Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Nühou Küloko
Synopsis: Various local news stories of the past week - American Idol; verdict of Miti Maugaotega; Hamilton Library new hours of operation; robbery; passing of Sarah Kailikea; Rainbow basketball; concrete strike.
He mau mo'olelo nühou küloko këia no ka pule nei i hala.
Pu'ukani -- Ua koho 'ia mai nei 'o Jasmine Trias e ka lehulehu, 'o ia kekahi o nä pu'ukani o ka ho'okükü hïmeni 'o ka Pu'ukani 'Amelika (American Idol). No Mililani 'o Trias, a he haumäna 'o ia ma ke kula ki'eki'e 'o Maryknoll. 'Elua pu'ukani o Hawai'i nei ma ia ho'okükü, 'o Trias, a 'o Camile Velasco kekahi. I këia pule, e koho 'ia ana he 'ehä moho hou aku ma waena mai o ka po'e pu'ukani i puka 'ole ma mua.
Kanono ka ho'opa'i -- Kau 'ia aku nei ka 'ölelo ho'oholo a ke kiure, ua pili 'o Miti Maugaotega i ka hewa ho'ä'o pepehi kanaka, ka 'aihue a me ka pöä, a me kekahi mau kalaima hou aku. A 'o ka ho'opa'i, he ho'opa'ahao 'ia a pau kona ola me ka hiki ke palola 'ia, no ka mea, 'o ka ho'opa'i ia, ke pili ke kanaka i ka hewa ho'ä'o pepehi kanaka.
Hämama ka 'ïpuka -- 'A'ole e pani 'ia aku ana nä puka o ka hale waihona puke 'o Hamilton ma ke kula nui o Hawai'i ma Mänoa mai ka hola 7:30 o ke kakahiaka o ka Pö'akahi, a hiki i ka hola 11 o ke aumoe o ka Pö'ahä. 'A'ole e loli ana nä hola e hemo ai ua hale waihona puke nei ma ka hopena pule.
Piko pau i ka 'iole -- Pöä aku nei ke kolohe i kekahi hale kü'ai o Kalihi ma ke alanui 'o Dilinahama i ka pö Pö'akolu nei, a mahuka akula 'o ia me kahi pu'u kälä.
Aia me Niolopua -- Ua ho'i akula 'o Sarah Kailikea e moe i ka moe kapu o Niolopua ma ka lä 25 o Pepeluali, he 93 ona makahiki. No Kaua'i 'o ia, a he wahine pa'a mo'olelo Hawai'i 'o ia. He haumäna nö ho'i 'o ia na David Bray a me Mary Kawena Pukui ma mua. Ua mälama 'ia aku nei kona anaina ho'olewa i nehinei.
Hä'ule pahü ka mana'o -- Ua hä'ule iho nei nä Käne Änuenue iä Nevada i ka pö Pö'ahä nei ma ka helu 'ai he 77 i ke 64. A hä'ule pahü ko läkou nei mana'o, e lilo iä läkou ka inoa moho o ka 'Aha-hui 'Älapa Komohana. I këia manawa ma ua 'Ahahui nei, 'o Tekeka El Paso ka hui helu 'ekahi, a 'o Nevada ka hui helu 'elua. 'O nä Änuenue ho'i, ma ke külana helu 'ekolu läkou, pëlä pü nö me Laiki (Rice) a me Boise.
Me he kïmeki lä ke po'o pa'akikï -- Ke 'olohani akula nö nä limahana o nä hui hana kïmeki o O'ahu, 'o ia ho'i, 'o Ameron Hawai'i a me Hawaiian Cement. A me he mea lä, ua pa'a loa ka mana'o o nä luna hui hana kïmeki, 'a'ole e ho'okö i ka makemake o nä limahana. A 'a'ole wale nö 'o nä limahana ke kü a'ela i ka pilikia, ua pilikia nö ho'i kekahi po'e i këia 'olohani 'ana, e like ho'i me ka hui kükulu hale 'o Gentry Homes. Ua käpae 'ia 'elua papahana kü'ai hale o këia hopena pule, a me këia hopena pule a'e. A ua ho'öki 'ia ke kü'ai 'ia 'ana aku o ka hale hou e ua hui kükulu hale lä ma muli o ka 'olohani o ia mau hui hana kïmeki.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Nūhou Kūloko
Synopsis: Various local news stories of the past week - American Idol; verdict of Miti Maugaotega; Hamilton Library new hours of operation; robbery; passing of Sarah Kailikea; Rainbow basketball; concrete strike.
