Laiana Wong
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Makahiki ‘elua
Synopsis: Good news, Kauakükalahale has reached the one year landmark. Please continue to submit your contributions that's how we made it this far.
'Auhea 'oukou e nä makamaka heluhelu o Kauakükalahale. E kü mai nö ka lau lama! I ka Pö'akahi o ka pule nei i ka'ahope a'e, ua piha ho'okahi makahiki o ka puka 'ana mai o kä käkou wahi kolamu aloha nei. A he pömaika'i maoli nö ia, no ka mea, i loko o ia puni makahiki 'ana, 'a'ohe wahi pule ho'okahi i hala me ka 'ike 'ole 'ia o ka nihi 'ana mai o Kauakükalahale i nä pali kuauli a kü ana ma nä kala hale o Honolulu. He kükala 'ana aku nö ho'i käna i nä mea hou hoihoi o ka 'äina a laha loa aku mai 'ö a 'ö o Hawai'i nei a puni.
Nani wale ka lokomaika'i o nä luna ho'oponopono o ka Hökü Buletina i ka ua mea 'o ko läkou ho'oka'awale 'ana i kauwahi 'ïniha kolamu i wahi e ho'oki'o ai nähi paka ua o Kauakükalahale. No laila mai ka wai e ho'äinu 'ia mai ai käkou, pau ho'i ka make inu.
I lä ho'ohau'oli 'i'o nö ia lä piha makahiki no ka po'e aloha a pau o ka 'ölelo Hawai'i e ho'omana'o ai. No ka mea, e like me ka piha 'ana i ke kamaiki o kona makahiki mua o këia ola honua 'ana, i hö'ailona maika'i ka piha makahiki o ke kolamu no kona ola o këia hope aku. E ho'omaopopo 'ia nö ho'i, 'o ka Hökü Buletina ka nüpepa ho'okahi wale nö o Hawai'i nei näna e mälama këia 'ano kolamu i käkau 'ia ma ka 'ölelo Hawai'i wale nö. 'A'ohe unuhi 'ia o ka mana'o haole mai loko mai o ia mau 'ölelo kanaka, a no ia mea, no laila e pi'i ai ke külana o ka 'ölelo Hawai'i. Mali'a o pi'i hou a'e ma nä pule e hiki mai ana a, i kekahi lä, kü hou nö i ka moku!
He mea 'oia'i'o, e 'ole ka 'eleu o nä mea käkau he nui i ho'ouna mai i kä läkou mau mo'olelo, ola ai ua kolamu aloha nei a käkou. A mahalo ho'i ka ho'omanawanui o nä makamaka heluhelu i ke kauwahi hemahema i komo ma ke kino o nëia kolamu i loko o kona makahiki mua. Ua ho'oponopono 'ia nö kekahi mau hemahema a, 'o kekahi na'e, aia nö ke koe nei. 'A'ole e hihi. Eia nö käkou ke 'ike nei i ka holomua ma ia mähele.
Inä he mau känaka hou aku a hoihoi nö ho'i i ia mea 'o ke käkau mo'olelo ma ka 'ölelo Hawai'i, e mähuahua a'e nö nä mo'olelo a hü a'e ma waho o këlä mau 'ïniha pökole, he iwakäluakümäkahi wale nö, i ho'oka'awale 'ia no ka 'ölelo Hawai'i. Mali'a o lilo ia i mea e loa'a mai ai kekahi mau 'ïniha hou aku. Hele nö ho'i a he 'oia'i'o, 'o ke ola ihola nö ia lä o ka 'ölelo Hawai'i, a pëia ho'i me ka po'e Hawai'i.
'O ka 'ö'ili mua 'ana këia o Kauakükalahale i këia makahiki 'elua. 'O wai lä ke käkau mai i kolamu no këia pule a'e? Eia nö mäua 'o Kekeha ke kono aku nei i nä makamaka a pau o ka 'ölelo Hawai'i e hö'eleu i ke käkau mo'olelo no nä 'ano kumuhana like 'ole, a ma nä 'ano like 'ole nö ho'i. 'O ia ho'i, he ho'olaha paha, he nühou paha, he mele, he lekapï, he leka käko'o a ho'ohalahala paha, ia mea aku ia mea aku. Mahalo ka mea loa'a!
BACK TO TOP |
Ka Hälau Hanakeaka
Synopsis: Auditions for Hawaiian language play are Nov. 7.'Auhea 'oukou e ka po'e hana keaka. E hele aku i ka ho'ä'o hana keaka no ka hana keaka o ka mo'olelo o Kamapua'a ma Kamakaküokalani, Hälau 'o Haumea, ma ke Kula Nui o Hawai'i ma Mänoa i këia Pö'alima, ka lä 7 o Nowemapa (11/07/03) mai ka hola 6:00 a i ka hola 8:00.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Makahiki ‘elua
Synopsis: Good news, Kauakūkalahale has reached the one year landmark. Please continue to submit your contributions that's how we made it this far.
