Kekeha Solis
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
Ka Lau O
Ka ‘Ilima
Synopsis: A story about Kamehameha. If there are other versions of this story please send them to the editors of this column.'O këia mo'olelo, i ke au nö këia iä Kamehameha, ma hope mai o ka hiki 'ana mai o nä moku 'ö koholä, a ma mua aku ho'i o ka hiki 'ana mai o nä 'ili ke'oke'o puni päkaha.
Ma kekahi o nä moku 'ö koholä mua i hiki mai nei i Hawai'i nei, lele maila kekahi Pukikï ma luna o ka 'äina. I ua kanaka Pukikï lä nö a kü ma ka 'äina, 'ike maila 'o ia i kekahi wahine Hawai'i e noho ana ma kahakai. 'O ka ho'ohihi maila nö ia o ua Pukikï lä i ua wahine nei a pëlä pü aku nö ka wahine iä ia ala, a ho'äo (male) läua a noho käne a wahine ihola.
Ua noho läua a hänau mai he mau mähoe na läua nei, he kaikamahine a he keiki käne. 'O ka inoa o ke kaikamahine, 'o 'I'iwi a 'a'ole o kana mai ka u'i o ua kaikamahine nei, ua "pali ke kua, mahina ke alo." A 'o ka inoa o ke keiki käne, 'o Wa'awa'a. I ke kanaka makua 'ana o nä mähoe, male aku nei 'o 'I'iwi i kekahi kelamoku, 'o Hanalë ka inoa, äna i aloha nui ai. A noho pü me läua nei 'o Wa'awa'a.
Ho'okahi lä, e ko'ele wäwae ana ua 'o Wa'awa'a no nä Ko'olau, a pu'u ki'o ihola. 'O kona 'imi akula nö ia i wahi mehameha e hö'olu ai i ke kino. 'Imi hele akula këia, 'eä, e nä makamaka heluhelu, i ia mau lä, käka'ikahi nä wahi mehameha e hö'olu ai i ke kino.
'O ka mea pömaika'i na'e, loa'a koke akula iä Wa'awa'a kahi mehemeha i puni i ka nähelehele. Hemo ka lole, 'öku'u ihola. Iä ia nei e 'öku'u ana me ka ha'anou 'ana aku, 'a'ohe wahi mea a ho'oku'u 'ia, kohu mea lä, he hana lepo pa'a. A no laila, mana'o ihola 'o ia nei, e ho'öki i ka ha'anou 'ana o uhahemo auane'i, a e kali iki. 'A'ole i li'uli'u kona kali 'ana, hö'olu ihola.
A pau, ho'omaka 'o ia e 'imi i lau e häleu ai i ka 'ökole. Ma kona wahi e 'öku'u ana, he mau lau 'ulu ke waiho nei, 'a'ole na'e këia i lälau aku. I ia manawa, 'ike akula 'o ia i ka 'ilima e ulu ana ma kahi kokoke e waiho ana nä lau 'ulu, ne'ene'e aku 'o ia nei, a 'o ka 'ako a'ela nö ia ona i ka lau o ka 'ilima, 'oiai, 'o ia ka "Chalamina" o ke au kahiko. A 'oi aku nö paha ka palupalu o ka lau o ka 'ilima ma mua o ua pepa häleu kaulana lä.
A ho'omaka ka häleu. I ia manawa nö, pa'ë mai nei ke kamumu 'ana o nä kapua'i wäwae e hele mai ana a kokoke i kahi a ia nei e 'öku'u ana. Pa'ë pü mai nei nö me nä leo häwanawana e hene iki ana ka 'aka. Ki'ei akula ua Wa'awa'a nei ma ka nähelehele i wahi e 'ike ai 'o wai lä këia e hele maila. I ki'ei aku ko ia nei hana, 'ike aku nei 'o ia nei i 'elua mau känaka e moe ana ma kahi moena, he käne a he wahine. I nänä pono ka hana o ua Wa'awa'a nei, 'ike akula, 'o kona kaiko'eke nö ia, 'o Hanalë ho'i. Akä, 'o ka wahine, 'a'ole ia 'o kona kaikuahine. 'O Hämamalau kä ia. Pü'iwa a'ela ka no'ono'o o Wa'awa'a me ke ake nui o ka mana'o e hö'ike aku i kona kaikuahine.
