![](OnePixWhite.gif)
By Kekeha Solis
He Kuleana
ko ke Kulanui
Synopsis: There should be a requirement for students of the University of Hawai'i to learn the history of Hawai'i through HWST 107 "Hawai'i: Center of the Pacific" and/or HAW 100 "Language in Hawai'i".
He kuleana paha ko ke Kulanui o Hawai'i ma Mänoa ma ke a'o 'ana i nä haumäna a pau o ia kulanui i ka mo'olelo o ke Kanaka Maoli o Hawai'i nei?
'Ae, he kuleana nö ko ke Kulanui o Hawai'i ma laila. A pehea e ho'okö 'ia ai ia kuleana? Ma ka lilo 'ana paha o ka papa "Hawai'i: Center of the Pacific" (HWST 107) i koina no nä haumäna a pau o ua kulanui nei, a i 'ole ia, ka papa "Language in Hawai'i" (HAW 100). A 'o nä papa a 'elua paha ka mea e pono ai! 'O ka mea 'äpiki, he kü'ë'ë kekahi po'e kumu a polopeka paha i ia mana'o, a 'o ka nui paha o läkou ke kü'ë'ë nei.
He aha lä kä läkou o ke kü'ë'ë 'ana mai? He mau kumu nö ke häpai 'ia nei. Eia mai kekahi, "'A'ole paha makemake ka haumäna e komo ma ia 'ano papa." Ke kuhi nei kekahi po'e polopeka, 'a'ohe paha makemake o ka haumäna, i hele mai i Hawai'i nei, e a'o mai e pili ana i ka mo'olelo, ka 'ölelo a me ka hana paha o ke Kanaka Maoli o Hawai'i nei. 'Eä, inä pëia nö ka mana'o o ka po'e haumäna a 'a'ole läkou e ho'omanawanui i ke komo 'ana i ia 'ano papa, e aho paha e ha'alele mai läkou iä Hawai'i nei a e hele aku no 'Amelika a ma laila e a'o ai.
Wahi a kekahi polopeka, "'A'ole lawa nä kumu näna e a'o i ia papa, ke lilo ia i koina no nä haumäna a pau. A e pilikia auane'i nä haumäna, 'a'ole paha e puka i ka wä küpono." "E nihi ka hele," ka'u pane, a 'o ia ka mea e holo pono ai ia lilo 'ana o ua mau papa nei i koina. 'A'ole nö e lilo koke i koina no nä känaka a pau i ka manawa ho'okahi.
He pono paha ke lilo i koina no nä haumäna a pau, ka papa "Hawai'i: Center of the Pacific" (HWST 107) a i 'ole ia ka papa HAW 100? 'O ia mau papa a 'elua paha? Ma hea 'oe?
Inä he käko'o mai i këia mana'o, ke 'olu'olu, e ho'ouna mai i leka ma ka pahu leka uila rsolis@hawaii.edu a inä kama-'äina 'oe i ka haumäna e hele aku nei i ke Kulanui o Hawai'i ma Mänoa, e ho'omao popo aku iä ia no këia mana'o a e paipai aku iä ia e ha'i 'o ia i ka 'aha kenekoa o nä haumäna o ke Kulanui o Hawai'i.
('A'ole pau)
Ho‘okani
Synopsis: Hawaiian music will ring loud on May 5 at Ho'okani being held at the Campus Center Ballroom at UH-Mänoa.
'Auhea 'oukou e nä hoa puni mele Hawai'i. E hele mai i ka pö le'a o Haläli'i ma ke Kulanui o Hawai'i i ka lä 5 o Mei no Ho'okani. A ma laila e nanea ai ka pepeiao i nä kähuli leo le'a o Hawai'i nei. Ho'omaka ka hïmeni 'ana i ka hola 4:30 o ke ahiahi a e hoehoene ana a kani ka hola 10:00. 'O nä hui hïmeni, ua ku'i ko läkou kaulana a puni këia pae 'äina, 'o ia 'o Jerry Santos, 'o Karen Keawehawai'i, 'o Tony Conjugacion, 'o Käna'e a me Pa'ahana. Ma ka lumi hulahula o ke Kulanui o Hawai'i ma Mänoa, kahi e mälama 'ia ana këia 'aha mele.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
![](OnePixWhite.gif)
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
![](OnePixWhite.gif)
BACK TO TOP
|
![](blank.gif) | Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.
|
![](blank.gif) |
|
By Kekeha Solis
He Kuleana
ko ke Kulanui
Synopsis: There should be a requirement for students of the University of Hawai'i to learn the history of Hawai'i through HWST 107 "Hawai'i: Center of the Pacific" and/or HAW 100 "Language in Hawai'i".
