Synopsis: KÜPAOA released its debut album entitled “;Pili o Ke Ao.”; Congratulations to Kellen Paik and Kalikolïhau Hannahs.

  Küpaoa
He hea a'e nei këia
E nanea mai i ka 'olu
O ia Wai a'o Këmamo
Ke kilohana a'o Hä'upu
O lono mai ho'i 'oe
I ke kähuli leo o uka
I ka hone mai a ka ua
E lïhau mai ana
Huli mai nö a e 'ike
I ka lino hilo mikioi
O ua lei pua 'ala onaona
Ke KÜPAOA o ka 'äina

  Hüi e ke hoa puni mele ë! Eia a'e nei ke KÜPAOA o ka 'äina e honehone mai nei i ka “;Pili o Ke Ao.”; Nani wale ka 'ikena i ke alaula e ea mai ana ma Ha'eha'e. He nonono welo mau no Kilohana e ma'ü maila i ka wehi Lïhau kakahiaka.

E naue käua a e kipa like aku i nä pana 'äina me ia KÜPAOA e onaona mai ana Hawai'i. Ua “;ULUWEHIKALUNAOKA'ALA,”; i ke aheahe kaiäulu e ho'oipo ana i ka lehua o uka. Huli mai a leha a'e ko käua mau maka, 'ike 'ia “;KAHA'EALEIAKALEWA,”; i ke 'alihilani. “;He ua lä, he ua,”; he pömaika'i no ka 'äina. I ka la'i aku käua o Kalihikai, 'äina kamaha'o o nä mäkua, henoheno i “;KA MAKA O KA HAKU.”; I laila ho'i ke ola i ka lu'u aku a aea mai. E hau'oli wale mai nö i nei ho'oheno. He le'ale'a, he holoholo, “;HE MELE PANA I'A.”; E walea a'e ho'i käua i ke alo lua o nä pali, kahi e huli ai nä lima i lalo, i ka mili häloa, i “;KA ' PI'I O WAIPI'O.”; Ua lohea 'ia nö a he 'ï mai, no Hanalei mai nö kä ka ua loku. Eia nö na'e he hali'a, he aloha, he puana e ho'oheno ai, “;HÏHÏMANU HANALEI,”; i ka ua Hä'ao. E ku'u hoa 'a'e kuahiwi, inä hou aku käua i uka i ka nani a'o Köke'e i ka häla'i o ia “;KOAMALU,”; e kü maila. Auë, aloha wale ka nani o Ka'eo, kahi e 'olu ai ka mana'o i ke one puakea a'o Pu'uwai. I püpü ho'i, i Kahelelani no ku'u lei, “;HE WEHI NO LOLENA.”; 'Eä, e o'u hoa kui lima i ke one a'o Mälama, ua pili ka pua 'ilima me Lehua aia nö i ka palena o nä moku. E ho'i a'e käua no “;HALELE'A,”; no Kaua'i ho'i hemolele i ka mälie. Ma laila ho'i, a pau ua huaka'i like nei o käua. “;ADIOS KE ALOHA!”;

He wahi ho'oheno këia no Kellen Paik a me Kalikolïhau Hannahs, 'o ia ho'i ke KÜPAOA e hone nei i nä kü'ono like 'ole o Hawai'i nei a puni, no ka puka 'ana o kä läua pä sëdë hou i kapa 'ia 'o “;Pili o Ke Ao.”; Ua nani wale ke alu like 'ana o nei mau lima mikioi i ka haku mele me ka ho'okani pila.

Inä he 'i'ini kou e kipa hou ai i neia mau wahi, e kü'ai mai i ka pä sëdë hou e waiho ana ma nä haka kau o nä hale kü'ai. Eia hou, hiki ke kipa 'ia läua ma Aku Bone i nä ahiahi Pö'akahi. Ke aloha nö!

  Eia hou kekahi leo ho'omaika'i iä Barack Obama i koho 'ia aku nei 'o ia ka Pelekikena hou o 'Amelika Hui Pü 'Ia. E kü ho'i nä lau lama!—- LH

  E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

>> .(JavaScript must be enabled to view this email address)

>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)

>> 956-2624 (Kekeha)

This column is coordinated by Kawaihuelani at the University of Hawai'i at Mänoa, supported by the Initiative for Achieving Native Hawaiian Academic Excellence.