E ho'omanawanui ka 'ono a këia pule a'e.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Kekeha Solis
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.Ka Lau O
Ka ‘Ilima
Synopsis: A story about Kamehameha. If there are other versions of this story please send them to the editors of this column.'O kēia mo'olelo, i ke au nō kēia iā Kamehameha, ma hope mai o ka hiki 'ana mai o nā moku 'ō koholā, a ma mua aku ho'i o ka hiki 'ana mai o nā 'ili ke'oke'o puni pākaha.
Ma kekahi o nā moku 'ō koholā mua i hiki mai nei i Hawai'i nei, lele maila kekahi Pukikī ma luna o ka 'āina. I ua kanaka Pukikī lā nō a kū ma ka 'āina, 'ike maila 'o ia i kekahi wahine Hawai'i e noho ana ma kahakai. 'O ka ho'ohihi maila nō ia o ua Pukikī lā i ua wahine nei a pēlā pū aku nō ka wahine iā ia ala, a ho'āo (male) lāua a noho kāne a wahine ihola.
Ua noho lāua a hānau mai he mau māhoe na lāua nei, he kaikamahine a he keiki kāne. 'O ka inoa o ke kaikamahine, 'o 'I'iwi a 'a'ole o kana mai ka u'i o ua kaikamahine nei, ua "pali ke kua, mahina ke alo." A 'o ka inoa o ke keiki kāne, 'o Wa'awa'a. I ke kanaka makua 'ana o nā māhoe, male aku nei 'o 'I'iwi i kekahi kelamoku, 'o Hanalē ka inoa, āna i aloha nui ai. A noho pū me lāua nei 'o Wa'awa'a.
Ho'okahi lā, e ko'ele wāwae ana ua 'o Wa'awa'a no nā Ko'olau, a pu'u ki'o ihola. 'O kona 'imi akula nō ia i wahi mehameha e hō'olu ai i ke kino. 'Imi hele akula kēia, 'eā, e nā makamaka heluhelu, i ia mau lā, kāka'ikahi nā wahi mehameha e hō'olu ai i ke kino.
'O ka mea pōmaika'i na'e, loa'a koke akula iā Wa'awa'a kahi mehemeha i puni i ka nāhelehele. Hemo ka lole, 'ōku'u ihola. Iā ia nei e 'ōku'u ana me ka ha'anou 'ana aku, 'a'ohe wahi mea a ho'oku'u 'ia, kohu mea lā, he hana lepo pa'a. A no laila, mana'o ihola 'o ia nei, e ho'ōki i ka ha'anou 'ana o uhahemo auane'i, a e kali iki. 'A'ole i li'uli'u kona kali 'ana, hō'olu ihola.
A pau, ho'omaka 'o ia e 'imi i lau e hāleu ai i ka 'ōkole. Ma kona wahi e 'ōku'u ana, he mau lau 'ulu ke waiho nei, 'a'ole na'e kēia i lālau aku. I ia manawa, 'ike akula 'o ia i ka 'ilima e ulu ana ma kahi kokoke e waiho ana nā lau 'ulu, ne'ene'e aku 'o ia nei, a 'o ka 'ako a'ela nō ia ona i ka lau o ka 'ilima, 'oiai, 'o ia ka "Chalamina" o ke au kahiko. A 'oi aku nō paha ka palupalu o ka lau o ka 'ilima ma mua o ua pepa hāleu kaulana lā.
A ho'omaka ka hāleu. I ia manawa nō, pa'ē mai nei ke kamumu 'ana o nā kapua'i wāwae e hele mai ana a kokoke i kahi a ia nei e 'ōku'u ana. Pa'ē pū mai nei nō me nā leo hāwanawana e hene iki ana ka 'aka. Ki'ei akula ua Wa'awa'a nei ma ka nāhelehele i wahi e 'ike ai 'o wai lā kēia e hele maila. I ki'ei aku ko ia nei hana, 'ike aku nei 'o ia nei i 'elua mau kānaka e moe ana ma kahi moena, he kāne a he wahine. I nānā pono ka hana o ua Wa'awa'a nei, 'ike akula, 'o kona kaiko'eke nō ia, 'o Hanalē ho'i. Akā, 'o ka wahine, 'a'ole ia 'o kona kaikuahine. 'O Hāmamalau kā ia. Pū'iwa a'ela ka no'ono'o o Wa'awa'a me ke ake nui o ka mana'o e hō'ike aku i kona kaikuahine.
E ho'omanawanui ka 'ono a kēia pule a'e.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
