---

Keoni Bunag
Kapalai'ula de Silva
'Awapuhimele Napoleon

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.

‘He ali‘i ka ‘äina,
he kauä ke kanaka’

---

Synopsis: "Land has no need for man, but man needs the land and works it for a livelihood." Although land tenure changed drastically after the Mähele, it remains important to the survival of our lähui.

---

Welina mai e nä kini aloha o nei pae'äina, mai ka 'ö'ili mua 'ana o ka lä i Kumukahi a ka lä welo aku i ka mole 'olu o Lehua. Aloha mai nö käkou.

I ka wä kahiko, 'o ka 'äina ka mea e pono ai ka nohona o känaka. He kaikua'ana ka 'äina no käkou känaka, no kona kaikaina ho'i. Na ke kaikaina ia e mälama i ka 'äina, a na ke kaikua'ana ke kaikaina e ho'olako a hänai mai.

I këia mau lä, 'oko'a nö ka noho 'ana o käkou. 'O ia mau nö na'e ua pilina 'ohana nei i hö'ike 'ia maila i luna, he kaikua'ana a he kaikaina. Ma muli o këia pilina i ho'oili ai nä ali'i i ko läkou mau 'äina no käkou, i mea ho'i e mau ai ke ea o ka lähui. 'O kekahi o ia mau ali'i, 'o ia nö 'o ke ali'iwahine Pauahi. He 'i'ini ko Pauahi e ho'ona'auao 'ia nä keiki Hawai'i i kü hou mai ka lähui i ka moku. Hä'awi 'ia maila kona mau 'äina no ke kükulu 'ana i ke kula 'o Kameha-meha. A ma kekahi 'äina o ka waiho wale 'ana, ua kükulu 'ia he mau hale papa'i a me kekahi kikowaena kü'ai. A ma ia mau mea i kü'ono'ono ai ua kula nei. 'O ke kälä e loa'a mai ana, ua hä'awi 'ia aku i nä haumäna Hawai'i no ka hele 'ana i ke kula kamali'i, ke kula 'o Kameha-meha, a me ke kulanui. Ho'ohana 'ia ke koena o ke kälä no ke käko'o 'ana i kekahi mau polokalamu ma nä kula aupuni o nëia moku'äina.

Ma ka lä 4 o Këkëmapa, ua 'ae ka 'Aha 'Ölelo o ke külana-kauhale 'o Honolulu i ke kü'ai ha'akoi 'ana aku i kekahi o ko Kamehameha mau 'äina waiwai. Aia ia mau 'äina ma ke one kaha- kai o Kähala. He nui ke kälä i ho'oulu 'ia mai ma muli o ka ho'olimalima 'ana i ua mau 'äina nei. A ua ho'ohana 'ia no ka pono o ke kula 'o Kameha-meha. Eia hou, ua ho'olilo 'ia kekahi o ia mau kälä no ka ho'ouna 'ana i nä keiki Hawai'i he 'eono haneli a 'oi e hele i ke kula kamali'i. Ua ho'olilo 'ia kekahi kälä no ka uku 'ana i ka uku komo kula o nä haumäna kulanui he 'ewalu haneli (inä 'a'ole läkou i hele i ke kula ki'e-ki'e 'o Kamehameha), a ua pale 'ia ka uku komo kula ki'eki'e o ho'okahi kaukani 'elua haneli haumäna Hawai'i e hele nei i nä kula 'o Kamehameha. Ua 'ike 'ia ka waiwai o ke kälä i hö'ulu'ulu 'ia ma muli o ia mau 'äina.

'O ke kä'ili 'ia o ke kuleana no ua mau 'äina nei, 'a'ole ia he hana küpono. 'O ka 'älunu o kekahi mau känaka puni kälä ke kumu i kü'ai ha'akoi 'ia ai pëlä. 'Eä, 'a'ohe wahi 'ano o ka Hawai'i ma ia hana! He hana malü ho'i ia, 'o ia nö 'oe 'o ka 'aihue hele pö.

I ka wä kahiko, na ka 'äina käkou e hänai mai i ka mea 'ai. I këia mau lä, he kälä ka mea näna ia hana. Aia i laila ke ola a me ka 'ole o ka lähui. 'O ka mana'o Hawai'i, penei ho'i: E ola ka lähui ma o ka mälama 'ana i ka 'äina. Aia ma këia hope aku nei, e kü'ë käkou i ia hana 'älunu. Na käkou nö käkou e hana aku o pau loa auane'i ka 'äina i ke kü'ai lilo.

