Starbulletin.com

Kauakukalahale

Küpopou



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Ka hala o Puna me ka
aumakua Pueo



Synopsis: Continuation of the story of Kahalaopuna printed in Ka Hoku O Hawaii.



(Ho'omau 'ia)

Alaila hoomaka hou no ke aumakua Pueo o kona mau makua e eli hou no i kona lua i kanu ia ai, a hoala hou no ia "Ka hala o Puna" ai ke kane no e hoi ala, alaila, oli hou aku la no o Ka hala o Puna i na olelo e hoike ana no i kona hewa ole, ai ka lohe ana no o keia keiki alii o na Koolau i ka leo a ka wahine e uwe aku nei ma ka leo oli, ua pii hou mai la no oia a loaa mai la no o Ka hala o Puna e noho aku ana no iluna o kela pohaku, alaila, pepehi hou iho la no oia i kana wahine a make loa, alaila, eli hoi iho la no ma kekahi kaawale o kela pohaku a hoonalo iho la i kana kino me ke kipapa ana hoi i na pohaku i ka lua o Ka hala o Puna, ai kela kanu hou ana a ke kane lokoino a ke kamaalii wahine o ke awawa nani o Manoa, ua hiki ole i ke Aumakua Pueo o kela aliiwahine ke loaa hou kona kino make, a hiki ole hoi ke hoala hou iaia, oiai, ua hiki ole i kona mau maiuu ke eli hou iho a lawe ae i kona kino waiho maikai ia i kanu ia ai iwaho o ka lua, alaila, waiho aku la kona kino me ka moe malie ana ma kela lua kupapau ona i kanu ia ai a kipapa ia me na pohaku.

I ka maopopo ana i ka makuahine o Ka hala o Puna, ua make loa kana kaikamahine, alaila, ua hoololi ae la oia iaia iho i makani, a pa mai la me ka ikaika e lu ana i na pakauawa i maka ma kela awawa nani o Manoa, ao ka makuahine hoi o Ka hala o Puna. Ua hoolilo ia ae la oia i Anuenue, ae ukali mai ana no hoi mahope o ke Kino Makani o kana kane, a ina manawa a pau e pa ai ka makani me ka ua lilihua o Manoa, alaila, e ike pu ia aku ana ka ukali mai o ke Kino Anuenue o kana wahine a hiki wale no i keia manawa, a ma ke awawa no hoi o Manoa e ike mau ia ai ka lele ana o ka Manu Pueo a hiki wale no i keia manawa, a ua lilo hoi kela manu pueo i manu kapu i na kamaaina kahiko Manoa a hiki wale no i keia manawa.

Pipi Holo Kaao


BACK TO TOP
|

Hau‘oli Akaka



Synopsis: Hau'oli Akaka will perform at Ho'okani. The concert is free.



'Auhea 'oukou e nä makamaka puni mele Hawai'i, 'o Hau'oli Akaka ka pu'ukani i këia Pö'alima ma Ho'okani. He kumu a'o 'ölelo Hawai'i 'o ia no ke kula ki'eki'e o Kailua. A ua kau 'o ia i ka hano häweo no ka maika'i loa o kona a'o 'ana. Lohe 'ia ho'i ko ia nei leo le'a ma nä wahi like 'ole a puni këia pae 'äina. He hui hïmeni kona i kapa 'ia 'o Kolonahe. A pa'ë mai kona leo i këlä me këia Läpule ma ka papahana lekiö 'o Ka Leo Hawai'i. A no nä makahiki he 15 i hala, 'o ia nei nö kekahi o nä M.C. o ka 'ahamele Ho'omau no ka pono o nä kula kamali'i a me nä kula kaiapuni a pau o O'ahu nei. A he M.C. nö ho'i ua Hau'oli nei no ka ho'okükü hula 'o "Iä 'oe e ka lä" ma Kaleponi. A 'a'ole ma ke mele wale nö kona kälena, ma ka hula nö kekahi. He 'olu maoli nö ko ia nei kino i ka hula, 'oiai he haumäna 'o ia na Palani Kahala a me Ed Kalahiki.

E hïmeni ana 'o Hau'oli Akaka i këia Pö'alima, ma Mänoa Gardens, i ke Kula Nui o Hawai'i ma Mänoa. Ho'omaka i ka hola 6:00 o ke ahiahi, a pau i ka hola 8:30.




