Küpopou
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Ka ‘Anae
Kü O Waipi‘oSynopsis: Continuation from last week.
Ho'i akula 'o Malaekahana me Kahauokapaka, a noho ma Kapaka, he 'äina nui këia o ka i'a; i ka hala 'ana o kekahi manawa iä läua ma laila, ua ne'e akula ko läua noho 'ana no Kawela ma Kahuku, 'äina lewa i ke kai.
I ko läua noho 'ana ma këlä 'äina ua kü a ma'i maoli 'o Malaekahana i kekahi lä, ma muli o kona 'ai 'ana i ka 'öhiki moe one, a Kahauokapaka o ka hele 'ana e lawai'a a ho'iho'i mai e hänai na käna wahine.
No këia kumu, i noi 'oko'a aku ai 'o Malaekahana i käna käne e ho'oku'u mai iä ia e hele e hui pu me kona kaikunäne me Kaihuokapalai, no ka hä'awi 'ana mai i i'a na läua.
'A'ole he 'au'a 'ana a Kahauokapaka i käna wahine, akä hä'awi akula nö 'o ia i kona 'ae, no laila ma kekahi lä a'e, ha'alele akula 'o Malaekahana iä Kawela, a huli ho'i maila no Waipi'o, kahi o kona kaikunäne a me ko läua kupunakäne e noho ana.
I ia hö'ea 'ana mai o Malaekahana, ua lilo këlä hui pü 'ana me kona kaikunäne a me ke kupunakäne o läua, i hui 'ana i loko o ka hau'oli, 'oiai ua lö'ihi ka nalowale 'ana, 'akahi nö a 'ike hou kekahi i kekahi.
"E, he huaka'i 'ano nui ho'i këia äu o ka hö'ea 'ana mai nei?" i nïnau aku ai 'o Kaihuokapalai iä Malaekahana, ma hope o ko läua nanea 'ana 'o läua wale nö ma kekahi manawa o ke ahiahi 'ana iho.
"Ho'okahi no mana'o nui o ka'u huaka'i i hö'ea maila, i ki'i mai nei au i i'a na'u, no ka mea he pilikia ka noho 'ana o ka huli Ko'olau aku nei."
"He nui ka i'a malo'o e waiho maila, e lawe 'oe e like me ka mea hiki."
"'A'ole au e lawe i kekahi i'a, he kaumaha ke häpai, a he loa nö ho'i ke alahele, inä paha ma ke kai a'e nö ho'i ka i'a e hele ai, a ma uka nö ho'i au o ka 'äina, e hele ai, pehea lä ia e ku'u kaikunäne?"
"Inä ho'i hä pëlä ua pono, 'o ka'u kauoha wale nö na'e iä 'oe, mai hiamoe 'oe ma kekahi mau wahi."
Hä'awi akula 'o Malaekahana i kona 'ae, no laila ma kekahi lä a'e nö, ha'alele akula 'o ia iä Waipi'o, a pi'i maila no Honolulu nei, ma Kuli'ou'ou, i hiamoe mua loa ai 'o ia ma ka pö 'ana iho. Ala a'e ma kekahi lä mai, ho'omau nö ka hele 'ana i mua, a hiamoe hou ma Kailua, Ko'olaupoko, a 'o ka moe 'ekolu 'ana ma Mäkua, Ko'olauloa, a hö'ea loa no Kawela, ma kekahi lä a'e a hui pü me Kahauokapaka ke käne ma Kawela.
Ma këlä lä nö a Malaekahana i hö'ea ai no Kawela, 'o ka lä nö ia i 'ike 'ia ai ka 'anae o Waipi'o e lana ana ma Kawela, 'a'ole ma ia wahi wale nö, akä ma nä wahi nö a pau äna i hiamoe ai; no laila ma nä lä ma hope mai, ho'okahi hana a nä känaka, 'o ka noke i ka lawai'a.
Ua 'ane'ane e piha ka 'eiwa makahiki, o ka noho pa'a 'ana o ka 'anae kü ma Waipi'o nei, 'akahi nö a hele e like a'ela me ia ma luna, he hapa wale nö na'e, ma muli o ke noi 'ana mai o Malaekahana i kona kaikunäne.
I ka 'anae e holo lä no nä Ko'olau, ma muli o ka mana o ke kü'ula a Kaihuokapalai, aia nö nä moku kiakahi a me Käpena Mahiai me kona wa'apä mokuali'i, ke halihali lä i ka 'anae i Honolulu nei e kü'ai ai, ma ka mäkeke.
Kupanaha nö paha ko käkou mau mo'olelo kahiko, 'a'ole na'e këia he mea haku wale nö, akä he mea 'oia'i'o loa këia i 'ike 'ia, i këlä au akula i hala.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Ka ‘Anae
Kū O Waipi‘oSynopsis: Continuation from last week.