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

‘He ali‘i ka ‘āina,
he kauā ke kanaka’

---

Synopsis: "Land has no need for man, but man needs the land and works it for a livelihood." Although land tenure changed drastically after the Māhele, it remains important to the survival of our lāhui.

---

Welina mai e nā kini aloha o nei pae'āina, mai ka 'ō'ili mua 'ana o ka lā i Kumukahi a ka lā welo aku i ka mole 'olu o Lehua. Aloha mai nō kākou.

I ka wā kahiko, 'o ka 'āina ka mea e pono ai ka nohona o kānaka. He kaikua'ana ka 'āina no kākou kānaka, no kona kaikaina ho'i. Na ke kaikaina ia e mālama i ka 'āina, a na ke kaikua'ana ke kaikaina e ho'olako a hānai mai.

I kēia mau lā, 'oko'a nō ka noho 'ana o kākou. 'O ia mau nō na'e ua pilina 'ohana nei i hō'ike 'ia maila i luna, he kaikua'ana a he kaikaina. Ma muli o kēia pilina i ho'oili ai nā ali'i i ko lākou mau 'āina no kākou, i mea ho'i e mau ai ke ea o ka lāhui. 'O kekahi o ia mau ali'i, 'o ia nō 'o ke ali'iwahine Pauahi. He 'i'ini ko Pauahi e ho'ona'auao 'ia nā keiki Hawai'i i kū hou mai ka lāhui i ka moku. Hā'awi 'ia maila kona mau 'āina no ke kūkulu 'ana i ke kula 'o Kameha-meha. A ma kekahi 'āina o ka waiho wale 'ana, ua kūkulu 'ia he mau hale papa'i a me kekahi kikowaena kū'ai. A ma ia mau mea i kū'ono'ono ai ua kula nei. 'O ke kālā e loa'a mai ana, ua hā'awi 'ia aku i nā haumāna Hawai'i no ka hele 'ana i ke kula kamali'i, ke kula 'o Kameha-meha, a me ke kulanui. Ho'ohana 'ia ke koena o ke kālā no ke kāko'o 'ana i kekahi mau polokalamu ma nā kula aupuni o nēia moku'āina.

Ma ka lā 4 o Kēkēmapa, ua 'ae ka 'Aha 'Ōlelo o ke kūlana-kauhale 'o Honolulu i ke kū'ai ha'akoi 'ana aku i kekahi o ko Kamehameha mau 'āina waiwai. Aia ia mau 'āina ma ke one kaha- kai o Kāhala. He nui ke kālā i ho'oulu 'ia mai ma muli o ka ho'olimalima 'ana i ua mau 'āina nei. A ua ho'ohana 'ia no ka pono o ke kula 'o Kameha-meha. Eia hou, ua ho'olilo 'ia kekahi o ia mau kālā no ka ho'ouna 'ana i nā keiki Hawai'i he 'eono haneli a 'oi e hele i ke kula kamali'i. Ua ho'olilo 'ia kekahi kālā no ka uku 'ana i ka uku komo kula o nā haumāna kulanui he 'ewalu haneli (inā 'a'ole lākou i hele i ke kula ki'e-ki'e 'o Kamehameha), a ua pale 'ia ka uku komo kula ki'eki'e o ho'okahi kaukani 'elua haneli haumāna Hawai'i e hele nei i nā kula 'o Kamehameha. Ua 'ike 'ia ka waiwai o ke kālā i hō'ulu'ulu 'ia ma muli o ia mau 'āina.

'O ke kā'ili 'ia o ke kuleana no ua mau 'āina nei, 'a'ole ia he hana kūpono. 'O ka 'ālunu o kekahi mau kānaka puni kālā ke kumu i kū'ai ha'akoi 'ia ai pēlā. 'Eā, 'a'ohe wahi 'ano o ka Hawai'i ma ia hana! He hana malū ho'i ia, 'o ia nō 'oe 'o ka 'aihue hele pō.

I ka wā kahiko, na ka 'āina kākou e hānai mai i ka mea 'ai. I kēia mau lā, he kālā ka mea nāna ia hana. Aia i laila ke ola a me ka 'ole o ka lāhui. 'O ka mana'o Hawai'i, penei ho'i: E ola ka lāhui ma o ka mālama 'ana i ka 'āina. Aia ma kēia hope aku nei, e kū'ē kākou i ia hana 'ālunu. Na kākou nō kākou e hana aku o pau loa auane'i ka 'āina i ke kū'ai lilo.

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.