Lilinoe Wong
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Nani Kaua‘i
Hemolele i ka mälie
Synopsis: The passing of our dear friend Nanikauai Keamoai must necessarily cause us to reflect on how we are maintaining the relationships we share with loved ones.E nä hoa makamaka heluhelu o nä 'äina mai 'ö a 'ö e kipa 'ia e Kauakükalahale. Aia nö i loko o käkou a pau ka 'ike ho'älohaloha a ho'olauna ho'i e pili aku a pili mai ai me nä hoa kanaka o ka noho pü 'ana, 'eä. Ho'omana'o 'ia nä hoapili o ka holoholo pü 'ana i loko o ka wä kamali'i a pëia ho'i me nä hoa 'alo 'ïnea o ka wä 'öpiopio. He mea maopopo iä käkou a pau ke 'ano o ia 'ano pilina he hoaaloha. 'O kekahi o nä hoa pa'a o ka wä 'öpiopio, 'a'ole 'ike hou 'ia mai ia hope mai. 'A'ole e nalo ke aloha, eia na'e, 'a'ole like ka pa'a o ia pilina e like me ia wä i hala. Kohu mea no ia wä wale nö ka pa'a o ia pilina a hiki mai i kahi e ka'awale ai ka hele 'ana.
I ka makahiki 'umikümäiwa kanaiwakümähiku, hele au i kekahi huaka'i ho'onui 'ike me nä papa 'ölelo Hawai'i o Ke Kulanui o Hawai'i ma Mänoa a me ka hui pä'ani pöhili i kapa 'ia 'o Ke A'a Mäkälei. I mälama 'ia ua huaka'i lä i Maui i mea e hiki ai i nä haumäna ke ho'oikaika kä läkou 'ölelo Hawai'i ma o ka noho pü 'ana me kekahi mau känaka 'ölelo Hawai'i. Komo pü akula nä haumäna ma nä hana like 'ole o ka noho 'ana i ka 'äina, 'o ia ho'i, 'o ka huhuki kalo 'oe, ka waele nähelehele 'oe, ka lawai'a, ka ho'omäkaukau mea'ai, a pëlä wale aku. A i mea e loa'a ai kekahi po'e i 'ike i ia 'ano noho 'ana ma loko o ka 'ölelo Hawai'i, no laila, ua kono 'ia akula kekahi po'e hoa no Ni'ihau mai, 'oiai ua wali iä läkou ka 'ölelo e pono ai ia 'ano nohona. Ma laila au i launa mua ai me Judy Nanikauai Keamoai a me käna keiki hänai 'o Manolani. I loko o ia wä pökole wale nö, ua lilo läua ala i hoa pili pa'a no'u, no ko'u 'ohana, a no nä haumäna ho'i he nui aku nö. 'O ia pa'a nö o ka pilina mai ia manawa mai, a i ka makahiki kanaiwakümäiwa, ua lohe 'o ia i ka 'ölelo hö'ike a ke kauka no ka loa'a 'ana o kona kino i ka ma'i 'a'ai. Ua wänana 'ia e ke kauka, ma kahi o ho'okahi wale nö makahiki koe o kona ola 'ana ma ka honua nei.
Iä Nanikauai i ha'i mua mai ai ia'u i këia 'ölelo ho'okaumaha a ke kauka, pane akula au penei, "'A'ole 'o ia 'o ke Akua. 'O ke Akua wale nö kai 'ike." I loko o ia mau makahiki o kona ho'omanawanui 'ana i ka 'eha a me ka poluea, ma muli o ka nele o nä lä'au a me nä pono 'ë a'e e lapa'au ai a ola ia ma'i 'a'ai, lele pinepine maila 'o ia i O'ahu nei a noho i ka haukapila 'o Queen's, a i kekahi manawa, noho pü me ko'u 'ohana.
I loko nö o ke 'ano ka'awale o ko mäua hele 'ana ma nä ala 'oko'a i kahi wä, hui hou nö mäua i kekahi wä a 'o ia mau pa'a nö o ka pilina. Ua hele aku nei 'o Nanikauai i ke ala ho'i 'ole mai, a no ia mea e pa'a mau ai ka pilina. Na ke Akua ia ala i koho, 'a'ole na ke kanaka. A hui hou e ku'u hoa.
