Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Nühou Küloko
Synopsis: News snippets from the past week: appropriations for military construction; new head coach for Saint Louis High School football; loss of Rainbow men's volleyball title; others.E mähuahua a'e ana paha ka pü'alikoa ma Hawai'i nei. Ua 'äpono 'ia aku nei e ke kömike pü'alikoa o ka Hale o nä Lunamaka'äinana, ka ho'oka'awale 'ia 'ana o ka ha'awina kälä he 345 miliona kälä, no ke kükulu 'ia 'ana o nä wahi pü'alikoa ma Hawai'i nei i ka makahiki 2005. Na ka Hale ka 'äpono a me ka 'äpono 'ole paha i këia pule.
Piha hau'oli ke kula ki'eki'e 'o Käna Lui i ka ho'i 'ana aku nei o Delbert Tengan i ke külana po'oka'i. 'O Tengan ke po'oka'i o ia kula i ka makahiki 2002, akä ma hope iho, ua ha'alele ihola 'o ia i ia külana ma muli o ka nui o käna hana i ia manawa. A na Darnell Arceneaux i pani i ia hakahaka. Akä, he ho'okahi wale nö ona makahiki i hana ai ma laila, a ha'alele nö ho'i 'o ia iä Käna Lui. A 'o ia ke kumu i ho'i hou aku ai 'o Tengan.
Kanono ka ho'opa'i i kau ma luna o nä Käne Änuenue o ka hui pä'ani kinipöpö pa'ilima. Ua huki 'ia ka makana inoa moho i lilo iä läkou i ka makahiki 2002, mai ko läkou mau lima wïkani aku. Ma muli ia o ka pä'ani 'ana o Costas Theocharidis me nä känaka loea ma ke kinipöpö pa'ilima ma mua o kona pä'ani 'ana no ke Kulanui o Hawai'i. 'A'ole 'o Theocharidis i uku 'ia, akä ma nä lula o ka 'Ahahui o nä kulanui o 'Amelika, ke ho'okükü ke kanaka no kekahi hui loea, pau kona wä e pä'ani 'älapa ai no ke kulanui.
Wï ana ka niho a ka 'iole. Kau aku nei ka 'ölelo ho'oholo no ka hihia o Christopher Aki i ka pule nei i hala. A 'o ka mea i ho'oholo 'ia, 'o ia ho'i, ua kü 'o Aki i ka hewa ma ka lawe ola, 'a'ole 'o ia i ho'ähewa 'ia no ka pepehi kanaka.
Pau ana paha ka wä pipi'i o ke kikiki mokulele pili'äina. Kü'ai 'ia ka hui mokulele pili'äina 'o Island Air e kekahi hui o Kapalakiko, a no laila, 'a'ole ia ma lalo o ka hui mokulele 'o Aloha. Wahi a ka luna o Island Air, e ho'onui 'ia ana ka lelele 'ana o ka mokulele ma Hawai'i nei, a e ho'ëmi pü 'ia ana ka 'auhau.
'O Mid-Pacific ka inoa moho o ka 'Ahahui o nä kula uku o Honolulu ma ka pä'ani kinipöpö hili. Lanakila aku nei läkou ma luna o ka Punahou ma ka helu 'ai he 3 i ka 1 ma ke kahua pä'ani 'o Aloha. I këia pule ana e ho'omaka ai ka ho'okükü inoa moho o ka moku'äina.
Ka'a ka pöhaku, 'ula ka pali. A mai pëpë kekahi wahine i ka pöhaku nui ho'okahi kona, inä i 'ike 'ole 'o ia i ua pöhaku kaumaha lä e hiolo ana. 'O kona hale na'e, ua pö'ino ihola. 'O Rose Hamakado ka inoa o ua wahine nei. A e ho'oma'ema'e ana 'o ia i kona hale, a i ia ma-nawa, lohe akula 'o ia i ke kamumu o kahi mea nui, a i huli aku kona hana, 'ike akula 'o ia i kekahi pöhaku nui loa e ka'a mai ana a lele akula 'o ia. Inä 'a'ole 'o ia i lele aku, inä ua pau 'o ia i ke ka'a 'ia a pëpë. A 'o kahi mea e pü'iwa ai ka no'ono'o, ma ia alanui ho'okahi i ka'a ai kekahi pöhaku nui, he 5 kona ke kaumaha, i ka makahiki 2002, a make ai kekahi kanaka.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.
