Henehene kō 'aka

Synopsis: Chris Rock's No Apologies concert was just as funny as his two hit concerts Bring The Pain and Bigger & Blacker.

Aloha e nā makamaka heluhelu o Kauakūkalahale, he mau kānaka puni ho'omāke'aka paha 'oukou? Inā pēlā, ua hele aku nei paha i ka 'aha ho'omāke'aka o Chris Rock i kēlā Pō'aono aku nei. 'Akahi nō 'o ia a hele mai i Hawai'i no ka hana 'ana i 'aha ho'omāke'aka, a ke lana nei ka mana'o, e ho'i hou mai 'o Rock ma kēia hope aku, akā "mai kali a pau nā niho, o hala a'e ē ka Pu'ulena."

Na Mario Joyner i ho'omaka i ia ahiahi. He kanaka ho'omāke'aka nō ho'i 'o ia. 'O kekahi mea i hehē ai ka 'aka, no kona 'ōlelo 'ana no ka hale kū'ai 'o Home Depot. Wahi a Joyner, 'a'ohe kanaka hana ma laila. A 'o ka 'epane 'alani a nā limahana e komo ana, i mea ia e pale aku ai i ka hana. A ma ia hale kū'ai, 'O ka laikini kalaiwa wale nō ka mea e lilo ai 'oe i kamanā loea. 'O kekahi mea i hū a'e ai ka 'aka o ke anaina, 'o ia ka 'ōlelo 'ana a Joyner no nā 'ano kani kelepona like 'ole e kū'ai 'ia nei. Mea maila 'o ia, ma kēia hope koke aku, e kū'ai 'ia ana ke kelepona, 'a'ole kani. A pono ke kū'ai 'ana i ke kani. Inā 'a'ole, 'o ka hana e hana ai, 'o ia ka lālau 'ana i ke kelepona a ho'olohe i kēlā me kēia 'ehā minuke.

A pau kona māhele, 'a'ole i li'uli'u, kūkala mai ana kahi leo no ka 'ō'ili 'ana mai o Chris Rock. A ua 'ono nō mai ke po'o a ka hi'u. Ha'i mai ana 'o ia i nā mea like 'ole. A i kona ho'opuka 'ana i ka inoa o ka haole e alualu ana i ke kūlana pelekikena, ua 'ike maopopo, he mau Kemokalaka wale nō kai hele, a he mau kānaka kāko'o wale nō paha iā Barack Obama. Wahi a Rock, ua 'elemakule loa 'o McCain, ua haumaka'iole, ua kaniko'o a ka'ikōkō. No ke aha 'o ia e hana ai no ka pono o kēia hope aku, 'a'ole ana 'o ia ma laila. E 'aka'aka ana nā kānaka a pau a mae ka iwi 'ao'ao. He nui hou aku kāna mau mea ho'omāke'aka, ua 'ane'ane e piha 2 hola. 'O Chris Rock ka 'oi. 'Eā, inā i mālama 'ia ua 'aha ho'omāke'aka nei ma kekahi hopena pule, 'a'ole ma ka hopena pule o ka 'ahamele Birthday Bash a KCCN, a inā he 2 lā o ka 'aha ho'omāke'aka o Chris Rock, inā ua pau nā kikiki a pau o ia mau lā 2 i ke kū'ai 'ia.

'O kahi mea minamina, ua pau nā kikiki a pau o kēia 'aha ho'omāke'aka i ke kū'ai 'ia. A no laila, no kahi po'e i hā'ule i Muliwa'a, aia nō kekahi mau kānaka e kū'ai aku ana i nā kikiki ma ka craigslist.org, a 'o ka hapanui o ia mau kānaka, he keu a ka 'ānunu, 'o kekahi, he $150 o ke kikiki, a 'o kekahi, he $300. Pohā ka lae! 'O ke kikiki pipi'i loa no ia 'aha ma ka ticketmaster, he $65 wale nō. Kainō a he kānāwai e pāpā ana i ia 'ano hana ma Hawai'i nei. Eia kā, wahi a ka lohe, ua lilo ia i mea ma'a mau. 'O kekahi mau kānaka kāka'ikahi, he 'olu'olu nō a me ka hana pono, a kū'ai lākou i ke kikiki ma ke kumu kū'ai i lilo ai ke kikiki iā lākou.

Inā e ho'i mai 'o Chris Rock no ka mālama 'ana i 'aha ho'omāke'aka hou, e 'eleu aku nō i ke kikiki, a e ho'oikaika i ka 'ōpū no ka mea e 'aka'aka ha'alo'ulo'u ana mai kinohi a i ka hopena.

