Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Ka pö le‘a
o Haläli‘i
Synopsis: A joyous night will be had this Wednesday, May 5th, beginning at 4:30 in the evening. Come and listen to the beautiful music at Campus Center Ballroom at the University of Hawai'i at Mänoa, no charge.'Auhea 'oukou e nä hoa makamaka e pa'u nei ma ka hana a ma ke kula paha. E hele mai i ka pö le'a o Haläli'i i ka lä 5 o Mei i wahi e ku'u ai ka nae. E mälama 'ia ana ua pö le'a nei ma ke Kulanui o Hawai'i ma Mänoa.
A he nui ana nä pu'ukani leo nahenahe i ia pö. 'O Karen Keawehawai'i kekahi, 'o ia nö ka Lëdë o nä mele Hawai'i. 'O Jerry Santos kekahi, 'o ia ka alaka'i o ka hui hïmeni kaulana 'o Olomana. 'O Tony Conjugacion kekahi. He pu'ukani 'o ia i kau i ka hano häweo ma ka lilo 'ana aku iä ia o ka makana Nä Hökü Hanohano he mau manawa. A 'o nä hui 'elua i koe, 'o ia nö 'o Käna'e ('o Hökü a me Ioane) me nä leo ki'eki'e e nanea ai ka pepeiao, a 'o Pa'ahana ('o Kaipo, 'o Doug a me Pakala), ke lohe 'ia ko läkou leo, kau mai ka hali'a aloha o ke au i hala, a me nä mele a me nä leo o ia au.
A 'o ka mea näna e ho'olauna iä läkou nei i ke anaina mäka'ika'i ia pö, 'o ia nö 'o Hau'oli Akaka. He leo paha ia i kama'äina i ka nui o 'oukou ma këia 'ano hana. A ma ka lekiö paha ma ka polokalamu 'ölelo Hawai'i 'o Ka Leo Hawai'i.
E hele mai 'oukou i ia pö, a e ha'i aku iä läkou nei me läkou ala i mea e lilo ai ia pö i pö le'a a e ku'u pono iho ka nae, a ikaika hou ke kino, e pa'u hou ai ma ka hana.
Ma ka lumi hulahula o ke Kulanui o Hawai'i ma Mänoa, kahi e mälama 'ia ana këia 'aha mele. Ho'omaka i ka hola 4:30 o ke ahiahi a e kani ana nä mele Hawai'i a kani ka hola 10:00. A 'o ka mea maika'i, he manuahi ke komo 'ana i loko o këia 'ahamele, 'o Ho'okani. Ma ia hope aku, he mau pu'ukani hou nö, akä 'o nä mele hou nö kä läkou o ka hïmeni 'ana, nä mele ho'i o këia au.
BACK TO TOP |
He kuleana ko ke Kulanui
Synopsis: There should be a requirement for students of the University of Hawai'i to learn the history of Hawai'i through HWST 107 "Hawai'i: Center of the Pacific" and/or HAW 100 "Language in Hawai'i". Continuation of last week's column.'Auhea 'oukou e nä makamaka heluhelu o ka ua kükala hale, mahalo no ke käko'o me ka pane 'ana mai i ka nïnau o këlä pule aku nei, 'o ia ho'i ka nïnau ma lalo nei:
He pono paha ke lilo i koina no nä haumäna a pau, ka papa "Hawai'i: Center of the Pacific" (HWST 107) a i 'ole ia ka papa HAW 100? 'O ia mau papa a 'elua paha? Ma hea 'oukou?
'Eä, 'a'ole nö i pau ke känalua o kekahi i ka lilo 'ana o ia 'ano papa i koina. 'O kekahi mana'o kü'ë'ë i häpai 'ia e ka polopeka, 'o ia ho'i, 'a'ole e 'olu'olu ka na'au o ka haumäna ke pi'i hou ka huina 'ai e puka pono ai mai ke Kulanui mai o Hawai'i. Auë! Ua pau paha ka 'ike, pau ka lolo o ia po'e polopeka näna i häpai ia mana'o. 'A'ole wale nö e ho'onui i ka huina 'ai. He hana lapuwale ia, he ho'onui hana. 'O ka mea e pono ai, ke lilo ia papa a 'o nä papa paha a 'elua i koina, e käpae 'ia kekahi koina.
Inä he mana'o hou aku ko 'oukou, e ho'ouna mai nö i leka ma ka pahu leka uila ma lalo nei:
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.
