Kapä'anaokaläokeola Oliveira
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Ka ‘Äina
Kupaianaha ‘o Kina
Synopsis: With two of the eight Great Wonders of the World found in China, China is truly an extraordinary place.'Ano'ai käkou e nä hoa makamaka o ka 'ölelo Makuahine o nëia pae 'äina. 'Auhea 'oe e Kïlauea, kahi mälamalama iä Pele? Ke welina me ke aloha iä 'oe e Haleakalä, mauna kü kila-kila. Eö mai e Ko'olaupoko läua 'o Ko'olauloa, nä kuahiwi wehi i ka 'ohu. Aloha nö e Wai'ale'ale, 'äina pulupë i ka ua Noelehua. Aloha mai nö käkou.
He wahi mo'olelo këia no kahi mamo o Hawai'i näna i kipa aku i ka 'äina o kona po'e küpuna Päkë. Hele akula këia i ka 'äina 'o Kina. He kupaianaha ho'i kau nä mea i 'ike maka 'ia. 'O kahi mua äna i hele aku ai, 'o ia no ka Hale La'a o nä Lani. Iä ia i puka aku ai mai ke ka'a 'öhua aku, 'ike 'ia he 3 paha ka'au känaka e ho'oikaika kino ana i waho o ka pä o ia wahi la'a. Aia läkou ala i waho o ka pä hale e ho'olohe ana i ka lekiö me ka hana pü 'ana mai i ka Tai Chi. Hele akula këia a puni ka pä heiau a 'ike 'ia he mau kumu lä'au i piha nä makahiki he 500!
Ma hope iho, hele aku këia i 'elua wahi nui o ke kaulana ma Beijing, 'o ia ho'i ke Kuea 'o Tianamen läua 'o ke Külanakau-hale Kapu. Ma ke Kuea 'o Tianamen, nui lehulehu nä känaka. Eia hou, nui nö nä pü'ali koa a me nä mäka'i e kia'i mai ana i 'ö a i 'ane'i. Mai poina e ka hoa heluhelu, 'o këia nö kahi i 'ike 'ia ma ke kïwï mai kekahi kapa a kekahi kapa aku o ka honua i ka manawa o nä haumäna kula nui e kü'ë aku ana i ke aupuni he mau makahiki aku nei. A i ia manawa nö i hö'ea mai ai he ka'a kaua i mea e pau ai ke kü'ë 'ana o ia mau haumäna. A ma laila nö i 'ike 'ia ai ke ki'i o Mao, ke po'o o ke aupuni o ka po'e hilina'i no ke aupuni nä kuleana a pau. Nui wale ke ki'i ona.
'O ke Külanakauhale Kapu, he wahi nui a nani loa ia. I ka wä kahiko, noho 'ia ua wahi nei e ka mö'ï, käna mau wähine (he mau haneli), a me nä limahana. He 'umikümäono makahiki ka lö'ihi o ke kükulu 'ia 'ana aku e ho'okahi miliona limahana a he 'umi kaukani känaka hana no'eau!
'O ka mea kaulana nui loa o Kina, 'o ia nö ka Pä Nui. Hele akula këia mamo i laila. Kükulu 'ia akula ia paia i mea e ho'o-pale a'e ai ke kaona i nä 'enemi. He 5,000 kilomekele kona lö'ihi a 'o këia kekahi o nä mea kupaia-naha nui 'ewalu o ka honua (Eight Wonders of the World).
'O kekahi mea kupaianaha 'ë a'e o ka honua, 'o ia no ka pü'ali koa pälolo. Ma mua o ka hä'ule 'ana o kekahi mö'ï i ka make, kanu 'ia he 60,000 pü'ali koa pälolo i mea e kia'i aku ai i ka mö'ï i ka honua o nä känaka i hala. He mea kupaianaha këia no ka nui o nä mea i kanu 'ia (he 60,000), ka 'oko'a o këlä mea këia mea ('a'ohe mea i like loa me kekahi hou aku), a no ka nui o ka hana. I ka mahi'ai e 'eli iho ana i ka lua, ua loa'a maila iä ia ke po'o o kekahi pü'ali koa pälolo. Pëlä i kaulana mai ai ua wahi nei.