Henehene kö 'aka

Synopsis: Chris Rock's No Apologies concert was just as funny as his two hit concerts Bring The Pain and Bigger & Blacker.

Aloha e nä makamaka heluhelu o Kauakükalahale, he mau känaka puni ho'omäke'aka paha 'oukou? Inä pëlä, ua hele aku nei paha i ka 'aha ho'omäke'aka o Chris Rock i këlä Pö'aono aku nei. 'Akahi nö 'o ia a hele mai i Hawai'i no ka hana 'ana i 'aha ho'omäke'aka, a ke lana nei ka mana'o, e ho'i hou mai 'o Rock ma këia hope aku, akä "mai kali a pau nä niho, o hala a'e ë ka Pu'ulena."

Na Mario Joyner i ho'omaka i ia ahiahi. He kanaka ho'omäke'aka nö ho'i 'o ia. 'O kekahi mea i hehë ai ka 'aka, no kona 'ölelo 'ana no ka hale kü'ai 'o Home Depot. Wahi a Joyner, 'a'ohe kanaka hana ma laila. A 'o ka 'epane 'alani a nä limahana e komo ana, i mea ia e pale aku ai i ka hana. A ma ia hale kü'ai, 'O ka laikini kalaiwa wale nö ka mea e lilo ai 'oe i kamanä loea. 'O kekahi mea i hü a'e ai ka 'aka o ke anaina, 'o ia ka 'ölelo 'ana a Joyner no nä 'ano kani kelepona like 'ole e kü'ai 'ia nei. Mea maila 'o ia, ma këia hope koke aku, e kü'ai 'ia ana ke kelepona, 'a'ole kani. A pono ke kü'ai 'ana i ke kani. Inä 'a'ole, 'o ka hana e hana ai, 'o ia ka lälau 'ana i ke kelepona a ho'olohe i këlä me këia 'ehä minuke.

A pau kona mähele, 'a'ole i li'uli'u, kükala mai ana kahi leo no ka 'ö'ili 'ana mai o Chris Rock. A ua 'ono nö mai ke po'o a ka hi'u. Ha'i mai ana 'o ia i nä mea like 'ole. A i kona ho'opuka 'ana i ka inoa o ka haole e alualu ana i ke külana pelekikena, ua 'ike maopopo, he mau Kemokalaka wale nö kai hele, a he mau känaka käko'o wale nö paha iä Barack Obama. Wahi a Rock, ua 'elemakule loa 'o McCain, ua haumaka'iole, ua kaniko'o a ka'ikökö. No ke aha 'o ia e hana ai no ka pono o këia hope aku, 'a'ole ana 'o ia ma laila. E 'aka'aka ana nä känaka a pau a mae ka iwi 'ao'ao. He nui hou aku käna mau mea ho'omäke'aka, ua 'ane'ane e piha 2 hola. 'O Chris Rock ka 'oi. 'Eä, inä i mälama 'ia ua 'aha ho'omäke'aka nei ma kekahi hopena pule, 'a'ole ma ka hopena pule o ka 'ahamele Birthday Bash a KCCN, a inä he 2 lä o ka 'aha ho'omäke'aka o Chris Rock, inä ua pau nä kikiki a pau o ia mau lä 2 i ke kü'ai 'ia.

'O kahi mea minamina, ua pau nä kikiki a pau o këia 'aha ho'omäke'aka i ke kü'ai 'ia. A no laila, no kahi po'e i hä'ule i Muliwa'a, aia nö kekahi mau känaka e kü'ai aku ana i nä kikiki ma ka craigslist.org, a 'o ka hapanui o ia mau känaka, he keu a ka 'änunu, 'o kekahi, he $150 o ke kikiki, a 'o kekahi, he $300. Pohä ka lae! 'O ke kikiki pipi'i loa no ia 'aha ma ka ticketmaster, he $65 wale nö. Kainö a he känäwai e päpä ana i ia 'ano hana ma Hawai'i nei. Eia kä, wahi a ka lohe, ua lilo ia i mea ma'a mau. 'O kekahi mau känaka käka'ikahi, he 'olu'olu nö a me ka hana pono, a kü'ai läkou i ke kikiki ma ke kumu kü'ai i lilo ai ke kikiki iä läkou.

Inä e ho'i mai 'o Chris Rock no ka mälama 'ana i 'aha ho'omäke'aka hou, e 'eleu aku nö i ke kikiki, a e ho'oikaika i ka 'öpü no ka mea e 'aka'aka ha'alo'ulo'u ana mai kinohi a i ka hopena.