Nūhou Kūloko
Synopsis: News snippets from the past week: appropriations for military construction; new head coach for Saint Louis High School football; loss of Rainbow men's volleyball title; others.E māhuahua a'e ana paha ka pū'alikoa ma Hawai'i nei. Ua 'āpono 'ia aku nei e ke kōmike pū'alikoa o ka Hale o nā Lunamaka'āinana, ka ho'oka'awale 'ia 'ana o ka ha'awina kālā he 345 miliona kālā, no ke kūkulu 'ia 'ana o nā wahi pū'alikoa ma Hawai'i nei i ka makahiki 2005. Na ka Hale ka 'āpono a me ka 'āpono 'ole paha i kēia pule.
Piha hau'oli ke kula ki'eki'e 'o Kāna Lui i ka ho'i 'ana aku nei o Delbert Tengan i ke kūlana po'oka'i. 'O Tengan ke po'oka'i o ia kula i ka makahiki 2002, akā ma hope iho, ua ha'alele ihola 'o ia i ia kūlana ma muli o ka nui o kāna hana i ia manawa. A na Darnell Arceneaux i pani i ia hakahaka. Akā, he ho'okahi wale nō ona makahiki i hana ai ma laila, a ha'alele nō ho'i 'o ia iā Kāna Lui. A 'o ia ke kumu i ho'i hou aku ai 'o Tengan.
Kanono ka ho'opa'i i kau ma luna o nā Kāne Ānuenue o ka hui pā'ani kinipōpō pa'ilima. Ua huki 'ia ka makana inoa moho i lilo iā lākou i ka makahiki 2002, mai ko lākou mau lima wīkani aku. Ma muli ia o ka pā'ani 'ana o Costas Theocharidis me nā kānaka loea ma ke kinipōpō pa'ilima ma mua o kona pā'ani 'ana no ke Kulanui o Hawai'i. 'A'ole 'o Theocharidis i uku 'ia, akā ma nā lula o ka 'Ahahui o nā kulanui o 'Amelika, ke ho'okūkū ke kanaka no kekahi hui loea, pau kona wā e pā'ani 'ālapa ai no ke kulanui.
Wī ana ka niho a ka 'iole. Kau aku nei ka 'ōlelo ho'oholo no ka hihia o Christopher Aki i ka pule nei i hala. A 'o ka mea i ho'oholo 'ia, 'o ia ho'i, ua kū 'o Aki i ka hewa ma ka lawe ola, 'a'ole 'o ia i ho'āhewa 'ia no ka pepehi kanaka.
Pau ana paha ka wā pipi'i o ke kikiki mokulele pili'āina. Kū'ai 'ia ka hui mokulele pili'āina 'o Island Air e kekahi hui o Kapalakiko, a no laila, 'a'ole ia ma lalo o ka hui mokulele 'o Aloha. Wahi a ka luna o Island Air, e ho'onui 'ia ana ka lelele 'ana o ka mokulele ma Hawai'i nei, a e ho'ēmi pū 'ia ana ka 'auhau.
'O Mid-Pacific ka inoa moho o ka 'Ahahui o nā kula uku o Honolulu ma ka pā'ani kinipōpō hili. Lanakila aku nei lākou ma luna o ka Punahou ma ka helu 'ai he 3 i ka 1 ma ke kahua pā'ani 'o Aloha. I kēia pule ana e ho'omaka ai ka ho'okūkū inoa moho o ka moku'āina.
Ka'a ka pōhaku, 'ula ka pali. A mai pēpē kekahi wahine i ka pōhaku nui ho'okahi kona, inā i 'ike 'ole 'o ia i ua pōhaku kaumaha lā e hiolo ana. 'O kona hale na'e, ua pō'ino ihola. 'O Rose Hamakado ka inoa o ua wahine nei. A e ho'oma'ema'e ana 'o ia i kona hale, a i ia ma-nawa, lohe akula 'o ia i ke kamumu o kahi mea nui, a i huli aku kona hana, 'ike akula 'o ia i kekahi pōhaku nui loa e ka'a mai ana a lele akula 'o ia. Inā 'a'ole 'o ia i lele aku, inā ua pau 'o ia i ke ka'a 'ia a pēpē. A 'o kahi mea e pū'iwa ai ka no'ono'o, ma ia alanui ho'okahi i ka'a ai kekahi pōhaku nui, he 5 kona ke kaumaha, i ka makahiki 2002, a make ai kekahi kanaka.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