('A'ole i pau)
[E ho'omanawanui ka 'ono a mo'a pono ke koena o ka mea 'ono Päkë i këia pule a'e. LH]
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Ka ‘Āina
Kupaianaha ‘o Kina
Synopsis: With two of the eight Great Wonders of the World found in China, China is truly an extraordinary place.'Ano'ai kākou e nā hoa makamaka o ka 'ōlelo Makuahine o nēia pae 'āina. 'Auhea 'oe e Kīlauea, kahi mālamalama iā Pele? Ke welina me ke aloha iā 'oe e Haleakalā, mauna kū kila-kila. Eō mai e Ko'olaupoko lāua 'o Ko'olauloa, nā kuahiwi wehi i ka 'ohu. Aloha nō e Wai'ale'ale, 'āina pulupē i ka ua Noelehua. Aloha mai nō kākou.
He wahi mo'olelo kēia no kahi mamo o Hawai'i nāna i kipa aku i ka 'āina o kona po'e kūpuna Pākē. Hele akula kēia i ka 'āina 'o Kina. He kupaianaha ho'i kau nā mea i 'ike maka 'ia. 'O kahi mua āna i hele aku ai, 'o ia no ka Hale La'a o nā Lani. Iā ia i puka aku ai mai ke ka'a 'ōhua aku, 'ike 'ia he 3 paha ka'au kānaka e ho'oikaika kino ana i waho o ka pā o ia wahi la'a. Aia lākou ala i waho o ka pā hale e ho'olohe ana i ka lekiō me ka hana pū 'ana mai i ka Tai Chi. Hele akula kēia a puni ka pā heiau a 'ike 'ia he mau kumu lā'au i piha nā makahiki he 500!
Ma hope iho, hele aku kēia i 'elua wahi nui o ke kaulana ma Beijing, 'o ia ho'i ke Kuea 'o Tianamen lāua 'o ke Kūlanakau-hale Kapu. Ma ke Kuea 'o Tianamen, nui lehulehu nā kānaka. Eia hou, nui nō nā pū'ali koa a me nā māka'i e kia'i mai ana i 'ō a i 'ane'i. Mai poina e ka hoa heluhelu, 'o kēia nō kahi i 'ike 'ia ma ke kīwī mai kekahi kapa a kekahi kapa aku o ka honua i ka manawa o nā haumāna kula nui e kū'ē aku ana i ke aupuni he mau makahiki aku nei. A i ia manawa nō i hō'ea mai ai he ka'a kaua i mea e pau ai ke kū'ē 'ana o ia mau haumāna. A ma laila nō i 'ike 'ia ai ke ki'i o Mao, ke po'o o ke aupuni o ka po'e hilina'i no ke aupuni nā kuleana a pau. Nui wale ke ki'i ona.
'O ke Kūlanakauhale Kapu, he wahi nui a nani loa ia. I ka wā kahiko, noho 'ia ua wahi nei e ka mō'ī, kāna mau wāhine (he mau haneli), a me nā limahana. He 'umikūmāono makahiki ka lō'ihi o ke kūkulu 'ia 'ana aku e ho'okahi miliona limahana a he 'umi kaukani kānaka hana no'eau!
'O ka mea kaulana nui loa o Kina, 'o ia nō ka Pā Nui. Hele akula kēia mamo i laila. Kūkulu 'ia akula ia paia i mea e ho'o-pale a'e ai ke kaona i nā 'enemi. He 5,000 kilomekele kona lō'ihi a 'o kēia kekahi o nā mea kupaia-naha nui 'ewalu o ka honua (Eight Wonders of the World).
'O kekahi mea kupaianaha 'ē a'e o ka honua, 'o ia no ka pū'ali koa pālolo. Ma mua o ka hā'ule 'ana o kekahi mō'ī i ka make, kanu 'ia he 60,000 pū'ali koa pālolo i mea e kia'i aku ai i ka mō'ī i ka honua o nā kānaka i hala. He mea kupaianaha kēia no ka nui o nā mea i kanu 'ia (he 60,000), ka 'oko'a o kēlā mea kēia mea ('a'ohe mea i like loa me kekahi hou aku), a no ka nui o ka hana. I ka mahi'ai e 'eli iho ana i ka lua, ua loa'a maila iā ia ke po'o o kekahi pū'ali koa pālolo. Pēlā i kaulana mai ai ua wahi nei.
('A'ole i pau)
[E ho'omanawanui ka 'ono a mo'a pono ke koena o ka mea 'ono Pākē i kēia pule a'e. LH]
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
