Mehana Ka'iama
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Ke Holo nei nä ‘Äweoweo
Synopsis: This article speaks of the past "Kü i ka Pono" march and its success as well as the upcoming march and the events surrounding it. The new march will be held from Nov. 16 - 18 and pertains to the lawsuits filed against the Office of Hawaiian Affairs, the Department of Hawaiian Home Lands and the Kamehameha Schools. Hawaiians and Hawaiian supporters are being encouraged to show their displeasure with these lawsuits.Ma ka lä 7 o Kepakemapa o këia makahiki, ua 'äkoakoa nä pua o Hawai'i ma Waikïkï no "Kü i ka Pono." He mau känaka Hawai'i a me nä känaka käko'o, he 10 kaukani a keu, kai "Kü i ka Pono." Ua komo 'ia nä pälule 'ula'ula e ka po'e ma ka huaka'i, ua like ke alanui me ke kai 'ula'ula. "Ke holo nei nä 'Äweoweo" i 'ölelo mai ai kekahi kanaka ia'u. Ma o ko käkou olowalu 'ana e lohe 'ia aku ai käkou. I këia manawa pono nö käkou a pau e ho'omäkaukau no ke kü hou 'ana i ka pono.
Aia ke kü'ë hou ma ka lä 16 - 18 o Nowemapa. 'A'ole e li'uli'u hiki mai ana këia mau lä 3. A he mea hoihoi a pono ka hele 'ana o nä känaka Hawai'i a me nä känaka käko'o. Aia wale nö a hana pü käkou, a laila hiki i ka lähui Hawai'i ke holomua.
Ma ka Läpule, e 'äkoakoa ana käkou ma Mauna'ala ma ka hola 3:00 o ka 'auinalä a ka'i käkou mai këlä wahi a hiki i ka Hale Ali'i 'o 'Iolani. Ma laila nö e hö'aumoe ai i ia pö inä 'o ia ka makemake. Lawe mai i ka hale pe'a, ka ukana a me ka mea 'ai. Nä mea pono no kekahi pö. Hiki ke ho'okü i ke ka'a ma ka Hale Ali'i 'o 'Iolani a kau ma luna o ke ka'a 'öhua e hele ana i Mauna'ala. Ma hope o këia huaka'i mua, e 'äkoakoa ana käkou ma ka Hale Ali'i 'o 'Iolani. Aia nä ha'i 'ölelo, ka hula a me nä hui hïmeni ma këlä pö.
I ka puka 'ana o ka lä e ka'i ana käkou mai ka Hale Ali'i 'o 'Iolani a hiki i ka Hale ho'okolokolo pekelala. E puni ana ka Hale ho'okolokolo iä käkou a häpai käkou i nä lama. Pëia ana käkou e hana ai, no ka mea, aia ke Ke'ena Kuleana Hawai'i, ke Ke'ena 'Äina Ho'opulapula a me kekahi pono o ke kula ki'eki'e 'o Kamehameha ma ka Hale ho'okolokolo. E 'ole ua mau 'ahahui nei, loa'a ai i ka po'e Hawai'i nä pömaika'i he nui. 'A'ole hemolele këia mau 'ahahui, akä aia nä mea maika'i i loko o këlä mau mea a pau. A hiki ke ho'ohana 'ia nä mea maika'i o këia mau 'ahahui e ka po'e Hawai'i. E kü'ë ana käkou ma ka Hale ho'okolokolo pekelala. Inä hiki iä 'oe ke noho ma ka Hale ho'okolokolo no ka lä holo'oko'a, he mea maika'i nui loa këlä. Hiki ke komo i loko a ho'olohe. Mai poina, lawe mai i käu mau hö'ailona a me kou pälule 'ula'ula.
Ke pau ka hana ma ka Pö'akahi, e ho'i i ka hale a e hui hou ma ke kakahiaka o ka Pö'alua ma kahi o ka hola 9:00 ma ka hale ho'okolokolo. Ma këia lä, aia 'o Kamehameha ma ka Hale ho'okolokolo no Brayden Mohica Cummings. E like me ka Pö'akahi, lawe mai 'oe i ka hö'ailona a komo mai i ka pälule 'ula'ula.
Aia ka pono o këia mau kü'ë 'o ka hui 'ana o nä po'e he nui me ka mana'o pa'a a me ka mana'o ho'okahi. 'A'ole like a like ko käkou mau mana'o a pau, akä na'e, maopopo iä käkou a pau hewa loa nä känaka e makemake e ho'opau i nä 'ahahui e hana ana no ka pono o ka po'e Hawai'i. 'O nä känaka maoli ka po'e nona këia 'äina. A pono nö käkou a pau e kü'ë no ka mea pono. 'O wai ke kü'ë? 'O wai nä 'Äweoweo e holo ana?
