Küpopou
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
No Ke Ano Ahiahi
Synopsis: A short advertisement for No Ke Ano Ahiahi, a concert benefiting Farrington High School Athletics, The Cup of Freedom Ministry and Ka Pünana Leo o Honolulu Hawaiian Immersion Pre-school, on Friday, Jan. 16, 2004, 5-10 p.m. at the Farrington High School amphitheater. For more information, please call Ka Pünana Leo o Honolulu at 841-6655.
No ke ano ahiahi ke aloha laPëlä nö ke mele i haku 'ia no ka mö'ï käne 'o Lunalilo. He mele kaulana këia a ua lohea 'ia ho'i kona külana hanohano e ka nui lehulehu mai 'ö a 'ö o ka honua nei o käkou. No ka nahe-nahe o kona leo ke mele 'ia a me ka nani lua 'ole ho'i o kona hula noho ke 'ike 'ia, ua lilo ia i mele punahele no käkou a pau.
'O ka häli'ali'a 'ana maiMe ia mana'o e ho'olaha 'ia aku nei këia 'aha mele i kapa 'ia ho'i ma ka inoa o ua mele nei, 'o ia ho'i Ka 'Aha Mele 'O No Ke Ano Ahiahi. He 'aha mele këia e nanea mai ai nä pepeiao a e lana ai ho'i ka mana'o i ka nahe-nahe o nä pu'u kani e hïmeni ana, 'o ia ho'i 'o Jerry Santos, Keawe Lopes (Lehuakea), Nä Waiho'olu'u o Ke Änuenue, Mähiehie, O'Brian Eselu, Vaihi a me Karen Keawehawai'i. Ua laki nö ho'i käkou i ke käko'o pü 'ana mai o nä hälau hula ma këia papahana, 'o ia ho'i ke Kamehameha School Hawaiian Ensemble, Hälau Näleiokamakani, Nä Mamo o Pu'uana-hulu, Ka Pä Hula o Kauanoe o Wa'ahila a me Ke Kai o Kahiki.
E lilo ana ka pömaika'i e loa'a ana i Ke Ke'ena 'Älapa o Ke Kula Ki'eki'e 'o Farrington, The Cup of Freedom Ministry a me Ka Pünana Leo o Honolulu. A no laila, e naue mai ka 'ohana a me nä hoa aloha o Hawai'i nei a puni e käko'o mai i nei papahana. E mälama 'ia ana ma Ke Kula Ki'eki'e 'o Farrington, i ka lä 16 o Ianuali, mai ka hola 5 a i ka hola 10 o ke ahiahi. He 'umi kälä ke kumu kü'ai o nä likiki komo. E kelepona mai i Ka Pünana Leo o Honolulu (841-6655) ke makemake 'ia ke kü'ai 'ana mai i ka likiki no këia 'aha mele 'o No Ke Ano Ahiahi.
BACK TO TOP |
He mo‘olelo Kalikimaka
Synopsis: Another version of the traditional Christmas story, "A Christmas Carol" (continued).(Ho'omau 'ia)
'O këia 'ölelo a'oa'o a Kapono i käna keiki, he küpono, 'oiai, 'o kekahi mau keiki Hawai'i, 'a'ole i maopopo iki nä hana like 'ole a nä küpuna o käkou, 'o ka mahi'ai 'oe, 'o ka lawai'a 'oe, 'o ka ho'okele wa'a 'oe, 'o ke kükulu hale pili a me ia hana aku ia hana aku. A 'o kekahi pili-kia, 'a'ole a'o 'ia ia mau mea ma ke kula aupuni e holo ai ka 'ölelo, "Ma ka hana ka 'ike." A pëlä pü me ka mo'olelo o ke aupuni Hawai'i a me nä mea o ke au kahiko o Hawai'i nei. A 'o ka po'e o ka 'äina 'ë kekahi i maopopo 'ole ka mo'olelo, a 'o ia paha ka mea a kekahi mamo a Wa'awa'aiki i kapa ai i ka Hawai'i, he hüpö. No kona 'ike 'ole ia i ka mo'olelo o ka Hawai'i.