He kuleana paha ko ke Kulanui o Hawai'i ma Mānoa ma ke a'o 'ana i nā haumāna a pau o ia kulanui i ka mo'olelo o ke Kanaka Maoli o Hawai'i nei?
'Ae, he kuleana nō ko ke Kulanui o Hawai'i ma laila. A pehea e ho'okō 'ia ai ia kuleana? Ma ka lilo 'ana paha o ka papa "Hawai'i: Center of the Pacific" (HWST 107) i koina no nā haumāna a pau o ua kulanui nei, a i 'ole ia, ka papa "Language in Hawai'i" (HAW 100). A 'o nā papa a 'elua paha ka mea e pono ai! 'O ka mea 'āpiki, he kū'ē'ē kekahi po'e kumu a polopeka paha i ia mana'o, a 'o ka nui paha o lākou ke kū'ē'ē nei.
He aha lā kā lākou o ke kū'ē'ē 'ana mai? He mau kumu nō ke hāpai 'ia nei. Eia mai kekahi, "'A'ole paha makemake ka haumāna e komo ma ia 'ano papa." Ke kuhi nei kekahi po'e polopeka, 'a'ohe paha makemake o ka haumāna, i hele mai i Hawai'i nei, e a'o mai e pili ana i ka mo'olelo, ka 'ōlelo a me ka hana paha o ke Kanaka Maoli o Hawai'i nei. 'Eā, inā pēia nō ka mana'o o ka po'e haumāna a 'a'ole lākou e ho'omanawanui i ke komo 'ana i ia 'ano papa, e aho paha e ha'alele mai lākou iā Hawai'i nei a e hele aku no 'Amelika a ma laila e a'o ai.
Wahi a kekahi polopeka, "'A'ole lawa nā kumu nāna e a'o i ia papa, ke lilo ia i koina no nā haumāna a pau. A e pilikia auane'i nā haumāna, 'a'ole paha e puka i ka wā kūpono." "E nihi ka hele," ka'u pane, a 'o ia ka mea e holo pono ai ia lilo 'ana o ua mau papa nei i koina. 'A'ole nō e lilo koke i koina no nā kānaka a pau i ka manawa ho'okahi.
He pono paha ke lilo i koina no nā haumāna a pau, ka papa "Hawai'i: Center of the Pacific" (HWST 107) a i 'ole ia ka papa HAW 100? 'O ia mau papa a 'elua paha? Ma hea 'oe?
Inā he kāko'o mai i kēia mana'o, ke 'olu'olu, e ho'ouna mai i leka ma ka pahu leka uila rsolis@hawaii.edu a inā kama-'āina 'oe i ka haumāna e hele aku nei i ke Kulanui o Hawai'i ma Mānoa, e ho'omao popo aku iā ia no kēia mana'o a e paipai aku iā ia e ha'i 'o ia i ka 'aha kenekoa o nā haumāna o ke Kulanui o Hawai'i.
('A'ole pau)
Ho‘okani
Synopsis: Hawaiian music will ring loud on May 5 at Ho'okani being held at the Campus Center Ballroom at UH-Mānoa.
'Auhea 'oukou e nā hoa puni mele Hawai'i. E hele mai i ka pō le'a o Halāli'i ma ke Kulanui o Hawai'i i ka lā 5 o Mei no Ho'okani. A ma laila e nanea ai ka pepeiao i nā kāhuli leo le'a o Hawai'i nei. Ho'omaka ka hīmeni 'ana i ka hola 4:30 o ke ahiahi a e hoehoene ana a kani ka hola 10:00. 'O nā hui hīmeni, ua ku'i ko lākou kaulana a puni kēia pae 'āina, 'o ia 'o Jerry Santos, 'o Karen Keawehawai'i, 'o Tony Conjugacion, 'o Kāna'e a me Pa'ahana. Ma ka lumi hulahula o ke Kulanui o Hawai'i ma Mānoa, kahi e mālama 'ia ana kēia 'aha mele.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
![](OnePixWhite.gif)
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
![](OnePixWhite.gif)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.