He mau mo'olelo nūhou kūloko kēia no ka pule nei i hala.
Pu'ukani -- Ua koho 'ia mai nei 'o Jasmine Trias e ka lehulehu, 'o ia kekahi o nā pu'ukani o ka ho'okūkū hīmeni 'o ka Pu'ukani 'Amelika (American Idol). No Mililani 'o Trias, a he haumāna 'o ia ma ke kula ki'eki'e 'o Maryknoll. 'Elua pu'ukani o Hawai'i nei ma ia ho'okūkū, 'o Trias, a 'o Camile Velasco kekahi. I kēia pule, e koho 'ia ana he 'ehā moho hou aku ma waena mai o ka po'e pu'ukani i puka 'ole ma mua.
Kanono ka ho'opa'i -- Kau 'ia aku nei ka 'ōlelo ho'oholo a ke kiure, ua pili 'o Miti Maugaotega i ka hewa ho'ā'o pepehi kanaka, ka 'aihue a me ka pōā, a me kekahi mau kalaima hou aku. A 'o ka ho'opa'i, he ho'opa'ahao 'ia a pau kona ola me ka hiki ke palola 'ia, no ka mea, 'o ka ho'opa'i ia, ke pili ke kanaka i ka hewa ho'ā'o pepehi kanaka.
Hāmama ka 'īpuka -- 'A'ole e pani 'ia aku ana nā puka o ka hale waihona puke 'o Hamilton ma ke kula nui o Hawai'i ma Mānoa mai ka hola 7:30 o ke kakahiaka o ka Pō'akahi, a hiki i ka hola 11 o ke aumoe o ka Pō'ahā. 'A'ole e loli ana nā hola e hemo ai ua hale waihona puke nei ma ka hopena pule.
Piko pau i ka 'iole -- Pōā aku nei ke kolohe i kekahi hale kū'ai o Kalihi ma ke alanui 'o Dilinahama i ka pō Pō'akolu nei, a mahuka akula 'o ia me kahi pu'u kālā.
Aia me Niolopua -- Ua ho'i akula 'o Sarah Kailikea e moe i ka moe kapu o Niolopua ma ka lā 25 o Pepeluali, he 93 ona makahiki. No Kaua'i 'o ia, a he wahine pa'a mo'olelo Hawai'i 'o ia. He haumāna nō ho'i 'o ia na David Bray a me Mary Kawena Pukui ma mua. Ua mālama 'ia aku nei kona anaina ho'olewa i nehinei.
Hā'ule pahū ka mana'o -- Ua hā'ule iho nei nā Kāne Ānuenue iā Nevada i ka pō Pō'ahā nei ma ka helu 'ai he 77 i ke 64. A hā'ule pahū ko lākou nei mana'o, e lilo iā lākou ka inoa moho o ka 'Aha-hui 'Ālapa Komohana. I kēia manawa ma ua 'Ahahui nei, 'o Tekeka El Paso ka hui helu 'ekahi, a 'o Nevada ka hui helu 'elua. 'O nā Ānuenue ho'i, ma ke kūlana helu 'ekolu lākou, pēlā pū nō me Laiki (Rice) a me Boise.
Me he kīmeki lā ke po'o pa'akikī -- Ke 'olohani akula nō nā limahana o nā hui hana kīmeki o O'ahu, 'o ia ho'i, 'o Ameron Hawai'i a me Hawaiian Cement. A me he mea lā, ua pa'a loa ka mana'o o nā luna hui hana kīmeki, 'a'ole e ho'okō i ka makemake o nā limahana. A 'a'ole wale nō 'o nā limahana ke kū a'ela i ka pilikia, ua pilikia nō ho'i kekahi po'e i kēia 'olohani 'ana, e like ho'i me ka hui kūkulu hale 'o Gentry Homes. Ua kāpae 'ia 'elua papahana kū'ai hale o kēia hopena pule, a me kēia hopena pule a'e. A ua ho'ōki 'ia ke kū'ai 'ia 'ana aku o ka hale hou e ua hui kūkulu hale lā ma muli o ka 'olohani o ia mau hui hana kīmeki.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