'A'ole i pau.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.No Ke Ano Ahiahi
Synopsis: A short advertisement for No Ke Ano Ahiahi, a concert benefiting Farrington High School Athletics, The Cup of Freedom Ministry and Ka Pūnana Leo o Honolulu Hawaiian Immersion Pre-school, on Friday, Jan. 16, 2004, 5-10 p.m. at the Farrington High School amphitheater. For more information, please call Ka Pūnana Leo o Honolulu at 841-6655.
No ke ano ahiahi ke aloha laPēlā nō ke mele i haku 'ia no ka mō'ī kāne 'o Lunalilo. He mele kaulana kēia a ua lohea 'ia ho'i kona kūlana hanohano e ka nui lehulehu mai 'ō a 'ō o ka honua nei o kākou. No ka nahe-nahe o kona leo ke mele 'ia a me ka nani lua 'ole ho'i o kona hula noho ke 'ike 'ia, ua lilo ia i mele punahele no kākou a pau.
'O ka hāli'ali'a 'ana maiMe ia mana'o e ho'olaha 'ia aku nei kēia 'aha mele i kapa 'ia ho'i ma ka inoa o ua mele nei, 'o ia ho'i Ka 'Aha Mele 'O No Ke Ano Ahiahi. He 'aha mele kēia e nanea mai ai nā pepeiao a e lana ai ho'i ka mana'o i ka nahe-nahe o nā pu'u kani e hīmeni ana, 'o ia ho'i 'o Jerry Santos, Keawe Lopes (Lehuakea), Nā Waiho'olu'u o Ke Ānuenue, Māhiehie, O'Brian Eselu, Vaihi a me Karen Keawehawai'i. Ua laki nō ho'i kākou i ke kāko'o pū 'ana mai o nā hālau hula ma kēia papahana, 'o ia ho'i ke Kamehameha School Hawaiian Ensemble, Hālau Nāleiokamakani, Nā Mamo o Pu'uana-hulu, Ka Pā Hula o Kauanoe o Wa'ahila a me Ke Kai o Kahiki.
E lilo ana ka pōmaika'i e loa'a ana i Ke Ke'ena 'Ālapa o Ke Kula Ki'eki'e 'o Farrington, The Cup of Freedom Ministry a me Ka Pūnana Leo o Honolulu. A no laila, e naue mai ka 'ohana a me nā hoa aloha o Hawai'i nei a puni e kāko'o mai i nei papahana. E mālama 'ia ana ma Ke Kula Ki'eki'e 'o Farrington, i ka lā 16 o Ianuali, mai ka hola 5 a i ka hola 10 o ke ahiahi. He 'umi kālā ke kumu kū'ai o nā likiki komo. E kelepona mai i Ka Pūnana Leo o Honolulu (841-6655) ke makemake 'ia ke kū'ai 'ana mai i ka likiki no kēia 'aha mele 'o No Ke Ano Ahiahi.
BACK TO TOP |
He mo‘olelo Kalikimaka
Synopsis: Another version of the traditional Christmas story, "A Christmas Carol" (continued).(Ho'omau 'ia)
'O kēia 'ōlelo a'oa'o a Kapono i kāna keiki, he kūpono, 'oiai, 'o kekahi mau keiki Hawai'i, 'a'ole i maopopo iki nā hana like 'ole a nā kūpuna o kākou, 'o ka mahi'ai 'oe, 'o ka lawai'a 'oe, 'o ka ho'okele wa'a 'oe, 'o ke kūkulu hale pili a me ia hana aku ia hana aku. A 'o kekahi pili-kia, 'a'ole a'o 'ia ia mau mea ma ke kula aupuni e holo ai ka 'ōlelo, "Ma ka hana ka 'ike." A pēlā pū me ka mo'olelo o ke aupuni Hawai'i a me nā mea o ke au kahiko o Hawai'i nei. A 'o ka po'e o ka 'āina 'ē kekahi i maopopo 'ole ka mo'olelo, a 'o ia paha ka mea a kekahi mamo a Wa'awa'aiki i kapa ai i ka Hawai'i, he hūpō. No kona 'ike 'ole ia i ka mo'olelo o ka Hawai'i.
'A'ole i pau.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