Ke Akua pü a hui hou käkou
Näna e kia'i a kökua
A ho'omalu iä käkou lä
Ke Akua pü a hui hou käkou
Hui hou, hui hou
Ma ko Iesu mau wäwae
Hui hou
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Nani Kaua‘i
Hemolele i ka mālie
Synopsis: The passing of our dear friend Nanikauai Keamoai must necessarily cause us to reflect on how we are maintaining the relationships we share with loved ones.E nā hoa makamaka heluhelu o nā 'āina mai 'ō a 'ō e kipa 'ia e Kauakūkalahale. Aia nō i loko o kākou a pau ka 'ike ho'ālohaloha a ho'olauna ho'i e pili aku a pili mai ai me nā hoa kanaka o ka noho pū 'ana, 'eā. Ho'omana'o 'ia nā hoapili o ka holoholo pū 'ana i loko o ka wā kamali'i a pēia ho'i me nā hoa 'alo 'īnea o ka wā 'ōpiopio. He mea maopopo iā kākou a pau ke 'ano o ia 'ano pilina he hoaaloha. 'O kekahi o nā hoa pa'a o ka wā 'ōpiopio, 'a'ole 'ike hou 'ia mai ia hope mai. 'A'ole e nalo ke aloha, eia na'e, 'a'ole like ka pa'a o ia pilina e like me ia wā i hala. Kohu mea no ia wā wale nō ka pa'a o ia pilina a hiki mai i kahi e ka'awale ai ka hele 'ana.
I ka makahiki 'umikūmāiwa kanaiwakūmāhiku, hele au i kekahi huaka'i ho'onui 'ike me nā papa 'ōlelo Hawai'i o Ke Kulanui o Hawai'i ma Mānoa a me ka hui pā'ani pōhili i kapa 'ia 'o Ke A'a Mākālei. I mālama 'ia ua huaka'i lā i Maui i mea e hiki ai i nā haumāna ke ho'oikaika kā lākou 'ōlelo Hawai'i ma o ka noho pū 'ana me kekahi mau kānaka 'ōlelo Hawai'i. Komo pū akula nā haumāna ma nā hana like 'ole o ka noho 'ana i ka 'āina, 'o ia ho'i, 'o ka huhuki kalo 'oe, ka waele nāhelehele 'oe, ka lawai'a, ka ho'omākaukau mea'ai, a pēlā wale aku. A i mea e loa'a ai kekahi po'e i 'ike i ia 'ano noho 'ana ma loko o ka 'ōlelo Hawai'i, no laila, ua kono 'ia akula kekahi po'e hoa no Ni'ihau mai, 'oiai ua wali iā lākou ka 'ōlelo e pono ai ia 'ano nohona. Ma laila au i launa mua ai me Judy Nanikauai Keamoai a me kāna keiki hānai 'o Manolani. I loko o ia wā pōkole wale nō, ua lilo lāua ala i hoa pili pa'a no'u, no ko'u 'ohana, a no nā haumāna ho'i he nui aku nō. 'O ia pa'a nō o ka pilina mai ia manawa mai, a i ka makahiki kanaiwakūmāiwa, ua lohe 'o ia i ka 'ōlelo hō'ike a ke kauka no ka loa'a 'ana o kona kino i ka ma'i 'a'ai. Ua wānana 'ia e ke kauka, ma kahi o ho'okahi wale nō makahiki koe o kona ola 'ana ma ka honua nei.
Iā Nanikauai i ha'i mua mai ai ia'u i kēia 'ōlelo ho'okaumaha a ke kauka, pane akula au penei, "'A'ole 'o ia 'o ke Akua. 'O ke Akua wale nō kai 'ike." I loko o ia mau makahiki o kona ho'omanawanui 'ana i ka 'eha a me ka poluea, ma muli o ka nele o nā lā'au a me nā pono 'ē a'e e lapa'au ai a ola ia ma'i 'a'ai, lele pinepine maila 'o ia i O'ahu nei a noho i ka haukapila 'o Queen's, a i kekahi manawa, noho pū me ko'u 'ohana.
I loko nō o ke 'ano ka'awale o ko māua hele 'ana ma nā ala 'oko'a i kahi wā, hui hou nō māua i kekahi wā a 'o ia mau pa'a nō o ka pilina. Ua hele aku nei 'o Nanikauai i ke ala ho'i 'ole mai, a no ia mea e pa'a mau ai ka pilina. Na ke Akua ia ala i koho, 'a'ole na ke kanaka. A hui hou e ku'u hoa.
Ke Akua pū a hui hou kākou
Nāna e kia'i a kōkua
A ho'omalu iā kākou lā
Ke Akua pū a hui hou kākou
Hui hou, hui hou
Ma ko Iesu mau wāwae
Hui hou
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
