Küpopou
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Ka hala o Puna me
ka aumakua PueoHe Kaao Hawaii No Manoa
Synopsis: The story of Kahalaopuna printed in Ka Hoku O Hawaii.I kela manawa kahiko loa, e noho ana ma ke awawa nani o Manoa he mau Makua Hawaii. He mau Makua hoi i hilinai i ko laua Aumakua "Pueo" a ua hilinai laua i keia ano aumakua mai na kupuna mai, a mamuli o ko laua hilinai i ka Aumakua Pueo, ua hoomaikai ia ko laua noho kane a wahine ana, mao ka haawi ia ana mai he kaikamahine ui, ai lilo hoi kona ola ana i mea hookapu ia e ke kahuna kahiko o Manoa.
I ka hanau ana mai o keia kaikamahine ui, ua kapa ihola ka makuahine i kona inoa o Kahalaopuna. Ua kukulu aela kona makuakane i halekapu palama no ka laua kaikamahine, a mamuli o kona hanai kapu loa ia ana, ua hekau mau ma luna o kela hale mauu lai ke anuenue nani, a aia ka malama ia ana o Kahalaopuna ma lalo o ka hoomalu ana a kekahi kahuna kahiko o Manoa, a ua hanai palama loa kona hanai ia ana, a malalo hoi o ka hoomalu ana a ka Aumakua Pueo, a mamuli o ka ui loa o keia kaikamahine, ua kau mau ka hoailona o ke anuenue ma luna o kona hale lau lai, a ua pinepine na manawa o kona mau makua i holo ai i ka hale o ka laua kaikamahine me ka manao kuhihewa ua pau i ke ahi ka hale o ka laua kaikamahine, eia ka, o ka ui keia o ka Halaopuna e pua nei ma waho o kona hale lau lai.
Ua hanai kapu loa ia o Ka hala o Puna a hiki wale no i kona nui ana, a ua hookapu loa ia kona kino a laa i ke keiki alii o na Koolau, a aole no hoi oia i hookuu wale ia e na maka o ka lehulehu o ke "Awawa o Manoa" ae kiai maluhia ia kona kino e ka "Aumakua Pueo o kona mau Makua" a e hoike ia ana no hoi kona ano alii mai ka po mai e ke kau mau ana o ke anuenue maluna ponoi o kona hale lau lai. Aole no hoi oia e ike wale ia e ka maka o ka lehulehu o Manoa, a ua palama ia kona kino me ka laahia loa, a o ka maka wale no o kona mau makua ke ike ia ia i kekahi manawa wale no, a aia no hoi kona malama ia ana me ka hookapukapu loa ia o kona kino me kona helehelena ma lalo o ka hoomalu ana a ke kahuna e kiai ana i kona ola ana.
Mamuli no hoi o kona hanai hookapu ia ana, ua ala ae la ka manao huwahuwa iloko o kekahi mau wahi elemakule manao ino o Manoa, a laila, imi iho la laua e ku ko lau makaia ma luna o keia kaikamahine alii o Manoa, ai kekahi manawa, ua hele iho la ua mau wahi elemakule manao ino nei e kui lei lehua no laua, ai ka ohu ana o keia mau elemakule pupuka ino, a laila, hoomaka iho la laua e hele kaapuni i na pali o Koolau, ae ake ana hoi e ike i kela keiki alii o na Koolau. Ai ko laua halawai ana me ua keiki nei o na Pali koolau, a laila, ua akena wale aku la laua i ke kui ana o "Kahalaopuna i ko laua lei.
('A'ole i pau.)
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Ka hala o Puna me
ka aumakua PueoHe Kaao Hawaii No Manoa
Synopsis: The story of Kahalaopuna printed in Ka Hoku O Hawaii.I kela manawa kahiko loa, e noho ana ma ke awawa nani o Manoa he mau Makua Hawaii. He mau Makua hoi i hilinai i ko laua Aumakua "Pueo" a ua hilinai laua i keia ano aumakua mai na kupuna mai, a mamuli o ko laua hilinai i ka Aumakua Pueo, ua hoomaikai ia ko laua noho kane a wahine ana, mao ka haawi ia ana mai he kaikamahine ui, ai lilo hoi kona ola ana i mea hookapu ia e ke kahuna kahiko o Manoa.
I ka hanau ana mai o keia kaikamahine ui, ua kapa ihola ka makuahine i kona inoa o Kahalaopuna. Ua kukulu aela kona makuakane i halekapu palama no ka laua kaikamahine, a mamuli o kona hanai kapu loa ia ana, ua hekau mau ma luna o kela hale mauu lai ke anuenue nani, a aia ka malama ia ana o Kahalaopuna ma lalo o ka hoomalu ana a kekahi kahuna kahiko o Manoa, a ua hanai palama loa kona hanai ia ana, a malalo hoi o ka hoomalu ana a ka Aumakua Pueo, a mamuli o ka ui loa o keia kaikamahine, ua kau mau ka hoailona o ke anuenue ma luna o kona hale lau lai, a ua pinepine na manawa o kona mau makua i holo ai i ka hale o ka laua kaikamahine me ka manao kuhihewa ua pau i ke ahi ka hale o ka laua kaikamahine, eia ka, o ka ui keia o ka Halaopuna e pua nei ma waho o kona hale lau lai.
Ua hanai kapu loa ia o Ka hala o Puna a hiki wale no i kona nui ana, a ua hookapu loa ia kona kino a laa i ke keiki alii o na Koolau, a aole no hoi oia i hookuu wale ia e na maka o ka lehulehu o ke "Awawa o Manoa" ae kiai maluhia ia kona kino e ka "Aumakua Pueo o kona mau Makua" a e hoike ia ana no hoi kona ano alii mai ka po mai e ke kau mau ana o ke anuenue maluna ponoi o kona hale lau lai. Aole no hoi oia e ike wale ia e ka maka o ka lehulehu o Manoa, a ua palama ia kona kino me ka laahia loa, a o ka maka wale no o kona mau makua ke ike ia ia i kekahi manawa wale no, a aia no hoi kona malama ia ana me ka hookapukapu loa ia o kona kino me kona helehelena ma lalo o ka hoomalu ana a ke kahuna e kiai ana i kona ola ana.
Mamuli no hoi o kona hanai hookapu ia ana, ua ala ae la ka manao huwahuwa iloko o kekahi mau wahi elemakule manao ino o Manoa, a laila, imi iho la laua e ku ko lau makaia ma luna o keia kaikamahine alii o Manoa, ai kekahi manawa, ua hele iho la ua mau wahi elemakule manao ino nei e kui lei lehua no laua, ai ka ohu ana o keia mau elemakule pupuka ino, a laila, hoomaka iho la laua e hele kaapuni i na pali o Koolau, ae ake ana hoi e ike i kela keiki alii o na Koolau. Ai ko laua halawai ana me ua keiki nei o na Pali koolau, a laila, ua akena wale aku la laua i ke kui ana o "Kahalaopuna i ko laua lei.
('A'ole i pau.)
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
