Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Jon Osorio and
Steve Brown
Synopsis: A short biography on Jon Osorio and Steve Brown, who will be performing this Friday at Mänoa Garden on the University of Hawai'i at Mänoa campus. The music begins at 6:00 in the evening and ends at 8:30.
Aloha mai nö käkou e nä makamaka heluhelu o Kauakükalahale, he mea hou nö a ke ho'olaha 'ia nei.
He 'aha mele ke mälama 'ia ana i këia Pö'alima ma ke Kulanui o Hawai'i ma Mänoa. 'O Ho'okani nö ia, a no laila, e naue aku i laila e ho'onanea ai i ka leo nahenahe o Jon Osorio a me Stevie Brown. 'O Jon, no Hilo 'o ia nei. He polopeka 'o ia no ke Kulanui o Hawai'i ma Mänoa ma ka Hälau 'Ike Hawai'i, 'o Kamakaküokalani. A 'o ia nei nö ka luna o ia Hälau i këia manawa. A i ka makahiki 2002, puka maila kahi puke äna i käkau ai no ka mo'olelo o ke aupuni Hawai'i, i kapa 'ia 'o Dismembering Lähui.
He pu'ukani nö ho'i 'o Jon, a ua ku'i kona kaulana a puni këia pae 'äina. Ma mua, 'o kona köko'olua ma ka hïmeni, 'o Randy Borden, a i ko läua nei wä e hïmeni ai i ia mau makahiki, kapalili a'ela ka pu'uwai o nä wähine, mai ke nui a ka li'ili'i. 'Ekolu pä ho'okani a läua i hana ai, 'o ka mua, ua puka mai i ka makahiki 1975, a ua kapa 'ia 'o Days of My Youth. A i ka makahiki 1980, hana 'ia ka lua o ke pä ho'okani, 'o Hawaiian Eyes. Na läua nei nö i haku, a ua lilo ia i mele punahele na ka lehulehu i ka makahiki 1981, kau aku nei ia mele i ka hano häweo, 'o ia ke mele punahele loa o ka makahiki, a lilo ai ka makana Nä Hökü Hanohano iä läua. 'O kekahi mele kaulana a läua ma ia pä ho'okani, 'o ia nö 'o Hawaiian Soul, a he ho'oheno ia mele iä George Helm, i hala akula i ke ao polohiwa a Käne. 'O ke kolu o ke pä, he pä CD, ua kapa 'ia 'o E Ho'i Mai. Ma hope iki mai o ka puka 'ana mai o ia CD, ua moe akula 'o Randy i ka moe kapu o Niolopua. A he köko'okolu nö kekahi ma ia pä 'ekolu, 'o Steve Brown kona inoa. 'O Steve, he kanaka ho'okani 'o ia me Cecilio a me Kapono ma mua, a pëlä pü me Steve Maii a me Theresa Bright. I ka makahiki 1993, ua launa pü 'o Jon me Steve ma kekahi 'aha no ke ea o nä känaka Hawai'i ma ka päka 'o Lydgate ma Kaua'i, a ma ia hope mai, ho'okani läua ma Coasters. I këia mau lä, ho'okani 'o Jon a me Stevie ma Kona Brewery ma Hawai'i Kai ma ka Läpule 'elua o këlä me këia mahina. Ho'omaka i ka hola 5:00.
'Auhea 'oukou e nä hoa puni mele Hawai'i, e hele nö i Mänoa Gardens ma ke Kulanui o Hawai'i ma Mänoa i këia Pö'alima, ka lä 2 o 'Apelila, a e luana pü ma laila i ka hoehoene 'ana mai a Jon Osorio a me Stevie Brown. Ho'omaka ka hïmeni 'ana i ka hola 6:00 o ke ahiahi a e kani ana nä leo le'a a i ka hola 8:30. He manuahi ka hele 'ana i këia 'ahamele.
['Eä, ma ka mahina 'o Mei, e mälama 'ia ana 'o Ho'okani ma ka Pö'akolu mua, 'o ia ho'i ka lä 5 o Mei, 'oiai, 'a'ohe papa ma ka Pö'alima, a e ho'omaka ana ma ka hola 5. A 'o kekahi, he mau pu'ukani ke hïmeni ana ma ia lä.] LH.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Jon Osorio and
Steve Brown
Synopsis: A short biography on Jon Osorio and Steve Brown, who will be performing this Friday at Mānoa Garden on the University of Hawai'i at Mānoa campus. The music begins at 6:00 in the evening and ends at 8:30.