Ho'i akula 'o Malaekahana me Kahauokapaka, a noho ma Kapaka, he 'āina nui kēia o ka i'a; i ka hala 'ana o kekahi manawa iā lāua ma laila, ua ne'e akula ko lāua noho 'ana no Kawela ma Kahuku, 'āina lewa i ke kai.
I ko lāua noho 'ana ma kēlā 'āina ua kū a ma'i maoli 'o Malaekahana i kekahi lā, ma muli o kona 'ai 'ana i ka 'ōhiki moe one, a Kahauokapaka o ka hele 'ana e lawai'a a ho'iho'i mai e hānai na kāna wahine.
No kēia kumu, i noi 'oko'a aku ai 'o Malaekahana i kāna kāne e ho'oku'u mai iā ia e hele e hui pu me kona kaikunāne me Kaihuokapalai, no ka hā'awi 'ana mai i i'a na lāua.
'A'ole he 'au'a 'ana a Kahauokapaka i kāna wahine, akā hā'awi akula nō 'o ia i kona 'ae, no laila ma kekahi lā a'e, ha'alele akula 'o Malaekahana iā Kawela, a huli ho'i maila no Waipi'o, kahi o kona kaikunāne a me ko lāua kupunakāne e noho ana.
I ia hō'ea 'ana mai o Malaekahana, ua lilo kēlā hui pū 'ana me kona kaikunāne a me ke kupunakāne o lāua, i hui 'ana i loko o ka hau'oli, 'oiai ua lō'ihi ka nalowale 'ana, 'akahi nō a 'ike hou kekahi i kekahi.
"E, he huaka'i 'ano nui ho'i kēia āu o ka hō'ea 'ana mai nei?" i nīnau aku ai 'o Kaihuokapalai iā Malaekahana, ma hope o ko lāua nanea 'ana 'o lāua wale nō ma kekahi manawa o ke ahiahi 'ana iho.
"Ho'okahi no mana'o nui o ka'u huaka'i i hō'ea maila, i ki'i mai nei au i i'a na'u, no ka mea he pilikia ka noho 'ana o ka huli Ko'olau aku nei."
"He nui ka i'a malo'o e waiho maila, e lawe 'oe e like me ka mea hiki."
"'A'ole au e lawe i kekahi i'a, he kaumaha ke hāpai, a he loa nō ho'i ke alahele, inā paha ma ke kai a'e nō ho'i ka i'a e hele ai, a ma uka nō ho'i au o ka 'āina, e hele ai, pehea lā ia e ku'u kaikunāne?"
"Inā ho'i hā pēlā ua pono, 'o ka'u kauoha wale nō na'e iā 'oe, mai hiamoe 'oe ma kekahi mau wahi."
Hā'awi akula 'o Malaekahana i kona 'ae, no laila ma kekahi lā a'e nō, ha'alele akula 'o ia iā Waipi'o, a pi'i maila no Honolulu nei, ma Kuli'ou'ou, i hiamoe mua loa ai 'o ia ma ka pō 'ana iho. Ala a'e ma kekahi lā mai, ho'omau nō ka hele 'ana i mua, a hiamoe hou ma Kailua, Ko'olaupoko, a 'o ka moe 'ekolu 'ana ma Mākua, Ko'olauloa, a hō'ea loa no Kawela, ma kekahi lā a'e a hui pū me Kahauokapaka ke kāne ma Kawela.
Ma kēlā lā nō a Malaekahana i hō'ea ai no Kawela, 'o ka lā nō ia i 'ike 'ia ai ka 'anae o Waipi'o e lana ana ma Kawela, 'a'ole ma ia wahi wale nō, akā ma nā wahi nō a pau āna i hiamoe ai; no laila ma nā lā ma hope mai, ho'okahi hana a nā kānaka, 'o ka noke i ka lawai'a.
Ua 'ane'ane e piha ka 'eiwa makahiki, o ka noho pa'a 'ana o ka 'anae kū ma Waipi'o nei, 'akahi nō a hele e like a'ela me ia ma luna, he hapa wale nō na'e, ma muli o ke noi 'ana mai o Malaekahana i kona kaikunāne.
I ka 'anae e holo lā no nā Ko'olau, ma muli o ka mana o ke kū'ula a Kaihuokapalai, aia nō nā moku kiakahi a me Kāpena Mahiai me kona wa'apā mokuali'i, ke halihali lā i ka 'anae i Honolulu nei e kū'ai ai, ma ka mākeke.
Kupanaha nō paha ko kākou mau mo'olelo kahiko, 'a'ole na'e kēia he mea haku wale nō, akā he mea 'oia'i'o loa kēia i 'ike 'ia, i kēlā au akula i hala.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