Ka pō le‘a
o Halāli‘i
Synopsis: A joyous night will be had this Wednesday, May 5th, beginning at 4:30 in the evening. Come and listen to the beautiful music at Campus Center Ballroom at the University of Hawai'i at Mānoa, no charge.'Auhea 'oukou e nā hoa makamaka e pa'u nei ma ka hana a ma ke kula paha. E hele mai i ka pō le'a o Halāli'i i ka lā 5 o Mei i wahi e ku'u ai ka nae. E mālama 'ia ana ua pō le'a nei ma ke Kulanui o Hawai'i ma Mānoa.
A he nui ana nā pu'ukani leo nahenahe i ia pō. 'O Karen Keawehawai'i kekahi, 'o ia nō ka Lēdē o nā mele Hawai'i. 'O Jerry Santos kekahi, 'o ia ka alaka'i o ka hui hīmeni kaulana 'o Olomana. 'O Tony Conjugacion kekahi. He pu'ukani 'o ia i kau i ka hano hāweo ma ka lilo 'ana aku iā ia o ka makana Nā Hōkū Hanohano he mau manawa. A 'o nā hui 'elua i koe, 'o ia nō 'o Kāna'e ('o Hōkū a me Ioane) me nā leo ki'eki'e e nanea ai ka pepeiao, a 'o Pa'ahana ('o Kaipo, 'o Doug a me Pakala), ke lohe 'ia ko lākou leo, kau mai ka hali'a aloha o ke au i hala, a me nā mele a me nā leo o ia au.
A 'o ka mea nāna e ho'olauna iā lākou nei i ke anaina māka'ika'i ia pō, 'o ia nō 'o Hau'oli Akaka. He leo paha ia i kama'āina i ka nui o 'oukou ma kēia 'ano hana. A ma ka lekiō paha ma ka polokalamu 'ōlelo Hawai'i 'o Ka Leo Hawai'i.
E hele mai 'oukou i ia pō, a e ha'i aku iā lākou nei me lākou ala i mea e lilo ai ia pō i pō le'a a e ku'u pono iho ka nae, a ikaika hou ke kino, e pa'u hou ai ma ka hana.
Ma ka lumi hulahula o ke Kulanui o Hawai'i ma Mānoa, kahi e mālama 'ia ana kēia 'aha mele. Ho'omaka i ka hola 4:30 o ke ahiahi a e kani ana nā mele Hawai'i a kani ka hola 10:00. A 'o ka mea maika'i, he manuahi ke komo 'ana i loko o kēia 'ahamele, 'o Ho'okani. Ma ia hope aku, he mau pu'ukani hou nō, akā 'o nā mele hou nō kā lākou o ka hīmeni 'ana, nā mele ho'i o kēia au.
BACK TO TOP |
He kuleana ko ke Kulanui
Synopsis: There should be a requirement for students of the University of Hawai'i to learn the history of Hawai'i through HWST 107 "Hawai'i: Center of the Pacific" and/or HAW 100 "Language in Hawai'i". Continuation of last week's column.'Auhea 'oukou e nā makamaka heluhelu o ka ua kūkala hale, mahalo no ke kāko'o me ka pane 'ana mai i ka nīnau o kēlā pule aku nei, 'o ia ho'i ka nīnau ma lalo nei:
He pono paha ke lilo i koina no nā haumāna a pau, ka papa "Hawai'i: Center of the Pacific" (HWST 107) a i 'ole ia ka papa HAW 100? 'O ia mau papa a 'elua paha? Ma hea 'oukou?
'Eā, 'a'ole nō i pau ke kānalua o kekahi i ka lilo 'ana o ia 'ano papa i koina. 'O kekahi mana'o kū'ē'ē i hāpai 'ia e ka polopeka, 'o ia ho'i, 'a'ole e 'olu'olu ka na'au o ka haumāna ke pi'i hou ka huina 'ai e puka pono ai mai ke Kulanui mai o Hawai'i. Auē! Ua pau paha ka 'ike, pau ka lolo o ia po'e polopeka nāna i hāpai ia mana'o. 'A'ole wale nō e ho'onui i ka huina 'ai. He hana lapuwale ia, he ho'onui hana. 'O ka mea e pono ai, ke lilo ia papa a 'o nā papa paha a 'elua i koina, e kāpae 'ia kekahi koina.
Inā he mana'o hou aku ko 'oukou, e ho'ouna mai nō i leka ma ka pahu leka uila ma lalo nei:
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
