Kaleo Wong
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
‘Ua pi‘i nö i ka
‘ulu o Maunawili’
Synopsis: An old proverbial saying slightly changed and a story created for it.
He kanaka kaulana 'o Pa'ahana i ka ua mea 'o ka nui o käna mau hana mai 'ö a 'ö, 'o ka päo'o lëkei ka hoa like. 'A'ole hiki iä ia ke ho'onanea ma ho'okahi wahi, pëlä kona 'ano. Noho ho'okahi 'o ia ma kona 'äina 'o Kohelepelepe.I kekahi lä, 'oiai 'o ia e holo ana mai kekahi hana a i kekahi hana, 'ike akula 'o ia i kona hoaaloha. 'Ölelo maila këlä, "I hea ana kou huaka'i e holo nei? Mai noho 'oe a ha'i iki, 'eä, i ka hana ana 'oe." Pane akula këia, "I hea lä? Aia nö i ke au a ka wäwae," a noke akula kona holo 'ana. Akä ua kü ka lä i ka lolo a wela ka 'äina, 'a'ohe wahi makani a pä mai, no laila, holo ka no'ono'o e hele i kahakai i käna mea walea 'o ka he'enalu. I pae aku kona hana i ka nalu mua, ua ho'omaopopo honua ihola 'o ia i ka pa'akikï launa 'ole mai o ia hana. 'A'ole wahi ma'alahi e like me ko ka wä 'öpio.
'O ka pühili ihola nö ia o kona no'ono'o i ka pa'akikï o ia hana, a no laila, ho'i akula ia i ka mälama i käna lo'i kalo, ka mäla 'uala, ka ulu niu, a me ia mea aku ia mea aku. 'O ia hana nö a manakä ihola i ia hana kekahi. 'O kona kau a'ela nö ia ma luna o kona wa'a holo honua, a hele i ka 'auana i 'ö, i 'ane'i, i kai a i uka, a 'olä'olä kona 'öpü.
I ia manawa nö, ku'i ana ka pöhaku, 'änapa ke ahi o ka lewa. Nänä a'ela kona maka, aia ka pua i luna a me ka hua. He kohu ule a me ka laho i ka 'ike a'e. Ua pïnana 'o ia i ke kumu lä'au i hua, 'o ia nö 'oe 'o ke keko, a 'ako akula he mau hua nui. A iho 'o ia i lalo o ka honua, hele maila kekahi wahine o ka 'äina. 'O Maiau kona inoa. 'A'ohe lua e like ai me kona u'i. Pane 'o ia iä Pa'ahana, "Hüi, e welina mai!" Huli a'ela 'o Pa'ahana a kü ana läua he alo a he alo. Pane akula 'o Pa'ahana, "Kela ko'u pöloli. 'O ia ke kumu o ko'u ki'i 'ana i këia 'ai kï'o'e lä'au." Pane maila këlä, "Mai hopohopo. He 'ai ko ka hale. E ho'i paha käua."
Nani maoli ka hau'oli o ua 'o Pa'ahana a pololei läua i uka o Maunawili. A hiki ma kauhale, noho ihola läua i ka 'ai, a pau, hä'ule läua, hiamoe. 'O ia hia-moe nö a ala 'oko'a 'o Pa'ahana i ke aumoe lilo, a ho'omaopopo ihola i käna mau mea o ka hana 'ole 'ana. No'ono'o ihola 'o ia, "I ka moa kualua nö a kani ana, e ho'i wau i ko'u 'äina." A pau, ho'i i ka hi'olani 'ana.
I ala a'e ka hana, 'ike akula 'o ia ua pau ka mea'ai i ka ho'omä-kaukau 'ia. Mea akula 'o Maiau, "Maopopo ia'u, he mea pono paha inä 'oe e ho'i i kou one hänau. Näu nö 'oe e ho'oholo a'e." 'O ka lokomaika'i o ua 'o Maiau, noho a li'uli'u këia me ia.
Ma hope o ka hala 'ana o kekahi mau mahina, 'ike mau ana kekahi hoa iä Pa'ahana i ka holoholo pü me Maiau ma Maunawili, a ua maopopo ihola iä ia, ua lua-kaha a'ela 'o Maunawili iä läua. A i ka nïnau 'ana mai o ka po'e o ia wahi i ua kanaka nei no ka hana a kahi Pa'ahana, he pane aku nö këlä, penei, "Ua pi'i nö i ka 'ulu o Maunawili." A ho'omaka nä känaka a pau e ho'opuka i këia 'ölelo ke hele kekahi kanaka i ka lalau me ka noho pa'a i kekahi 'äina ma muli o ka lilo 'ana i kekahi wahine. 'Oi 'ölelo 'ia pëlä a hiki mai i o käkou nei.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.‘Ua pi‘i nō i ka
‘ulu o Maunawili’
Synopsis: An old proverbial saying slightly changed and a story created for it.