'Auhea 'oukou e nā makamaka heluhelu o Kauakūkalahale. E kū mai nō ka lau lama! I ka Pō'akahi o ka pule nei i ka'ahope a'e, ua piha ho'okahi makahiki o ka puka 'ana mai o kā kākou wahi kolamu aloha nei. A he pōmaika'i maoli nō ia, no ka mea, i loko o ia puni makahiki 'ana, 'a'ohe wahi pule ho'okahi i hala me ka 'ike 'ole 'ia o ka nihi 'ana mai o Kauakūkalahale i nā pali kuauli a kū ana ma nā kala hale o Honolulu. He kūkala 'ana aku nō ho'i kāna i nā mea hou hoihoi o ka 'āina a laha loa aku mai 'ō a 'ō o Hawai'i nei a puni.
Nani wale ka lokomaika'i o nā luna ho'oponopono o ka Hōkū Buletina i ka ua mea 'o ko lākou ho'oka'awale 'ana i kauwahi 'īniha kolamu i wahi e ho'oki'o ai nāhi paka ua o Kauakūkalahale. No laila mai ka wai e ho'āinu 'ia mai ai kākou, pau ho'i ka make inu.
I lā ho'ohau'oli 'i'o nō ia lā piha makahiki no ka po'e aloha a pau o ka 'ōlelo Hawai'i e ho'omana'o ai. No ka mea, e like me ka piha 'ana i ke kamaiki o kona makahiki mua o kēia ola honua 'ana, i hō'ailona maika'i ka piha makahiki o ke kolamu no kona ola o kēia hope aku. E ho'omaopopo 'ia nō ho'i, 'o ka Hōkū Buletina ka nūpepa ho'okahi wale nō o Hawai'i nei nāna e mālama kēia 'ano kolamu i kākau 'ia ma ka 'ōlelo Hawai'i wale nō. 'A'ohe unuhi 'ia o ka mana'o haole mai loko mai o ia mau 'ōlelo kanaka, a no ia mea, no laila e pi'i ai ke kūlana o ka 'ōlelo Hawai'i. Mali'a o pi'i hou a'e ma nā pule e hiki mai ana a, i kekahi lā, kū hou nō i ka moku!
He mea 'oia'i'o, e 'ole ka 'eleu o nā mea kākau he nui i ho'ouna mai i kā lākou mau mo'olelo, ola ai ua kolamu aloha nei a kākou. A mahalo ho'i ka ho'omanawanui o nā makamaka heluhelu i ke kauwahi hemahema i komo ma ke kino o nēia kolamu i loko o kona makahiki mua. Ua ho'oponopono 'ia nō kekahi mau hemahema a, 'o kekahi na'e, aia nō ke koe nei. 'A'ole e hihi. Eia nō kākou ke 'ike nei i ka holomua ma ia māhele.
Inā he mau kānaka hou aku a hoihoi nō ho'i i ia mea 'o ke kākau mo'olelo ma ka 'ōlelo Hawai'i, e māhuahua a'e nō nā mo'olelo a hū a'e ma waho o kēlā mau 'īniha pōkole, he iwakāluakūmākahi wale nō, i ho'oka'awale 'ia no ka 'ōlelo Hawai'i. Mali'a o lilo ia i mea e loa'a mai ai kekahi mau 'īniha hou aku. Hele nō ho'i a he 'oia'i'o, 'o ke ola ihola nō ia lā o ka 'ōlelo Hawai'i, a pēia ho'i me ka po'e Hawai'i.
'O ka 'ō'ili mua 'ana kēia o Kauakūkalahale i kēia makahiki 'elua. 'O wai lā ke kākau mai i kolamu no kēia pule a'e? Eia nō māua 'o Kekeha ke kono aku nei i nā makamaka a pau o ka 'ōlelo Hawai'i e hō'eleu i ke kākau mo'olelo no nā 'ano kumuhana like 'ole, a ma nā 'ano like 'ole nō ho'i. 'O ia ho'i, he ho'olaha paha, he nūhou paha, he mele, he lekapī, he leka kāko'o a ho'ohalahala paha, ia mea aku ia mea aku. Mahalo ka mea loa'a!
BACK TO TOP |
Ka Hālau Hanakeaka
Synopsis: Auditions for Hawaiian language play are Nov. 7.'Auhea 'oukou e ka po'e hana keaka. E hele aku i ka ho'ā'o hana keaka no ka hana keaka o ka mo'olelo o Kamapua'a ma Kamakakūokalani, Hālau 'o Haumea, ma ke Kula Nui o Hawai'i ma Mānoa i kēia Pō'alima, ka lā 7 o Nowemapa (11/07/03) mai ka hola 6:00 a i ka hola 8:00.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