He ho'oheno no KŪPAOA

Synopsis: KŪPAOA released its debut album entitled “;Pili o Ke Ao.”; Congratulations to Kellen Paik and Kalikolīhau Hannahs.

  Kūpaoa
He hea a'e nei kēia
E nanea mai i ka 'olu
O ia Wai a'o Kēmamo
Ke kilohana a'o Hā'upu
O lono mai ho'i 'oe
I ke kāhuli leo o uka
I ka hone mai a ka ua
E līhau mai ana
Huli mai nō a e 'ike
I ka lino hilo mikioi
O ua lei pua 'ala onaona
Ke KŪPAOA o ka 'āina

  Hūi e ke hoa puni mele ē! Eia a'e nei ke KŪPAOA o ka 'āina e honehone mai nei i ka “;Pili o Ke Ao.”; Nani wale ka 'ikena i ke alaula e ea mai ana ma Ha'eha'e. He nonono welo mau no Kilohana e ma'ū maila i ka wehi Līhau kakahiaka.

E naue kāua a e kipa like aku i nā pana 'āina me ia KŪPAOA e onaona mai ana Hawai'i. Ua “;ULUWEHIKALUNAOKA'ALA,”; i ke aheahe kaiāulu e ho'oipo ana i ka lehua o uka. Huli mai a leha a'e ko kāua mau maka, 'ike 'ia “;KAHA'EALEIAKALEWA,”; i ke 'alihilani. “;He ua lā, he ua,”; he pōmaika'i no ka 'āina. I ka la'i aku kāua o Kalihikai, 'āina kamaha'o o nā mākua, henoheno i “;KA MAKA O KA HAKU.”; I laila ho'i ke ola i ka lu'u aku a aea mai. E hau'oli wale mai nō i nei ho'oheno. He le'ale'a, he holoholo, “;HE MELE PANA I'A.”; E walea a'e ho'i kāua i ke alo lua o nā pali, kahi e huli ai nā lima i lalo, i ka mili hāloa, i “;KA ' PI'I O WAIPI'O.”; Ua lohea 'ia nō a he 'ī mai, no Hanalei mai nō kā ka ua loku. Eia nō na'e he hali'a, he aloha, he puana e ho'oheno ai, “;HHMANU HANALEI,”; i ka ua Hā'ao. E ku'u hoa 'a'e kuahiwi, inā hou aku kāua i uka i ka nani a'o Kōke'e i ka hāla'i o ia “;KOAMALU,”; e kū maila. Auē, aloha wale ka nani o Ka'eo, kahi e 'olu ai ka mana'o i ke one puakea a'o Pu'uwai. I pūpū ho'i, i Kahelelani no ku'u lei, “;HE WEHI NO LOLENA.”; 'Eā, e o'u hoa kui lima i ke one a'o Mālama, ua pili ka pua 'ilima me Lehua aia nō i ka palena o nā moku. E ho'i a'e kāua no “;HALELE'A,”; no Kaua'i ho'i hemolele i ka mālie. Ma laila ho'i, a pau ua huaka'i like nei o kāua. “;ADIOS KE ALOHA!”;

He wahi ho'oheno kēia no Kellen Paik a me Kalikolīhau Hannahs, 'o ia ho'i ke KŪPAOA e hone nei i nā kū'ono like 'ole o Hawai'i nei a puni, no ka puka 'ana o kā lāua pā sēdē hou i kapa 'ia 'o “;Pili o Ke Ao.”; Ua nani wale ke alu like 'ana o nei mau lima mikioi i ka haku mele me ka ho'okani pila.

Inā he 'i'ini kou e kipa hou ai i neia mau wahi, e kū'ai mai i ka pā sēdē hou e waiho ana ma nā haka kau o nā hale kū'ai. Eia hou, hiki ke kipa 'ia lāua ma Aku Bone i nā ahiahi Pō'akahi. Ke aloha nō!

  Eia hou kekahi leo ho'omaika'i iā Barack Obama i koho 'ia aku nei 'o ia ka Pelekikena hou o 'Amelika Hui Pū 'Ia. E kū ho'i nā lau lama!—- LH

  E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

>> .(JavaScript must be enabled to view this email address)

>> .(JavaScript must be enabled to view this email address)

  a i 'ole ia, ma ke kelepona:

>> 956-2627 (Laiana)

>> 956-2624 (Kekeha)

This column is coordinated by Kawaihuelani at the University of Hawai'i at Mānoa, supported by the Initiative for Achieving Native Hawaiian Academic Excellence.