana keaka nei.
E Haalokuloku
Ka Mano e ka I'a nui
E ui, e Uilani
Ko Inoa Puaa ia e o mai.'O ka hale kahi i mälama 'ia ai këia hana keaka, 'o ia ka hale hana keaka 'o Palikü, he nani ho'i kau ke 'ike aku i nä mea a pau o ia hale. He wahi küpono ia e mälama 'ia ai ua hana keaka nei 'o Kamapua'a, a me nä hana keaka Hawai'i like 'ole nö ho'i paha.
'O nä lole o nä häme'e (ka 'ahu'ula, ke kïhei, a pëlä aku), 'a'ole o kana mai ka nani.
'O Kuiokalani Lee Gapero 'o Kamapua'a ka mea nona ka mo'olelo, a he mamo nö paha 'o ia na Kamapua'a, ua kü nö i kona 'ano.
He nui nö ho'i nä manawa i hü a'e ai ka 'aka o känaka. 'O kahi manawa i noke ai ke anaina i ka 'aka'aka a mae ka iwi'ao'ao, 'o ia ka wä a Kamapua'a i ho'i ai i O'ahu a 'ike aku nei i kekahi mau wähine 'elua. A me he aha lä ia mau wähine a 'elua, akä, 'a'ole i ho'ohihi iki aku 'o Kamapua'a iä läua, a ma hope o ko ia nei pepehi 'ana i ke käna a ia mau wähine, iä Kü'ïlioloa, ha'alele 'o ia.
'O kahi mähele maika'i, 'o ia ka 'ike 'ana o nä Hi'iaka iä Kamapua'a me ka ho'ohihi 'ana o läkou iä ia a me ka ho'opa'apa'a 'ana o Kamapua'a me Pele. 'O Pele, 'o ia 'o Kameha'ililani Waiau, a he keu 'o ia a ka wahine hana keaka maika'i. A 'o kahi mea i ulu ai ka hoi, 'o ia ke kaunu 'ana o Pele me Kamapua'a. A mai make 'o Pele inä i kähea 'ole 'ia 'o Kapö.
He mahalo ho'i i nä mea hana keaka a pau, e huikala mai i ka hiki 'ole ke helu papa 'ia nä inoa a pau. Maika'i wale ka hana a 'oukou. A 'o ka mea e pü'iwa ai ka no'ono'o, he 15 wale nö kälä ka uku e nänä ai i nei hana keaka a ka maika'i nui wale. He makepono nö ia kumu kü'ai. Ua hiki paha ke noi 'ia he 30 paha kälä a 'oi.
A i mea e ho'oulu ai i ke kälä no ka Hälau Hana Keaka, ke kü'ai 'ia nei ka pälule no këia hana keaka 'o Kamapua'a. A inä he mana'o kou e kü'ai i pälule, e ho'ouna i leka uila i ka pahu leka uila: cbaker@hawaii.edu.
Ke lana nei ka mana'o e mälama hou 'ia ma O'ahu nei ma ke kau hä'ulelau. A no laila, 'auhea 'oe, inä he mana'o kou e nänä i këia hana keaka 'o Kamapua'a, e ka'aka'a ka maka, a e ho'olohe ka pepeiao, a e 'ike auane'i 'oe i ka ho'olaha.
'Auhea 'oe, e ka makamaka heluhelu, inä ua 'ike 'oe i ka hana keaka a he mana'o kou e ho'ouna mai i ka pahu leka ma lalo nei: rsolis@hawaii.edu.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.
Kamapua‘a
Synopsis: Appreciation for the Hawaiian language play, Kamapua'a, written and directed by Haili'ōpua and Kaliko Baker, held this past weekend.