Aloha mai nō kākou e nā makamaka heluhelu o Kauakūkalahale, he mea hou nō a ke ho'olaha 'ia nei.
He 'aha mele ke mālama 'ia ana i kēia Pō'alima ma ke Kulanui o Hawai'i ma Mānoa. 'O Ho'okani nō ia, a no laila, e naue aku i laila e ho'onanea ai i ka leo nahenahe o Jon Osorio a me Stevie Brown. 'O Jon, no Hilo 'o ia nei. He polopeka 'o ia no ke Kulanui o Hawai'i ma Mānoa ma ka Hālau 'Ike Hawai'i, 'o Kamakakūokalani. A 'o ia nei nō ka luna o ia Hālau i kēia manawa. A i ka makahiki 2002, puka maila kahi puke āna i kākau ai no ka mo'olelo o ke aupuni Hawai'i, i kapa 'ia 'o Dismembering Lāhui.
He pu'ukani nō ho'i 'o Jon, a ua ku'i kona kaulana a puni kēia pae 'āina. Ma mua, 'o kona kōko'olua ma ka hīmeni, 'o Randy Borden, a i ko lāua nei wā e hīmeni ai i ia mau makahiki, kapalili a'ela ka pu'uwai o nā wāhine, mai ke nui a ka li'ili'i. 'Ekolu pā ho'okani a lāua i hana ai, 'o ka mua, ua puka mai i ka makahiki 1975, a ua kapa 'ia 'o Days of My Youth. A i ka makahiki 1980, hana 'ia ka lua o ke pā ho'okani, 'o Hawaiian Eyes. Na lāua nei nō i haku, a ua lilo ia i mele punahele na ka lehulehu i ka makahiki 1981, kau aku nei ia mele i ka hano hāweo, 'o ia ke mele punahele loa o ka makahiki, a lilo ai ka makana Nā Hōkū Hanohano iā lāua. 'O kekahi mele kaulana a lāua ma ia pā ho'okani, 'o ia nō 'o Hawaiian Soul, a he ho'oheno ia mele iā George Helm, i hala akula i ke ao polohiwa a Kāne. 'O ke kolu o ke pā, he pā CD, ua kapa 'ia 'o E Ho'i Mai. Ma hope iki mai o ka puka 'ana mai o ia CD, ua moe akula 'o Randy i ka moe kapu o Niolopua. A he kōko'okolu nō kekahi ma ia pā 'ekolu, 'o Steve Brown kona inoa. 'O Steve, he kanaka ho'okani 'o ia me Cecilio a me Kapono ma mua, a pēlā pū me Steve Maii a me Theresa Bright. I ka makahiki 1993, ua launa pū 'o Jon me Steve ma kekahi 'aha no ke ea o nā kānaka Hawai'i ma ka pāka 'o Lydgate ma Kaua'i, a ma ia hope mai, ho'okani lāua ma Coasters. I kēia mau lā, ho'okani 'o Jon a me Stevie ma Kona Brewery ma Hawai'i Kai ma ka Lāpule 'elua o kēlā me kēia mahina. Ho'omaka i ka hola 5:00.
'Auhea 'oukou e nā hoa puni mele Hawai'i, e hele nō i Mānoa Gardens ma ke Kulanui o Hawai'i ma Mānoa i kēia Pō'alima, ka lā 2 o 'Apelila, a e luana pū ma laila i ka hoehoene 'ana mai a Jon Osorio a me Stevie Brown. Ho'omaka ka hīmeni 'ana i ka hola 6:00 o ke ahiahi a e kani ana nā leo le'a a i ka hola 8:30. He manuahi ka hele 'ana i kēia 'ahamele.
['Eā, ma ka mahina 'o Mei, e mālama 'ia ana 'o Ho'okani ma ka Pō'akolu mua, 'o ia ho'i ka lā 5 o Mei, 'oiai, 'a'ohe papa ma ka Pō'alima, a e ho'omaka ana ma ka hola 5. A 'o kekahi, he mau pu'ukani ke hīmeni ana ma ia lā.] LH.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