He kanaka kaulana 'o Pa'ahana i ka ua mea 'o ka nui o kāna mau hana mai 'ō a 'ō, 'o ka pāo'o lēkei ka hoa like. 'A'ole hiki iā ia ke ho'onanea ma ho'okahi wahi, pēlā kona 'ano. Noho ho'okahi 'o ia ma kona 'āina 'o Kohelepelepe.I kekahi lā, 'oiai 'o ia e holo ana mai kekahi hana a i kekahi hana, 'ike akula 'o ia i kona hoaaloha. 'Ōlelo maila kēlā, "I hea ana kou huaka'i e holo nei? Mai noho 'oe a ha'i iki, 'eā, i ka hana ana 'oe." Pane akula kēia, "I hea lā? Aia nō i ke au a ka wāwae," a noke akula kona holo 'ana. Akā ua kū ka lā i ka lolo a wela ka 'āina, 'a'ohe wahi makani a pā mai, no laila, holo ka no'ono'o e hele i kahakai i kāna mea walea 'o ka he'enalu. I pae aku kona hana i ka nalu mua, ua ho'omaopopo honua ihola 'o ia i ka pa'akikī launa 'ole mai o ia hana. 'A'ole wahi ma'alahi e like me ko ka wā 'ōpio.
'O ka pūhili ihola nō ia o kona no'ono'o i ka pa'akikī o ia hana, a no laila, ho'i akula ia i ka mālama i kāna lo'i kalo, ka māla 'uala, ka ulu niu, a me ia mea aku ia mea aku. 'O ia hana nō a manakā ihola i ia hana kekahi. 'O kona kau a'ela nō ia ma luna o kona wa'a holo honua, a hele i ka 'auana i 'ō, i 'ane'i, i kai a i uka, a 'olā'olā kona 'ōpū.
I ia manawa nō, ku'i ana ka pōhaku, 'ānapa ke ahi o ka lewa. Nānā a'ela kona maka, aia ka pua i luna a me ka hua. He kohu ule a me ka laho i ka 'ike a'e. Ua pīnana 'o ia i ke kumu lā'au i hua, 'o ia nō 'oe 'o ke keko, a 'ako akula he mau hua nui. A iho 'o ia i lalo o ka honua, hele maila kekahi wahine o ka 'āina. 'O Maiau kona inoa. 'A'ohe lua e like ai me kona u'i. Pane 'o ia iā Pa'ahana, "Hūi, e welina mai!" Huli a'ela 'o Pa'ahana a kū ana lāua he alo a he alo. Pane akula 'o Pa'ahana, "Kela ko'u pōloli. 'O ia ke kumu o ko'u ki'i 'ana i kēia 'ai kī'o'e lā'au." Pane maila kēlā, "Mai hopohopo. He 'ai ko ka hale. E ho'i paha kāua."
Nani maoli ka hau'oli o ua 'o Pa'ahana a pololei lāua i uka o Maunawili. A hiki ma kauhale, noho ihola lāua i ka 'ai, a pau, hā'ule lāua, hiamoe. 'O ia hia-moe nō a ala 'oko'a 'o Pa'ahana i ke aumoe lilo, a ho'omaopopo ihola i kāna mau mea o ka hana 'ole 'ana. No'ono'o ihola 'o ia, "I ka moa kualua nō a kani ana, e ho'i wau i ko'u 'āina." A pau, ho'i i ka hi'olani 'ana.
I ala a'e ka hana, 'ike akula 'o ia ua pau ka mea'ai i ka ho'omā-kaukau 'ia. Mea akula 'o Maiau, "Maopopo ia'u, he mea pono paha inā 'oe e ho'i i kou one hānau. Nāu nō 'oe e ho'oholo a'e." 'O ka lokomaika'i o ua 'o Maiau, noho a li'uli'u kēia me ia.
Ma hope o ka hala 'ana o kekahi mau mahina, 'ike mau ana kekahi hoa iā Pa'ahana i ka holoholo pū me Maiau ma Maunawili, a ua maopopo ihola iā ia, ua lua-kaha a'ela 'o Maunawili iā lāua. A i ka nīnau 'ana mai o ka po'e o ia wahi i ua kanaka nei no ka hana a kahi Pa'ahana, he pane aku nō kēlā, penei, "Ua pi'i nō i ka 'ulu o Maunawili." A ho'omaka nā kānaka a pau e ho'opuka i kēia 'ōlelo ke hele kekahi kanaka i ka lalau me ka noho pa'a i kekahi 'āina ma muli o ka lilo 'ana i kekahi wahine. 'Oi 'ōlelo 'ia pēlā a hiki mai i o kākou nei.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