O oe ia e Haunuu, e HaulaniAloha mai e ka makamaka heluhelu o Kauakūkalahale. Hele aku nei kou mea kākau i ka hana keaka i mālama 'ia aku nei i kēlā hopena pule aku nei ma ka hale hana keaka 'o Palikū ma ke Ko'olau. He hana keaka ia no Kamapua'a. He mea nui ia hana keaka i ko Hawai'i 'oiai, he kāka'ikahi ka hana keaka mo'olelo Hawai'i. A oki loa ho'i ka hana keaka 'ōlelo Hawai'i. A he mea ka hana keaka 'ōlelo Hawai'i e mau ai ka 'ōlelo Hawai'i. No laila, he mahalo kēia i nā haku hana keaka 'elua, 'o ia 'o Haili'ōpua a me Kaliko Baker. A na lāua nō ho'i nā hana like 'ole e pono ai ua hana keaka nei.
E Haalokuloku
Ka Mano e ka I'a nui
E ui, e Uilani
Ko Inoa Puaa ia e o mai.'O ka hale kahi i mālama 'ia ai kēia hana keaka, 'o ia ka hale hana keaka 'o Palikū, he nani ho'i kau ke 'ike aku i nā mea a pau o ia hale. He wahi kūpono ia e mālama 'ia ai ua hana keaka nei 'o Kamapua'a, a me nā hana keaka Hawai'i like 'ole nō ho'i paha.
'O nā lole o nā hāme'e (ka 'ahu'ula, ke kīhei, a pēlā aku), 'a'ole o kana mai ka nani.
'O Kuiokalani Lee Gapero 'o Kamapua'a ka mea nona ka mo'olelo, a he mamo nō paha 'o ia na Kamapua'a, ua kū nō i kona 'ano.
He nui nō ho'i nā manawa i hū a'e ai ka 'aka o kānaka. 'O kahi manawa i noke ai ke anaina i ka 'aka'aka a mae ka iwi'ao'ao, 'o ia ka wā a Kamapua'a i ho'i ai i O'ahu a 'ike aku nei i kekahi mau wāhine 'elua. A me he aha lā ia mau wāhine a 'elua, akā, 'a'ole i ho'ohihi iki aku 'o Kamapua'a iā lāua, a ma hope o ko ia nei pepehi 'ana i ke kāna a ia mau wāhine, iā Kū'īlioloa, ha'alele 'o ia.
'O kahi māhele maika'i, 'o ia ka 'ike 'ana o nā Hi'iaka iā Kamapua'a me ka ho'ohihi 'ana o lākou iā ia a me ka ho'opa'apa'a 'ana o Kamapua'a me Pele. 'O Pele, 'o ia 'o Kameha'ililani Waiau, a he keu 'o ia a ka wahine hana keaka maika'i. A 'o kahi mea i ulu ai ka hoi, 'o ia ke kaunu 'ana o Pele me Kamapua'a. A mai make 'o Pele inā i kāhea 'ole 'ia 'o Kapō.
He mahalo ho'i i nā mea hana keaka a pau, e huikala mai i ka hiki 'ole ke helu papa 'ia nā inoa a pau. Maika'i wale ka hana a 'oukou. A 'o ka mea e pū'iwa ai ka no'ono'o, he 15 wale nō kālā ka uku e nānā ai i nei hana keaka a ka maika'i nui wale. He makepono nō ia kumu kū'ai. Ua hiki paha ke noi 'ia he 30 paha kālā a 'oi.
A i mea e ho'oulu ai i ke kālā no ka Hālau Hana Keaka, ke kū'ai 'ia nei ka pālule no kēia hana keaka 'o Kamapua'a. A inā he mana'o kou e kū'ai i pālule, e ho'ouna i leka uila i ka pahu leka uila: cbaker@hawaii.edu.
Ke lana nei ka mana'o e mālama hou 'ia ma O'ahu nei ma ke kau hā'ulelau. A no laila, 'auhea 'oe, inā he mana'o kou e nānā i kēia hana keaka 'o Kamapua'a, e ka'aka'a ka maka, a e ho'olohe ka pepeiao, a e 'ike auane'i 'oe i ka ho'olaha.
'Auhea 'oe, e ka makamaka heluhelu, inā ua 'ike 'oe i ka hana keaka a he mana'o kou e ho'ouna mai i ka pahu leka ma lalo nei: rsolis@hawaii.edu.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