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ka hala o Puna me ka
aumakua Pueo



Synopsis: Continuation of the story of Kahalaopuna printed in Ka Hoku O Hawaii.



(Ho'omau 'ia)

Alaila hoomaka hou no ke aumakua Pueo o kona mau makua e eli hou no i kona lua i kanu ia ai, a hoala hou no ia "Ka hala o Puna" ai ke kane no e hoi ala, alaila, oli hou aku la no o Ka hala o Puna i na olelo e hoike ana no i kona hewa ole, ai ka lohe ana no o keia keiki alii o na Koolau i ka leo a ka wahine e uwe aku nei ma ka leo oli, ua pii hou mai la no oia a loaa mai la no o Ka hala o Puna e noho aku ana no iluna o kela pohaku, alaila, pepehi hou iho la no oia i kana wahine a make loa, alaila, eli hoi iho la no ma kekahi kaawale o kela pohaku a hoonalo iho la i kana kino me ke kipapa ana hoi i na pohaku i ka lua o Ka hala o Puna, ai kela kanu hou ana a ke kane lokoino a ke kamaalii wahine o ke awawa nani o Manoa, ua hiki ole i ke Aumakua Pueo o kela aliiwahine ke loaa hou kona kino make, a hiki ole hoi ke hoala hou iaia, oiai, ua hiki ole i kona mau maiuu ke eli hou iho a lawe ae i kona kino waiho maikai ia i kanu ia ai iwaho o ka lua, alaila, waiho aku la kona kino me ka moe malie ana ma kela lua kupapau ona i kanu ia ai a kipapa ia me na pohaku.

I ka maopopo ana i ka makuahine o Ka hala o Puna, ua make loa kana kaikamahine, alaila, ua hoololi ae la oia iaia iho i makani, a pa mai la me ka ikaika e lu ana i na pakauawa i maka ma kela awawa nani o Manoa, ao ka makuahine hoi o Ka hala o Puna. Ua hoolilo ia ae la oia i Anuenue, ae ukali mai ana no hoi mahope o ke Kino Makani o kana kane, a ina manawa a pau e pa ai ka makani me ka ua lilihua o Manoa, alaila, e ike pu ia aku ana ka ukali mai o ke Kino Anuenue o kana wahine a hiki wale no i keia manawa, a ma ke awawa no hoi o Manoa e ike mau ia ai ka lele ana o ka Manu Pueo a hiki wale no i keia manawa, a ua lilo hoi kela manu pueo i manu kapu i na kamaaina kahiko Manoa a hiki wale no i keia manawa.

Pipi Holo Kaao


BACK TO TOP
|

Hau‘oli Akaka



Synopsis: Hau'oli Akaka will perform at Ho'okani. The concert is free.



'Auhea 'oukou e nā makamaka puni mele Hawai'i, 'o Hau'oli Akaka ka pu'ukani i kēia Pō'alima ma Ho'okani. He kumu a'o 'ōlelo Hawai'i 'o ia no ke kula ki'eki'e o Kailua. A ua kau 'o ia i ka hano hāweo no ka maika'i loa o kona a'o 'ana. Lohe 'ia ho'i ko ia nei leo le'a ma nā wahi like 'ole a puni kēia pae 'āina. He hui hīmeni kona i kapa 'ia 'o Kolonahe. A pa'ē mai kona leo i kēlā me kēia Lāpule ma ka papahana lekiō 'o Ka Leo Hawai'i. A no nā makahiki he 15 i hala, 'o ia nei nō kekahi o nā M.C. o ka 'ahamele Ho'omau no ka pono o nā kula kamali'i a me nā kula kaiapuni a pau o O'ahu nei. A he M.C. nō ho'i ua Hau'oli nei no ka ho'okūkū hula 'o "Iā 'oe e ka lā" ma Kaleponi. A 'a'ole ma ke mele wale nō kona kālena, ma ka hula nō kekahi. He 'olu maoli nō ko ia nei kino i ka hula, 'oiai he haumāna 'o ia na Palani Kahala a me Ed Kalahiki.

E hīmeni ana 'o Hau'oli Akaka i kēia Pō'alima, ma Mānoa Gardens, i ke Kula Nui o Hawai'i ma Mānoa. Ho'omaka i ka hola 6:00 o ke ahiahi, a pau i ka hola 8:30.




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

--Advertisements--
--Advertisements--


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2004 Honolulu Star-Bulletin -- https://archives.starbulletin.com


-Advertisement-