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Ke Holo nei nā ‘Āweoweo
Synopsis: This article speaks of the past "Kū i ka Pono" march and its success as well as the upcoming march and the events surrounding it. The new march will be held from Nov. 16 - 18 and pertains to the lawsuits filed against the Office of Hawaiian Affairs, the Department of Hawaiian Home Lands and the Kamehameha Schools. Hawaiians and Hawaiian supporters are being encouraged to show their displeasure with these lawsuits.Ma ka lā 7 o Kepakemapa o kēia makahiki, ua 'ākoakoa nā pua o Hawai'i ma Waikīkī no "Kū i ka Pono." He mau kānaka Hawai'i a me nā kānaka kāko'o, he 10 kaukani a keu, kai "Kū i ka Pono." Ua komo 'ia nā pālule 'ula'ula e ka po'e ma ka huaka'i, ua like ke alanui me ke kai 'ula'ula. "Ke holo nei nā 'Āweoweo" i 'ōlelo mai ai kekahi kanaka ia'u. Ma o ko kākou olowalu 'ana e lohe 'ia aku ai kākou. I kēia manawa pono nō kākou a pau e ho'omākaukau no ke kū hou 'ana i ka pono.
Aia ke kū'ē hou ma ka lā 16 - 18 o Nowemapa. 'A'ole e li'uli'u hiki mai ana kēia mau lā 3. A he mea hoihoi a pono ka hele 'ana o nā kānaka Hawai'i a me nā kānaka kāko'o. Aia wale nō a hana pū kākou, a laila hiki i ka lāhui Hawai'i ke holomua.
Ma ka Lāpule, e 'ākoakoa ana kākou ma Mauna'ala ma ka hola 3:00 o ka 'auinalā a ka'i kākou mai kēlā wahi a hiki i ka Hale Ali'i 'o 'Iolani. Ma laila nō e hō'aumoe ai i ia pō inā 'o ia ka makemake. Lawe mai i ka hale pe'a, ka ukana a me ka mea 'ai. Nā mea pono no kekahi pō. Hiki ke ho'okū i ke ka'a ma ka Hale Ali'i 'o 'Iolani a kau ma luna o ke ka'a 'ōhua e hele ana i Mauna'ala. Ma hope o kēia huaka'i mua, e 'ākoakoa ana kākou ma ka Hale Ali'i 'o 'Iolani. Aia nā ha'i 'ōlelo, ka hula a me nā hui hīmeni ma kēlā pō.
I ka puka 'ana o ka lā e ka'i ana kākou mai ka Hale Ali'i 'o 'Iolani a hiki i ka Hale ho'okolokolo pekelala. E puni ana ka Hale ho'okolokolo iā kākou a hāpai kākou i nā lama. Pēia ana kākou e hana ai, no ka mea, aia ke Ke'ena Kuleana Hawai'i, ke Ke'ena 'Āina Ho'opulapula a me kekahi pono o ke kula ki'eki'e 'o Kamehameha ma ka Hale ho'okolokolo. E 'ole ua mau 'ahahui nei, loa'a ai i ka po'e Hawai'i nā pōmaika'i he nui. 'A'ole hemolele kēia mau 'ahahui, akā aia nā mea maika'i i loko o kēlā mau mea a pau. A hiki ke ho'ohana 'ia nā mea maika'i o kēia mau 'ahahui e ka po'e Hawai'i. E kū'ē ana kākou ma ka Hale ho'okolokolo pekelala. Inā hiki iā 'oe ke noho ma ka Hale ho'okolokolo no ka lā holo'oko'a, he mea maika'i nui loa kēlā. Hiki ke komo i loko a ho'olohe. Mai poina, lawe mai i kāu mau hō'ailona a me kou pālule 'ula'ula.
Ke pau ka hana ma ka Pō'akahi, e ho'i i ka hale a e hui hou ma ke kakahiaka o ka Pō'alua ma kahi o ka hola 9:00 ma ka hale ho'okolokolo. Ma kēia lā, aia 'o Kamehameha ma ka Hale ho'okolokolo no Brayden Mohica Cummings. E like me ka Pō'akahi, lawe mai 'oe i ka hō'ailona a komo mai i ka pālule 'ula'ula.
Aia ka pono o kēia mau kū'ē 'o ka hui 'ana o nā po'e he nui me ka mana'o pa'a a me ka mana'o ho'okahi. 'A'ole like a like ko kākou mau mana'o a pau, akā na'e, maopopo iā kākou a pau hewa loa nā kānaka e makemake e ho'opau i nā 'ahahui e hana ana no ka pono o ka po'e Hawai'i. 'O nā kānaka maoli ka po'e nona kēia 'āina. A pono nō kākou a pau e kū'ē no ka mea pono. 'O wai ke kū'ē? 'O wai nā 'Āweoweo e holo ana?
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
