No Nanea Ke Aloha
Keawe Lopes
Synopsis: A fond aloha to our Nanea Alice Miulan Keaulana.
He ho'oheno kēia no Nanea Alice
Ku'u hoa 'alo i ke anu o Mānoa-ali'i
A he noa ka helena a'o ia uka
I ka uluwehiwehi mai a'o Halelani
Halehale mai ana nei pū'olo ua Tuahine
E hālo'i nei i ka pā mai o Kahaukāne
Aheahe mai ana nei hāli'a aloha
Me he mana'o nonono mai i ka lā
Heleakalā kuahiwi 'ahu pua o ke kolū
Kāhiko ho'i i ka pua noho mālie o Ho'onanea
Home pumehana i ka 'olu ua Nāulu
Me ke ahe lawe mālie o ke kaiāulu
I kai aku nō 'oe a e luana mai ai
I 'olu mau i Ka'ehukai o Keaulana
He wahi ho'oheno kēia no Nanea Alice Miulan Keaulana. He hoa 'īlio makamae 'o ia a he punahele nō ho'i na 'Anakala Kimo Alama Keaulana. Ua minamina ka ha'alele 'ana o ua Nanea nei no ke ala ho'i 'ole mai, a no ka mea, he milimili 'o ia a he hānai ā huhu nō ho'i mai kona wā 'u'uku mai a hiki i kona ha'alele 'ana mai i ka poepoe honua nei o kākou.
'Oiai he hoa hele ua Nanea nei no 'Anakala Kimo, he hoa kipa ma'a mau 'o ia no nā kuleana like 'ole a 'Anakala e 'auamo ana. A no laila, ua kipa mai 'o Nanea i ke kula nui nei 'o Hawai'i ma Mānoa, no ke a'o 'ana i ka papa mele wahi pana, Hawaiian 483 (2003 - 2008). Me mākou nō ho'i 'o ia ma ka papa hula, he kia'i maika'i no ka Lei Hulu Hula School. He kumu kōkua nō ho'i 'o ia no 'Anakala Kimo ma nā papa 'ōlelo Hawai'i ma ke kula Kaiāulu 'o Honolulu. 'Oiai, he pu'ukani leo nahenahe 'o 'Anakala Kimo a ua kuku'i kona kaulana mai kekahi kapa a kekahi kapa aku o Hawai'i nei a puni, ua kama'āina ka nui lehulehu, mai 'ō a 'ō, i ka maka u'i lua 'ole ho'i o ua Nanea nei.
Mai kona wā 'u'uku mai, ua 'ike kona mau maka a ua lohe kona mau pepeiao i nā hula a me nā mele kupa o ka 'āina. Inā ua hiki ke 'ike 'ia nā mea a kona mau maka i 'ike ai, inā ua lilo paha 'o ia i waihona maika'i no mākou nā haumāna a 'Anakala Kimo.
E ha'o 'ia ana kona hā'awi aloha 'ana mai me ia kani 'aoa ikaika o kona leo a me kona 'ano noho nanea 'ana i ka pili 'ao'ao o 'Anakala Kimo. Eia na'e, ua lilo nō 'o ia i hoa kui lima no 'Anakala Joe i ke alanui gula a'ia'i o ka lani! Ma laila paha e lana a'e ai ka pu'uwai. Ke aloha!
[Ke hā'awi aku nei 'o Kauakūkalahale i ke aloha iā 'Anakala Kimo, i loko o kēia wā lu'ulu'u. 'O Nanea, he 'īlio maika'i 'o ia, a ua hele a nui ke aloha o nā kānaka a pau i ua Nanea nei. A ma kekahi mau lā o ka papa mele i pa'i wikiō 'ia, e lohe 'ia nō kahi leo 'aoa o Nanea Alice aloha. Me ke aloha nui iā 'oe, e 'Anakala.]
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
No Nanea Ke Aloha
Keawe Lopes
Synopsis: A fond aloha to our Nanea Alice Miulan Keaulana.
He ho'oheno këia no Nanea Alice
Ku'u hoa 'alo i ke anu o Mänoa-ali'i
A he noa ka helena a'o ia uka
I ka uluwehiwehi mai a'o Halelani
Halehale mai ana nei pü'olo ua Tuahine
E hälo'i nei i ka pä mai o Kahaukäne
Aheahe mai ana nei häli'a aloha
Me he mana'o nonono mai i ka lä
Heleakalä kuahiwi 'ahu pua o ke kolü
Kähiko ho'i i ka pua noho mälie o Ho'onanea
Home pumehana i ka 'olu ua Näulu
Me ke ahe lawe mälie o ke kaiäulu
I kai aku nö 'oe a e luana mai ai
I 'olu mau i Ka'ehukai o Keaulana
He wahi ho'oheno këia no Nanea Alice Miulan Keaulana. He hoa 'ïlio makamae 'o ia a he punahele nö ho'i na 'Anakala Kimo Alama Keaulana. Ua minamina ka ha'alele 'ana o ua Nanea nei no ke ala ho'i 'ole mai, a no ka mea, he milimili 'o ia a he hänai ä huhu nö ho'i mai kona wä 'u'uku mai a hiki i kona ha'alele 'ana mai i ka poepoe honua nei o käkou.
'Oiai he hoa hele ua Nanea nei no 'Anakala Kimo, he hoa kipa ma'a mau 'o ia no nä kuleana like 'ole a 'Anakala e 'auamo ana. A no laila, ua kipa mai 'o Nanea i ke kula nui nei 'o Hawai'i ma Mänoa, no ke a'o 'ana i ka papa mele wahi pana, Hawaiian 483 (2003 - 2008). Me mäkou nö ho'i 'o ia ma ka papa hula, he kia'i maika'i no ka Lei Hulu Hula School. He kumu kökua nö ho'i 'o ia no 'Anakala Kimo ma nä papa 'ölelo Hawai'i ma ke kula Kaiäulu 'o Honolulu. 'Oiai, he pu'ukani leo nahenahe 'o 'Anakala Kimo a ua kuku'i kona kaulana mai kekahi kapa a kekahi kapa aku o Hawai'i nei a puni, ua kama'äina ka nui lehulehu, mai 'ö a 'ö, i ka maka u'i lua 'ole ho'i o ua Nanea nei.
Mai kona wä 'u'uku mai, ua 'ike kona mau maka a ua lohe kona mau pepeiao i nä hula a me nä mele kupa o ka 'äina. Inä ua hiki ke 'ike 'ia nä mea a kona mau maka i 'ike ai, inä ua lilo paha 'o ia i waihona maika'i no mäkou nä haumäna a 'Anakala Kimo.
E ha'o 'ia ana kona hä'awi aloha 'ana mai me ia kani 'aoa ikaika o kona leo a me kona 'ano noho nanea 'ana i ka pili 'ao'ao o 'Anakala Kimo. Eia na'e, ua lilo nö 'o ia i hoa kui lima no 'Anakala Joe i ke alanui gula a'ia'i o ka lani! Ma laila paha e lana a'e ai ka pu'uwai. Ke aloha!
[Ke hä'awi aku nei 'o Kauakükalahale i ke aloha iä 'Anakala Kimo, i loko o këia wä lu'ulu'u. 'O Nanea, he 'ïlio maika'i 'o ia, a ua hele a nui ke aloha o nä känaka a pau i ua Nanea nei. A ma kekahi mau lä o ka papa mele i pa'i wikiö 'ia, e lohe 'ia nö kahi leo 'aoa o Nanea Alice aloha. Me ke aloha nui iä 'oe, e 'Anakala.]
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|